Tobit 8
8
1Ŋyunti ŋun bi jíń ki nyùn̄ ki dóòyee, bi làá kɔ́ kí dòon̄ dee. Bi nìn yōoǹ kinaacimpɔmbikee ki cáa kɔ́ǹ kudiin. 2Niinee Toobiyaasi téetì tin Rafayeel bàà sòon̄ee pu. Ní u nyántì u-lookun ujɔmee pɔɔl nì u-ŋuul ki dūu páká amɔsiŋkoon ŋin kā kisambiki kin poon bi tùutī talaaluee. 3Ujɔmee nunuŋu nìn jìn̄ arasiniiyee ní u kɔ́ kutaa ki sáǹ ki cūtìi nyáń Eejipiti tiŋkin. Rafayeel nìn jìn̄-u, ki jáń ki pɔ́ɔkiǹ-u ní ki dū ikusaka ki bóob́-u niin niin. 4Míǹ boonee ní bibaatiibi nyáń ki yāntì Toobiyaasi ní ki dū kudii ki kpàl̄. Niinee Toobiyaasi yíkì kilambaŋ pu ní ki bí Saara yii: M-niisal, yīkì tí mèè kí gbàam̀ ti-Dindaan ú dàkà-ti u-laŋŋaŋfitiiku ní kí tīī-ti u-fiil. 5Saara yíkì ní bi kíĺ ki bíi mèé ki gbàam̀ ti-Dindaan yii ú fīī-bi. Toobiyaasi nín nìn mēē puee sèé:
«Ti nyɔ́ŋkí-si, ti-baabi Nimbɔtiu!
A-yindi ń ká inyɔŋki kí nīn cáa cá jaanjaan!
Kutagbɔŋu nì tiwannáaŋkaal kɔkɔ
ń nyɔ̄ŋkì-si kí nīn cá abin abin!
6Sii di náań Adam,
sii di tí náań u-nimpuu Awa
ú nīn tútúǹ-u kí nīn tīkintí-u.
Bíǹ binib bili gbanti di màl̄ inifunaan kɔkɔ.
Sii di lī yii:
<An kaa ŋān̄ unil ń nīn bí u-baba míǹ.
Tí náań un làá nīn tútúǹ-uee kí ŋàl̄-u#8.6 Kpèè Diny 2.18..>
7Kɔŋkɔnnee, an kaa sá nlandɔkɔ ŋun kaa kítèe
di bíi téekí-mi ḿ cáá m-niisal nee,
ama mbaamɔn landɔkɔŋu di bíi téekí-mi.
M gbàam̄-si, sɔ̄ man nì u saai,
kí pɔ̄-ti diyimɔɔl tí nīn bí dicilpu kí tin púĺ.»
8Míǹ boonee ní bi kíí dicilpu yii: «Ameeni, ameeni!», 9ní bi dōoǹ kunyeeu gbanti.
10Raguweel yíkèe ni ki kóoǹ u-tɔntɔnliibi ki kpáfì ki cūtìi bíi gbì ŋfal. Di sá yii u nìn lī yii: «An ŋūǹ yii kinaacimpɔmbikee kpíì. An yaa lafun jítì mimmee, binib làá bèel̀-ti ní kí sìì-ti.» 11Ŋyunti ŋun bi gbìn̄ ŋfal ki dóòyee ní Raguweel fātìi gítìń mmɔŋki ní ki yíiń u-nimpuu 12ki bí-u yii: «Tɔ̄ a-tɔntɔnliibi binimpoobi kansikin ubɔ ú kɔ́ kudiin kí kpèè Toobiyaasi yaa dáá gbíntìi bí dimaŋfalin. An yaa ŋá yii u kpíìyee, ti làá ŋmā kí síb́-u ubɔ ń taa béé tiba.» 13Ní bi yíiń utɔntɔnlee, ki tūū fitila ní ki cúú kudii punyɔkɔki ki pīitì. Utɔntɔnlee kɔ́ee ki ká yii bi-liitil dɔ̄ ki gèeǹ fɔ̀rrr. 14Ní u nyáń ki bí-bi yii: «U bí dimaŋfalin! Tikɔkɔ pée bíi còom̄ tiŋan ní!» 15Niinee ní bi jáam̀ Unimbɔti un bí yilpuee ki lī yii:
«Unimbɔti, a máaǹ bin pɔbil bí diba nì see ń nyɔ̄ŋkì-si!
