Ɛstà-G F
F
Èdrɔ̃ kè Màrdokìa kua be gɔ̃mèɖèɖe
4 Eye Màrdokìa gblɔ̃ be: “Mawu gbɔ ye ekèawo keŋu jɔ̀ so! 5 Nyàwo, mù ɖo ŋùku èdrɔ̃ kè mù ku so ènu kèa ŋutia ji, eye nyàwoa, ènu ɖekpe mu dɛ̃ ò. 6 Èsìjɔ̀pe tukuia va trɔ zũ ètɔ̀, e yomèa, kɛ̃klɛ̃ ɖe ze, sɔ kpe èwèa ku èsì gbogboa. Ètɔ̀a nyi Ɛstà, àmè kè èfìɔ ɖè sɔ wɔ̀ èfìɔsrɔ̃a. 7 Èhɔ̃drìbà èvèawo nyi Hamàn ku ènyè ŋutɔ. 8 Dùkɔ̃wo nyi ekèwo bɔ̀ ne woa gũ èta na Yudàviwo. 9 Dùkɔ̃ kè nyi tɔ̀-nyèa le nyi Izràɛl, àmè kèwo ye na àle na Mawu eye wo gãa. Tɔhonɔ̀ hlùɛ̃ yebe dùkɔ̃a gã. Tɔhonɔ̀ gbĩ mi lè ègbèsìvuɛ̃ ŋuawo kpata si. Mawu wɔ̀ jèsìdo kèawo kpata ku ŋùdãnu gã kèawo kpata, kèwo ye mu va jɔ̀ lè dùkɔ̃wo dòmè kpɔ ò. 10 Ye ŋuti ye e dà àkɔ̀ èvè ɖo, ɖèka na Mawu be dùkɔ̃a, èvègɔ̃a na dùkɔ̃wo kpata. 11 Fifìa àkɔ̀ èvè kèawo va sɔ̀gbè lè gàpòpo ku hùenu kudo ŋùkèkè ɖoɖɛawo ji, na ènyàsòso lè Mawu be ŋùkɔ̀ ku dùkɔ̃wo kpata mè. 12 Mawu ɖo ŋùku yebe dùkɔ̃a eye e sò ènyà jɔ̀jɔɛ na ye ŋutɔ be ècrɔ̃nua. 13 Ye ŋutia, lè Àdar be wètria mè, lè wètri ŋua ke be ŋùkèkè woènɛ̀gɔ̃a ku woeàtɔ̃gɔ̃a gbèa, ŋùkèkè kèawo le biɔ so woa si be hamè be bɔ̀bɔ ɖèka, jìjɔɛ ku yɛyìwuwu lè Mawu be ŋùkumè be ɖèɖèfiɔwoa la nɔ̀ ànyi lè jìjimè ɖe sia ɖe mè, sɔyì màvɔ lè Izràɛl, yebe dùkɔ̃a gbɔ.
Nuŋɔ̀ŋlɔ̃ lè nuŋɔ̀ŋlɔ̃ yomè
14 Lè Tòlòmeò ku Kleopatrà be fìɔɖùɖu be èpè ènɛ̀gɔ̃a mè, Dòsitòs kè sɔ ye ɖokoe yɔ hũbonɔ ku Levìa, kudo yebe èvia Tòlòmeò, hɛ̃ xoma kèa va. Wo gblɔ̃ be ekèa le nyi Àkɔ̀dàdawo be xoma kè gɔ̃mè Lizimakò, Tòlòmeò be èvi, Yèruzàlɛm tɔwo be dòmètɔ ɖèka ɖèa.
Currently Selected:
Ɛstà-G F: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.