Tobit 7
7
Raguweel dū u-bisal ki tīī Toobiyaasi ticati
1Bi nín kɔ́ Eekibataani tiŋkinee ní Toobiyaasi bí yii: «M-nabiki Asariyasi, cáá-mi kí cùnnì ti-nabiki Raguweel cee dicilpu.» Niinee ntuunee cáá-u ki cūnnì Raguweel cee. Bi nìn ká-u u kā u-cindi punyɔkɔki nyɔkɔpu ní bi péé ki jáam̀-u. Ní u kíí-bi yii: «M-nabiyaamu, m jáaḿ-ni, ni nì nsan», ní u fōō-bi ki kɔ́ǹ u-dumpu. 2U nìn tùkū u-nimpuu Eedina yii: «Kpèè kinaacimpɔmbiki nee nín náań nì m-nabiki Toobii puee!» 3Niinee Eedina bālifì-bi yii: «M-nabiyaamu, ni nyánní la?» Ní bi kíí-u yii: «Ti sá Neefitalii naakookun, Isirayeel yab bin bi cúú kuyuŋu ki cūnnì Niiniifee ní.» 4Ní u bālifì-bi yii: «Ni nyí ti-nabiki Toobiii?» Ní bi kíí-u yii: «Iiin, ti nyí-u.» 5Ní u bālifì-bi yii: «U pɔ̄ɔ̄ɔɔ?» Ní bi kíí-u yii: «U dáá gbíntìi bí dimaŋfalin ki pɔ̄ɔ̄ tiŋan.» Ní Toobiyaasi kútì ki lī yii: «M-baa dee.»
6Niinee Raguweel nyīī yíkì dicilpu ki kpàl̄-u ní ki kíĺ ki bíi sūǹ. Míǹ boonee ní u bí-u yii: «M-biki, Unimbɔti ń bìin̄ a-boon! A cáá baamɔnti. An sá nnaabu ní yii unil un sá deedeedaan ki pūǹ binib tiwanee ń kpántí ujɔfu!» Raguweel tí fātìi ŋàan̄ ki cìb̄ Toobiyaasi, ní kí tí kíĺ ki bíi sūǹ. 7U-nimpuu Eedina mun nìn bíi sūǹ Toobii pu, ní u-bisal Saara mun kíĺ ki bíi sūǹ. 8Míǹ boonee ní u lēē u-picaŋkpuŋkun upìja ki kūū ní ki fōō-bi kucaŋu tiŋan.
9Ŋyunti ŋun bi fíntì bi-ba ki ŋá circiree ní bi cūtìi kāl̀ kí jī tijin. Niinee Toobiyaasi bí Rafayeel yii: «M-nabiki Asariyasi, bàlifì Raguweel ú dū m-niisal Saara kí tīī-mi ḿ cáá.» 10Raguweel nìn gbìl̄ bi nín bíi sòoǹ puee ní u bí kinaacimpɔmbikee yii: «Jī tijin kí nyɔ̀ ní kí dòon̄ kí ŋùŋfì kunyeeu nee. Sii boonee, ubɔ kaa ti cáá nsan kí cáá m-bisal Saara, ní ma mun kaa cáá nsan kí dū-u kí tīī ubɔ mun. Sii di yì-u, di sá yii man nì sii pēē ní kiŋkiŋ. Ama m làá tùkù-si mbaamɔn ní. 11M dū-u ki tīī ticati ŋfunyɔm miluli pu dee. Bininjab gbanti nìn sá ti-nabiyaamu Isirayeel yab ní, ní bi-kɔkɔ kpíì kunyeeu kun ní bi yaa là bi nì u ń kpāfèe. Ama m-biki, jī kí nyɔ̀, ti-Dindaan di làá dàkà-ti u-laŋŋaŋfitiiku.» 12Ama ní Toobiyaasi bí yii: «A yaa kaa kpēē tibɔti nee, maa làá jī tiba kaa làá nyɔ̀ tiba mun doo#7.12 Dūú ŋmàntī nì Diny 24.33..» Ní Raguweel bí-u yii: «Too, m làá kpèè-tì. Sii di yì Saara kí nóó nì Mooyiisi marau nín bālifì puee. Unimbɔti di dū-u ki tīī-si. Yòon̄ a-niisal. Kí yòon̄ kɔŋkɔnnee kí nīn cée, a sá u-niija ní u mun sá a-niisal. Sii di yì-u díǹ kí nīn pée cáa cá jaanjaan. Ti-Dindaan un bí yilpu nee làá yàntī kunyeeu nee ń nīn sá kumɔntiiu ki tīī-ni, m-biki. Ú dàkà-ni u-laŋŋaŋfitiiku nì u-gbansɔŋfiŋu!»
