1Samuɛl Kpɔ̀kplɔ̀sɔyìemè
Kpɔ̀kplɔ̀sɔyìemè
Samuɛl be xoma cucugbãa pò nupo so hùenu kè nɔ̀ ànyi wàlɛbɛ kè kòjoɖotɔwo kplɔ̀ Izràɛl dùkɔ̃a ku wàlɛbɛ kè èfìɔwo tɔ dùkɔ̃a nu nɔ̀nɔ dòmèa ŋuti. Izràɛl be ànyigbã ji be àgbènɔ̀nɔ be tɔtrɔ kèa do ŋusù ɖewo ètò mè; woawo ye nyi: Samuɛl kè nyi Izràɛlviwo be kòjoɖotɔ gãwo dòmètɔ kpɔ̀tɛa, Saolò kè nyi Izràɛlviwo be èfìɔ cucugbãa, ku David kè be èfìɔɖùɖu be tùkaɖawo be gɔ̃mèjèje to Samuɛl ji ku Saolò si mè. Sìgbè ènyàjɔ̀jɔ be ŋɔ̀ŋlɔ̃ buwo lè Zòɖùɖu Xoxoa mè nènea, xoma kèa be ètaɖojinu ye nyi be: ànùkua wɔ̀wɔ na Mawu hɛ̃na èjiɖùɖu va, eye, èto mà-ɖo Mawu hɛ̃na àfɔ̀ku va. Ekèa mè kɔ̀, wàlɛbɛ kè Tɔhonɔ̀ gblɔ̃ lè xoma kèa be èta 2.3 mè na hũbonɔ Eli be: “Mù la na àmè kèwo dona bùbu ŋuti nyèawo la zũ bùbumewo, eye mù la dovlo àmè kèwo crì mùawo”. Susu vòvòwo nɔ̀ èfìɔɖùɖua ŋuti lè xoma kèa mè ɖodu. To e gbɔ be Tɔhonɔ̀ ŋutɔ ye nyi èfìɔ na Izràɛl dùkɔ̃a, ye ŋutɔ gbà na ɖoŋuti dùkɔ̃a be biɔbiɔ, eye be cã èfìɔ na wo. Ènu kè nɔ̀ veve ɖe a ye nyi be èfìɔ kè wo ɖoa cã, Izràɛl dùkɔ̃a cã, woawo keŋu wo nɔ̀ àgbè lè Mawu be àcɛ̀ ku yebe jɔ̀jɔɛ sòso gɔ̃mè. (2, 7-10) Lè Mawu be èsewo gɔ̃mèa, dùkɔ̃wo keŋu: àdɔ̀kùnɔ̀wo ku wɔ̀amènɔ̀wo keŋu be jena, vòvòtoto mà-nɔ̀ e mè nyi ɖèka.
Xoma a mè-nyàwo
Samuɛl nyi kòjoɖotɔ na Izràɛlviwo (1.1-17)
Saolò trɔ zũ èfìɔ (8.1—10.27)
Saolò be èfìɔɖùɖu, lè èpè cucugbãa mè (11.1—15.35)
David kudo Saolò (16.1—30.31)
Saolò be èviwo, lè yebe èku yomè. (31.1-13)
Zòɖùɖu Ɖakà a ku Filistìtɔwo
Currently Selected:
1Samuɛl Kpɔ̀kplɔ̀sɔyìemè: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.