Tobit 1
1
1Toobiyeel jipɔɔn Toobii tuuŋŋi gbɔŋku bɔti sɔ̀. U-naanja di nìn sá Ananiyeel. Ananiyeel nìn sá Aduweel jipɔɔn ní ki sá Gabayeel naantiiu. Bi-kɔkɔ nìn sá Asiyeel maaliŋun, Neefitalii#1.1 Neefitalii : kpèè Joos 19.32. naakookun ní. 2Toobii nìn kóò Neefitalii tiŋkin, Galiilee Yilpu pú, kitiŋ kin bi yíì Tiisbee kì bí Kadeesi tiŋki ŋgan pú, Asɔɔr tiŋki ŋwìiń nyalaŋki pú nì Fɔgɔɔr tiŋki ŋgiil púee ní. Niin ní bi nìn cúú-u ki cūnnì Asuur tiŋkin kuyuŋu ŋyunti ŋun ní Salmanasaar nìn sá kitiŋ gbanti bɔtiuee.
Toobii circir bítam
3Mama Toobii, m cōom̀ mbaamɔn saŋŋu poon ki túń atunnyaan m-maŋfal wiiŋyi kɔkɔ poon. M nìn pūǹ m-nabiyaamu nì m-timbundin nib bin bi nìn cúú nì mi ki cūnnì Asuur tiŋkin Niiniifi kuyuŋuee tiwan. 4Ŋyunti ŋun m nìn sá unaacimpɔɔn ki nìn dáá bí m-tiŋkin Isirayeelee, m-naanja Neefitalii naakookun kɔkɔ yab nìn cúú bi-ba ki yākatiǹ ubɔti Daafiidi dicaŋkun yab nì Jeerusaleem tiŋki. Kitiŋ gbanti mun baba ní Unimbɔti nìn lēē#1.4 Kitiŋ ...Unimbɔti nìn lēē: Ditee 12.5-11, 1 Bib 11.13,32,36. Isirayeel naakɔti kɔkɔ kansikin bí nīn ŋáań niin saraabi. Niin ní bi nìn máń kunimbɔtidii, Unimbɔti kɔŋkooŋŋu ní ki nìn dū-ku ki sú kú nīn sá ki tīī bin làá dāá páannée. 5Galiilee jooŋŋi kɔkɔ puee, m-dicaŋkun yab nì m-naanja Neefitalii naakookun yab nìn ŋáań saraabi ki tìì disindaariyanabil din Isirayeel bɔtiu Jeerooboowaam nìn máń ki síiǹ Daani tiŋkinee. 6Mamee, m nìn cá iyunti iba poon Jeerusaleem m-baba jiŋaalib yuntiŋu, kii Mooyiisi nín nìn tīī Isirayeel yab#1.6 Mooyiisi nín nìn tīī Isirayeel yab: kpèè Ditee 16.16. mara un làá nīn bí kí nīn cá jaanjaanee puee. M nìn cáǹ m-jincɔfikaati nì m-waŋkuti tin bi péé ki màl̄ee nì m-waŋkuti saalaatiiti nì m-piii kuti tin bi péé péé ki cáńee Jeerusaleem tiŋkin 7ki cáa tìì Aarɔn jipɔmbi bisaraaŋaliibi bí dūú ŋá saraabi nsaraafan pu. M nìn gíti tìì Leefii yab bin nìn bí Jeerusaleem ki tūǹ ditundee bilee nì ndamam nì ɔliifi kpam nì greenaadi biliŋ nì fiigi biliŋ nì isufi in kíǹee biliŋ saalaatiiti. M nìn gíti nyáfí m-gaajawanti ní kí lēē poon tisaalaatiil tililiitiil, ní kí cáá animbil gbanti kí cùnnì Jeerusaleem kí yàkatī. 8M nìn gíti lèekī tisaalaatiil titataatiil ki tìì ataŋkpiibil nì bikpiipoobi nì binicambi bin nìn kóò Isirayeel yab kansikinee. Abin ata kamaa poonee, m nìn cáǹ tiwampɔkaal gbanti ki tìì-bi ní man nì bi nìn kpáfí ki jīǹ tijin dicilpu, kii Mooyiisi marau nín nìn síiǹ-ti puee, nì ti-baa Ananiyeel na Deeboora nín nìn bífì-mi puee. Di sá yii m-baa nìn dōoǹ u-ŋaliŋu pu ki yāntì-mi. 9M nín cíkitèe, m yōoǹ m-baabi naakookun ní unimpu. U nìn màl̄-mi kibininjabiki ní m pú-kì diyindi yii Toobiyaasi.
