Tobit 2
2
Toobii kpántì ujɔfu
1Ŋyunti ŋun Asaradɔn kpántì ubɔtee, ní m nín gítí m-dumpu. Bi nìn gíiǹ m-nimpuu Ana nì m-jipɔɔn Toobiyaasi ki tīī-mi. Pantikooti jiŋaaliu yuntiŋu, an dàkà yii ti yaa jíń Dilákatil jiŋaaliu ki dóò nnyɔmu mululi boon, circir jiŋaaliu un ní ti jīǹee poonee, bi nìn ŋá-mi tijimmɔntiil. M nìn kāl̀ kí jī, 2ní bi cáań tijimmɔntiil tikpil ki tɔ́kɔǹ teebil pu. Niinee ní m bí m-jipɔɔn Toobiyaasi yii: «M-jipɔɔn, cù ti-nabiyaamu mun bi cúú kuyuŋu ki cáań Niiniifi tiŋkin dooyee cee kí nyàab̀ uwɔfi un di yú deedee nì ti-Dindaan nì u-pɔbil kɔkɔee. Á yíiń udaan ú dāan̄ man nì u ń kpāfì kí jī tijin. M làá kàl̄ kí cīití a yaa gítìńee ní ḿ nín jī.»
3Toobiyaasi búntì kí nyàab̀ ti-nabiyaamu kansikin uwɔfi ubɔ, ama ní ki dāa gítìń ki tùkū-mi yii: «M-baa!» Ní m kíí-u yii: «Ba ŋá, m-biki?» Ní u kíí-mi yii: «M-baa, ubɔ kūū ti-yab ubɔ. U ŋmáaḿ ki kūū-u ní ki dū-u ki bíl̀ nnyɔŋkaan. U dáá gbíntìi dɔ̄ niin.»
4M nìn yāntì m-jintee kaa gbēē ní ki ŋá malaa ki nín cá nnyɔŋkaan ki yōoǹ un bi kūūyee wunti ki cáa bíl̀ kidibiki kiban kí nīn cí ŋwìiń yaa jéetèe ḿ síb́-u. 5M fātìi gítì mmɔŋkee ní m nyàab̄ nnyim ki fùl̄ ní ki jíń m-jinti nì kunimbaau. 6M nìn téetì Unimbɔti bɔnaatiliu Amoosi nín nìn sòon̄ tin ki tɔ́ Beeteel yab puee yii: «M làá yà ni-jiŋaalib ń kpántí akpoo ní ni-laŋyi kɔkɔ ń kpántí ikpiisilan#2.6 Kpèè Amoo 8.10..» Niinee ní m kíĺ ki bíi sūǹ. 7Míǹ boon ŋwìiń jéetèe, ní m cūtìi gbìn̄ ŋfal ní ki dū utaŋkpiilee ki síb́. 8M-kɔŋkɔnaatɔb nìn kíĺ ki bíi bèel̄-mi ki lì yii: «Waa nìn gbíntìi fàŋkéeee! Bi pée nyàab̄-u doo kí kpɔ̀ ditundi nee pu ní u dāa sáǹ. Di sá kɔŋkɔnnee u fātìi tí kíĺ ki bíi síb̀ bitaŋkpiibi nee.»
9Kunyeeu gbantee, m nìn fùl̄, ní ki cūtìi dōoǹ dicindi ki nákáǹ digundi. Maa nìn dū tiba ki bīiǹ m-nimbiin kutuntuŋu pu. 10Maa nìn nyí yii seerib nìn tɔ́kɔ́ digundi pu, laakin m dɔ̄ee yilpu. Bi nìn gbáam̀ tibìń ní an nín dáá tùm̀ puee, an dɔ́miń ki kɔ́ m-nimbiliŋin. Míǹ boonee ní tinipɔn bíi nyēē-mi. M nìn cá ki kāntí dɔkɔtab bí cáaǹ-mi, ama bi yaa nìn cáá inyɔkɔfi ki ŋmìtī m-nimbiliŋee, ŋyunti gbanti ní tinipɔn nìn mɔ̀tīi nyēē ní maa ti wāĺ. An dāa pée kúntèe, m dūu kpántì ujɔfu ní. M nìn kāl̀ abin anaa ní kaa ti wāĺ. M-bɔti nìn gbí m-dicaŋkun yab isaa. Ayiikaar nìn kpēē-mi abin ali ní ki búntì Eelmaayiisi.