13Míǹ boonee ní Raguweel yíiń u-bisal Saara. U bāańee ní u cúú u-ŋal ki dūu tākaǹ Toobiyaasi ŋalin ki bí yii: «Fōō-u ú kpántí a-nimpuu kii Mooyiisi marau nín bālifì puee. Yòon̄-u kí cáá-u kí cùnnì a-baa cee. Unimbɔti un bí yilpuee ń céeǹ-ni nì ŋgbansɔŋfi!» 14Míǹ boonee ní u yíiń Saara na ní ki bí-u yii: «Cáań tiŋmakaal.» Niinee ní u ŋmàn̄ kugbɔŋu kun dàkà yii u dū Saara ki tīī-u ticati ki nóó nì Mooyiisi marauee. Bi nín ŋá míǹ ki dóòyee ní bi nín jíń ki nyùn̄#7.14 jíń ki nyùn̄: dūú ŋmàntī nì Diny 24.54..
Kunyeeu kun bi cáá tɔbee
15Raguweel yíiń u-nimpuu Eedina ní ki bí-u yii: «M-niisal, bɔ́ntí kudii kubɔ kí tīī Saara kí cáá-u kí kɔ́ǹ niin.» 16Ní Eedina cūtì ki bɔ́ntì ndoo kudiin, kii u-cal nín bí yii ú ŋá puee. U nìn cáá u-bisal ki kɔ́ǹ kudii gbantin ní ki bíi sūǹ Saara pu. Míǹ boonee ní u pítì u-nyinnyim ní ki bí-u yii: 17«M-bisal, ká dipɔbil! Ti-Dindaan un bí yilpuee ń cúú a-tuntuŋŋu kí kpántí mmɔn! Ká dipɔbil, m-bisal!» U lī mimmee ní ki nín nyēē.
Currently Selected:
Tobit 7: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Tobit 7
7
Raguweel dū u-bisal ki tīī Toobiyaasi ticati
1Bi nín kɔ́ Eekibataani tiŋkinee ní Toobiyaasi bí yii: «M-nabiki Asariyasi, cáá-mi kí cùnnì ti-nabiki Raguweel cee dicilpu.» Niinee ntuunee cáá-u ki cūnnì Raguweel cee. Bi nìn ká-u u kā u-cindi punyɔkɔki nyɔkɔpu ní bi péé ki jáam̀-u. Ní u kíí-bi yii: «M-nabiyaamu, m jáaḿ-ni, ni nì nsan», ní u fōō-bi ki kɔ́ǹ u-dumpu. 2U nìn tùkū u-nimpuu Eedina yii: «Kpèè kinaacimpɔmbiki nee nín náań nì m-nabiki Toobii puee!» 3Niinee Eedina bālifì-bi yii: «M-nabiyaamu, ni nyánní la?» Ní bi kíí-u yii: «Ti sá Neefitalii naakookun, Isirayeel yab bin bi cúú kuyuŋu ki cūnnì Niiniifee ní.» 4Ní u bālifì-bi yii: «Ni nyí ti-nabiki Toobiii?» Ní bi kíí-u yii: «Iiin, ti nyí-u.» 5Ní u bālifì-bi yii: «U pɔ̄ɔ̄ɔɔ?» Ní bi kíí-u yii: «U dáá gbíntìi bí dimaŋfalin ki pɔ̄ɔ̄ tiŋan.» Ní Toobiyaasi kútì ki lī yii: «M-baa dee.»
6Niinee Raguweel nyīī yíkì dicilpu ki kpàl̄-u ní ki kíĺ ki bíi sūǹ. Míǹ boonee ní u bí-u yii: «M-biki, Unimbɔti ń bìin̄ a-boon! A cáá baamɔnti. An sá nnaabu ní yii unil un sá deedeedaan ki pūǹ binib tiwanee ń kpántí ujɔfu!» Raguweel tí fātìi ŋàan̄ ki cìb̄ Toobiyaasi, ní kí tí kíĺ ki bíi sūǹ. 7U-nimpuu Eedina mun nìn bíi sūǹ Toobii pu, ní u-bisal Saara mun kíĺ ki bíi sūǹ. 8Míǹ boonee ní u lēē u-picaŋkpuŋkun upìja ki kūū ní ki fōō-bi kucaŋu tiŋan.