Bí nīn nyɔ́ŋkí-si kí nīn cá abin abin!
16M jáaḿ-si a nín gbéeǹ-mi mmɔnnee!
Di sá yii m nín bàà dàkafī puee, an kaa ŋá míǹ
ama ní a dàkā-ti a-poon nín mɔ̄ tikpil puee.
17Ti jáaḿ-si a nín súń mbibaabilimu muli nee saai puee!
Dàkà-bi a-poommɔŋŋu kí fīī-bi!
Yàntī bí nīn bí mmɔnni nì dineendi poon.»
18Míǹ boonee ní u tīī u-tɔntɔnliibi mara yii bí gbīŋkì ŋfalee kí wàatī kutaa ń nín wúntí.
Tinimpucanjin
19Raguweel tùkū u-nimpuu yii ú púĺ kpɔnɔb tikpil. U nìn kɔ́ u-nacaŋkpuŋkun ki lēē inaa ili nì ipijaa inaa ní ki yāntì bi kūū ki ŋáŋkì tinan ki tɔ́kɔǹ. Niinee bi kíĺ ki bíi bɔ́ntí jiŋaal. 20U nìn yíiń Toobiyaasi ní ki bí-u yii: «A làá ŋá doo ŋwiin ŋubɔ kpá saalku kaa làá cù laaba, ama a làá gbíntí m-cee doo kí jī kí nyɔ̀ ní kí tīī m-bisal dipɔɔpindi ú ŋmā kí súntí inaabu in yāntì u jíń falaa tikpil nee pu. 21Kɔŋkɔnnee, á fōō m-gaajawanti kɔkɔ dijandi, ní kí fàtīí gítí a-baa cee tiŋan. Dijandi din kíǹee, nimbi di dāa yì man nì m-nimpuu kúm boon. M-biki, ká kunyannyaau, m sá a-baa ní Eedina sá a-na. Ti làá nīn bí sii nì a-niisal cee kí yòon̄ kɔŋkɔnnee kí nīn cáa cá jaanjaan. Nín̄ cáá dimákal, m-biki.»
Currently Selected:
Tobit 8: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Tobit 8
8
1Ŋyunti ŋun bi jíń ki nyùn̄ ki dóòyee, bi làá kɔ́ kí dòon̄ dee. Bi nìn yōoǹ kinaacimpɔmbikee ki cáa kɔ́ǹ kudiin. 2Niinee Toobiyaasi téetì tin Rafayeel bàà sòon̄ee pu. Ní u nyántì u-lookun ujɔmee pɔɔl nì u-ŋuul ki dūu páká amɔsiŋkoon ŋin kā kisambiki kin poon bi tùutī talaaluee. 3Ujɔmee nunuŋu nìn jìn̄ arasiniiyee ní u kɔ́ kutaa ki sáǹ ki cūtìi nyáń Eejipiti tiŋkin. Rafayeel nìn jìn̄-u, ki jáń ki pɔ́ɔkiǹ-u ní ki dū ikusaka ki bóob́-u niin niin. 4Míǹ boonee ní bibaatiibi nyáń ki yāntì Toobiyaasi ní ki dū kudii ki kpàl̄. Niinee Toobiyaasi yíkì kilambaŋ pu ní ki bí Saara yii: M-niisal, yīkì tí mèè kí gbàam̀ ti-Dindaan ú dàkà-ti u-laŋŋaŋfitiiku ní kí tīī-ti u-fiil. 5Saara yíkì ní bi kíĺ ki bíi mèé ki gbàam̀ ti-Dindaan yii ú fīī-bi. Toobiyaasi nín nìn mēē puee sèé:
«Ti nyɔ́ŋkí-si, ti-baabi Nimbɔtiu!
A-yindi ń ká inyɔŋki kí nīn cáa cá jaanjaan!
Kutagbɔŋu nì tiwannáaŋkaal kɔkɔ
ń nyɔ̄ŋkì-si kí nīn cá abin abin!
6Sii di náań Adam,
sii di tí náań u-nimpuu Awa
ú nīn tútúǹ-u kí nīn tīkintí-u.
Bíǹ binib bili gbanti di màl̄ inifunaan kɔkɔ.
Sii di lī yii:
<An kaa ŋān̄ unil ń nīn bí u-baba míǹ.