11Ŋyunti gbantee, m-nimpuu Ana nìn bíi tūǹ disatalul tundi. 12U nìn cáa tìì u-kpilib, ní bíǹ pà-u animbil an nín máaǹ puee. Dalba, Diisitroosi ŋmaliu poon iwiin iluli dalee, u nìn lùn̄ sata ubɔ ki dóò, ní ki cūnnì ki tīī u-kpilib. Bi nìn pàn̄-u satee nimbiliŋ ní ki gíti pú-u kiŋɔjaka ú cáá kpɔ̀ kí ŋá tijin. 13U nín kɔ́ní dicindee ní kiŋɔjakee kíĺ ki bíi sūǹ. Niinee ní m yíiń m-nimpuu ní ki bālifì-u yii: «La ní kiŋɔjaka nee nyánní? Ubɔ di yaa yùn̄-kèe, á fàtīí gíiǹ-kì kí tīī ki-wandaan. Taa cáá nsan kí ŋmɔ́ tiwan tin bi yùn̄ee.» 14M-nimpuu nìn kíí-mi yii: «An sá tiwampɔkaal ní bi pú-mi ki kútì m-paati pu!» Maa nìn fōō tin u sòon̄ee ki kíí ní ki nìn gbíntìi cɔ́ yii ú gíiǹ kiŋɔjaka gbanti kí tīī ki-dindaan. An pu gbee, m nìn gíí m-nimpuu pu diŋuul. Niinee ní u kíí-mi yii: «Tiwan tin a nìn pūǹ biwɔfibee bí la? A-tunnyaaŋŋee bí la? Tin bāań-si nee, tiba kaa lìkī.»
Currently Selected:
Tobit 2: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Tobit 2
2
Toobii kpántì ujɔfu
1Ŋyunti ŋun Asaradɔn kpántì ubɔtee, ní m nín gítí m-dumpu. Bi nìn gíiǹ m-nimpuu Ana nì m-jipɔɔn Toobiyaasi ki tīī-mi. Pantikooti jiŋaaliu yuntiŋu, an dàkà yii ti yaa jíń Dilákatil jiŋaaliu ki dóò nnyɔmu mululi boon, circir jiŋaaliu un ní ti jīǹee poonee, bi nìn ŋá-mi tijimmɔntiil. M nìn kāl̀ kí jī, 2ní bi cáań tijimmɔntiil tikpil ki tɔ́kɔǹ teebil pu. Niinee ní m bí m-jipɔɔn Toobiyaasi yii: «M-jipɔɔn, cù ti-nabiyaamu mun bi cúú kuyuŋu ki cáań Niiniifi tiŋkin dooyee cee kí nyàab̀ uwɔfi un di yú deedee nì ti-Dindaan nì u-pɔbil kɔkɔee. Á yíiń udaan ú dāan̄ man nì u ń kpāfì kí jī tijin. M làá kàl̄ kí cīití a yaa gítìńee ní ḿ nín jī.»
3Toobiyaasi búntì kí nyàab̀ ti-nabiyaamu kansikin uwɔfi ubɔ, ama ní ki dāa gítìń ki tùkū-mi yii: «M-baa!» Ní m kíí-u yii: «Ba ŋá, m-biki?» Ní u kíí-mi yii: «M-baa, ubɔ kūū ti-yab ubɔ. U ŋmáaḿ ki kūū-u ní ki dū-u ki bíl̀ nnyɔŋkaan. U dáá gbíntìi dɔ̄ niin.»