9Ŋyunti ŋun bi fíntì bi-ba ki ŋá circiree ní bi cūtìi kāl̀ kí jī tijin. Niinee Toobiyaasi bí Rafayeel yii: «M-nabiki Asariyasi, bàlifì Raguweel ú dū m-niisal Saara kí tīī-mi ḿ cáá.» 10Raguweel nìn gbìl̄ bi nín bíi sòoǹ puee ní u bí kinaacimpɔmbikee yii: «Jī tijin kí nyɔ̀ ní kí dòon̄ kí ŋùŋfì kunyeeu nee. Sii boonee, ubɔ kaa ti cáá nsan kí cáá m-bisal Saara, ní ma mun kaa cáá nsan kí dū-u kí tīī ubɔ mun. Sii di yì-u, di sá yii man nì sii pēē ní kiŋkiŋ. Ama m làá tùkù-si mbaamɔn ní. 11M dū-u ki tīī ticati ŋfunyɔm miluli pu dee. Bininjab gbanti nìn sá ti-nabiyaamu Isirayeel yab ní, ní bi-kɔkɔ kpíì kunyeeu kun ní bi yaa là bi nì u ń kpāfèe. Ama m-biki, jī kí nyɔ̀, ti-Dindaan di làá dàkà-ti u-laŋŋaŋfitiiku.» 12Ama ní Toobiyaasi bí yii: «A yaa kaa kpēē tibɔti nee, maa làá jī tiba kaa làá nyɔ̀ tiba mun doo#7.12 Dūú ŋmàntī nì Diny 24.33..» Ní Raguweel bí-u yii: «Too, m làá kpèè-tì. Sii di yì Saara kí nóó nì Mooyiisi marau nín bālifì puee. Unimbɔti di dū-u ki tīī-si. Yòon̄ a-niisal. Kí yòon̄ kɔŋkɔnnee kí nīn cée, a sá u-niija ní u mun sá a-niisal. Sii di yì-u díǹ kí nīn pée cáa cá jaanjaan. Ti-Dindaan un bí yilpu nee làá yàntī kunyeeu nee ń nīn sá kumɔntiiu ki tīī-ni, m-biki. Ú dàkà-ni u-laŋŋaŋfitiiku nì u-gbansɔŋfiŋu!»
13Míǹ boonee ní Raguweel yíiń u-bisal Saara. U bāańee ní u cúú u-ŋal ki dūu tākaǹ Toobiyaasi ŋalin ki bí yii: «Fōō-u ú kpántí a-nimpuu kii Mooyiisi marau nín bālifì puee. Yòon̄-u kí cáá-u kí cùnnì a-baa cee. Unimbɔti un bí yilpuee ń céeǹ-ni nì ŋgbansɔŋfi!» 14Míǹ boonee ní u yíiń Saara na ní ki bí-u yii: «Cáań tiŋmakaal.» Niinee ní u ŋmàn̄ kugbɔŋu kun dàkà yii u dū Saara ki tīī-u ticati ki nóó nì Mooyiisi marauee. Bi nín ŋá míǹ ki dóòyee ní bi nín jíń ki nyùn̄#7.14 jíń ki nyùn̄: dūú ŋmàntī nì Diny 24.54..
Kunyeeu kun bi cáá tɔbee
15Raguweel yíiń u-nimpuu Eedina ní ki bí-u yii: «M-niisal, bɔ́ntí kudii kubɔ kí tīī Saara kí cáá-u kí kɔ́ǹ niin.» 16Ní Eedina cūtì ki bɔ́ntì ndoo kudiin, kii u-cal nín bí yii ú ŋá puee. U nìn cáá u-bisal ki kɔ́ǹ kudii gbantin ní ki bíi sūǹ Saara pu. Míǹ boonee ní u pítì u-nyinnyim ní ki bí-u yii: 17«M-bisal, ká dipɔbil! Ti-Dindaan un bí yilpuee ń cúú a-tuntuŋŋu kí kpántí mmɔn! Ká dipɔbil, m-bisal!» U lī mimmee ní ki nín nyēē.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.