Tí náań un làá nīn tútúǹ-uee kí ŋàl̄-u#8.6 Kpèè Diny 2.18..>
7Kɔŋkɔnnee, an kaa sá nlandɔkɔ ŋun kaa kítèe
di bíi téekí-mi ḿ cáá m-niisal nee,
ama mbaamɔn landɔkɔŋu di bíi téekí-mi.
M gbàam̄-si, sɔ̄ man nì u saai,
kí pɔ̄-ti diyimɔɔl tí nīn bí dicilpu kí tin púĺ.»
8Míǹ boonee ní bi kíí dicilpu yii: «Ameeni, ameeni!», 9ní bi dōoǹ kunyeeu gbanti.
10Raguweel yíkèe ni ki kóoǹ u-tɔntɔnliibi ki kpáfì ki cūtìi bíi gbì ŋfal. Di sá yii u nìn lī yii: «An ŋūǹ yii kinaacimpɔmbikee kpíì. An yaa lafun jítì mimmee, binib làá bèel̀-ti ní kí sìì-ti.» 11Ŋyunti ŋun bi gbìn̄ ŋfal ki dóòyee ní Raguweel fātìi gítìń mmɔŋki ní ki yíiń u-nimpuu 12ki bí-u yii: «Tɔ̄ a-tɔntɔnliibi binimpoobi kansikin ubɔ ú kɔ́ kudiin kí kpèè Toobiyaasi yaa dáá gbíntìi bí dimaŋfalin. An yaa ŋá yii u kpíìyee, ti làá ŋmā kí síb́-u ubɔ ń taa béé tiba.» 13Ní bi yíiń utɔntɔnlee, ki tūū fitila ní ki cúú kudii punyɔkɔki ki pīitì. Utɔntɔnlee kɔ́ee ki ká yii bi-liitil dɔ̄ ki gèeǹ fɔ̀rrr. 14Ní u nyáń ki bí-bi yii: «U bí dimaŋfalin! Tikɔkɔ pée bíi còom̄ tiŋan ní!» 15Niinee ní bi jáam̀ Unimbɔti un bí yilpuee ki lī yii:
«Unimbɔti, a máaǹ bin pɔbil bí diba nì see ń nyɔ̄ŋkì-si!
Bí nīn nyɔ́ŋkí-si kí nīn cá abin abin!
16M jáaḿ-si a nín gbéeǹ-mi mmɔnnee!
Di sá yii m nín bàà dàkafī puee, an kaa ŋá míǹ
ama ní a dàkā-ti a-poon nín mɔ̄ tikpil puee.
17Ti jáaḿ-si a nín súń mbibaabilimu muli nee saai puee!
Dàkà-bi a-poommɔŋŋu kí fīī-bi!
Yàntī bí nīn bí mmɔnni nì dineendi poon.»
18Míǹ boonee ní u tīī u-tɔntɔnliibi mara yii bí gbīŋkì ŋfalee kí wàatī kutaa ń nín wúntí.
Tinimpucanjin
19Raguweel tùkū u-nimpuu yii ú púĺ kpɔnɔb tikpil. U nìn kɔ́ u-nacaŋkpuŋkun ki lēē inaa ili nì ipijaa inaa ní ki yāntì bi kūū ki ŋáŋkì tinan ki tɔ́kɔǹ. Niinee bi kíĺ ki bíi bɔ́ntí jiŋaal. 20U nìn yíiń Toobiyaasi ní ki bí-u yii: «A làá ŋá doo ŋwiin ŋubɔ kpá saalku kaa làá cù laaba, ama a làá gbíntí m-cee doo kí jī kí nyɔ̀ ní kí tīī m-bisal dipɔɔpindi ú ŋmā kí súntí inaabu in yāntì u jíń falaa tikpil nee pu. 21Kɔŋkɔnnee, á fōō m-gaajawanti kɔkɔ dijandi, ní kí fàtīí gítí a-baa cee tiŋan. Dijandi din kíǹee, nimbi di dāa yì man nì m-nimpuu kúm boon. M-biki, ká kunyannyaau, m sá a-baa ní Eedina sá a-na. Ti làá nīn bí sii nì a-niisal cee kí yòon̄ kɔŋkɔnnee kí nīn cáa cá jaanjaan. Nín̄ cáá dimákal, m-biki.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.