4M nìn yāntì m-jintee kaa gbēē ní ki ŋá malaa ki nín cá nnyɔŋkaan ki yōoǹ un bi kūūyee wunti ki cáa bíl̀ kidibiki kiban kí nīn cí ŋwìiń yaa jéetèe ḿ síb́-u. 5M fātìi gítì mmɔŋkee ní m nyàab̄ nnyim ki fùl̄ ní ki jíń m-jinti nì kunimbaau. 6M nìn téetì Unimbɔti bɔnaatiliu Amoosi nín nìn sòon̄ tin ki tɔ́ Beeteel yab puee yii: «M làá yà ni-jiŋaalib ń kpántí akpoo ní ni-laŋyi kɔkɔ ń kpántí ikpiisilan#2.6 Kpèè Amoo 8.10..» Niinee ní m kíĺ ki bíi sūǹ. 7Míǹ boon ŋwìiń jéetèe, ní m cūtìi gbìn̄ ŋfal ní ki dū utaŋkpiilee ki síb́. 8M-kɔŋkɔnaatɔb nìn kíĺ ki bíi bèel̄-mi ki lì yii: «Waa nìn gbíntìi fàŋkéeee! Bi pée nyàab̄-u doo kí kpɔ̀ ditundi nee pu ní u dāa sáǹ. Di sá kɔŋkɔnnee u fātìi tí kíĺ ki bíi síb̀ bitaŋkpiibi nee.»
9Kunyeeu gbantee, m nìn fùl̄, ní ki cūtìi dōoǹ dicindi ki nákáǹ digundi. Maa nìn dū tiba ki bīiǹ m-nimbiin kutuntuŋu pu. 10Maa nìn nyí yii seerib nìn tɔ́kɔ́ digundi pu, laakin m dɔ̄ee yilpu. Bi nìn gbáam̀ tibìń ní an nín dáá tùm̀ puee, an dɔ́miń ki kɔ́ m-nimbiliŋin. Míǹ boonee ní tinipɔn bíi nyēē-mi. M nìn cá ki kāntí dɔkɔtab bí cáaǹ-mi, ama bi yaa nìn cáá inyɔkɔfi ki ŋmìtī m-nimbiliŋee, ŋyunti gbanti ní tinipɔn nìn mɔ̀tīi nyēē ní maa ti wāĺ. An dāa pée kúntèe, m dūu kpántì ujɔfu ní. M nìn kāl̀ abin anaa ní kaa ti wāĺ. M-bɔti nìn gbí m-dicaŋkun yab isaa. Ayiikaar nìn kpēē-mi abin ali ní ki búntì Eelmaayiisi.
11Ŋyunti gbantee, m-nimpuu Ana nìn bíi tūǹ disatalul tundi. 12U nìn cáa tìì u-kpilib, ní bíǹ pà-u animbil an nín máaǹ puee. Dalba, Diisitroosi ŋmaliu poon iwiin iluli dalee, u nìn lùn̄ sata ubɔ ki dóò, ní ki cūnnì ki tīī u-kpilib. Bi nìn pàn̄-u satee nimbiliŋ ní ki gíti pú-u kiŋɔjaka ú cáá kpɔ̀ kí ŋá tijin. 13U nín kɔ́ní dicindee ní kiŋɔjakee kíĺ ki bíi sūǹ. Niinee ní m yíiń m-nimpuu ní ki bālifì-u yii: «La ní kiŋɔjaka nee nyánní? Ubɔ di yaa yùn̄-kèe, á fàtīí gíiǹ-kì kí tīī ki-wandaan. Taa cáá nsan kí ŋmɔ́ tiwan tin bi yùn̄ee.» 14M-nimpuu nìn kíí-mi yii: «An sá tiwampɔkaal ní bi pú-mi ki kútì m-paati pu!» Maa nìn fōō tin u sòon̄ee ki kíí ní ki nìn gbíntìi cɔ́ yii ú gíiǹ kiŋɔjaka gbanti kí tīī ki-dindaan. An pu gbee, m nìn gíí m-nimpuu pu diŋuul. Niinee ní u kíí-mi yii: «Tiwan tin a nìn pūǹ biwɔfibee bí la? A-tunnyaaŋŋee bí la? Tin bāań-si nee, tiba kaa lìkī.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.