10Míǹ boon bi nín cúú-ti ki cūnnì Asuur tiŋkin kuyuŋuee ní m dɔ́miń ki kíǹ kóò Niiniifi tiŋkin. M nìn ká m-dicaŋkun yab nì m-naakookun yab jíń tijin tin bin kaa sá Juuda yabee jīǹee. 11Ama mamee, m nìn yíì kí jī bin kaa sá Juuda yabee jinti. 12M nìn pée yú nì m-Nimbɔtiu deedee nì m-pɔbil kɔkɔ ní. 13An pu ní Yilpu Fɔ́ŋŋŋ Nimbɔtiu nìn pú-mi diyimɔɔl m-bɔti fáatiǹ Salmanasaar#1.13 Dūú ŋmàntī nì Diny 39.4, 41.39-40, Dani 2.48. ní m nìn dāā-u kun u yaa nìn pée lèe. 14U nìn pée tūǹ-mi Meedii tiŋkin ní m cá ki dāań-u tiwan, ki cáa sāā u-kúm dal. Míǹ ní Meedii tiŋkin niinee, m nìn dū animbil kúti kiiloobi alaataa ata an kā kutukubin ki bíl̀ Gabrii naal Gabayeel cee. 15Ŋyunti ŋun Salmanasaar kpíìyee, u-jipɔɔn Seenakeeriibi di fōō u-yil ki kpántì ubɔti. Agìń nìn kíǹ ki bí Meedii daŋŋi pu ní maa nìn gíti ŋúń ki gítì Meedii tiŋkin.
16Salmanasaar yuntiŋuee, m nìn pūǹ m-nabiyaamu Juuda yab tiwan. 17M nìn tìì bin ŋkùm cááyee tijin bi jīǹ, ní ki tìì bin nìn gàaǹee tiwampeeŋkaal bi pèentí. M-nabiki Juuda yɔu ubɔ yaa nìn kpíì ní m ká bi dū-u ki tɔ́ ki fá digundi din bi máń ki tú Niiniifi tiŋkee boonee, m nìn yòontí-u ní kí síb́. 18M nìn yōoǹ bin mun ní Seenakeeriibi nìn kūūyee. Seenakeeriibi nìn sīī Unimbɔti un sá yilpu bɔtiuee Juudee tiŋkin, ní Unimbɔti dáaĺ u-tafal ki yāntì u nyáń kitiŋ gbantin ki sáǹ#1.18 Kpèè 2 Bib 19.35-36.. U nín fātìi gítìń Niiniifi tiŋkinee, u nìn gíí diŋuul ní ki yāntì bi kūū Isirayeel yab tikpil. Ama m nìn yōoǹ bi-wunti dibalin ki cáa síb́, ní Seenakeeriibi dāa nyàab̄-bi kaa ti ká-bi. 19Niiniifi yab ubɔ nìn cūtìi tùkū ubɔti yii an sá man Toobii di nìn yōoǹ-bi ki síb́. Niinee ní m sáǹ ki bál̀. Ubɔti nìn béè tin ní m nìn bí ki ŋáańee, an puee u nìn nyàab̄ kí kpɔ̀-mi. M nín béè mimmee ní m fāŋkì ki sáǹ. 20Bi nìn yōoǹ m-gaajawanti ki ŋá laakin bi kpáafí ubɔti gaajawantee. Báà tiba kaa nìn pée gíti kíǹ-mi, see m-nimpuu Ana nì m-jipɔɔn Toobiyaasi baba. 21Tíǹ jítì an kaa bàn̄ iwiin imuŋku ili ní ubɔti jipɔmbi bili kūū-u, ki sáǹ ki nín cá Ararati jooŋŋin#1.21 Kpèè 2 Bib 19.37 nì tin bi ŋmàn̄ kugbɔŋu faaku taapuee.. U-jipɔɔn Asaradɔn di nìn fōō u-yil ki kpántì ubɔti. Úǹ nìn yāntì m-naal Anayeel jipɔɔn Ayiikaar kpántì un di kpèé dibeel nimbiliŋee kɔkɔ, ní ki nìn sá mun bin kpèé ubɔti tuuŋŋi kɔkɔee kpiliu. 22Ayiikaar nìn sòon̄ man pu ubɔti cee ní m ŋúń ki fātìi gítìń Niiniifi. Ŋyunti ŋun Seenakeeriibi nìn sá ubɔtee, Ayiikaar di nìn sá bin tìì ubɔti ndaamee kpiliu nì un kpèé bibɔsoonliibi#1.22 bin tìì ubɔti ndaamee: Neey 1.11. - bibɔsoonliibi: kpèè Dilee 5.1. nì animbilee nì Asuur gɔminau kpiliu. Asaradɔn nìn fātìi gíiǹ atuun gbanti ki ŋúbiǹ-u. Kí kūtì muee, u nìn sá m-wee ní, m-dicaŋkun niliu ubɔ.
Currently Selected:
Tobit 1: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Tobit 1
1
1Toobiyeel jipɔɔn Toobii tuuŋŋi gbɔŋku bɔti sɔ̀. U-naanja di nìn sá Ananiyeel. Ananiyeel nìn sá Aduweel jipɔɔn ní ki sá Gabayeel naantiiu. Bi-kɔkɔ nìn sá Asiyeel maaliŋun, Neefitalii#1.1 Neefitalii : kpèè Joos 19.32. naakookun ní. 2Toobii nìn kóò Neefitalii tiŋkin, Galiilee Yilpu pú, kitiŋ kin bi yíì Tiisbee kì bí Kadeesi tiŋki ŋgan pú, Asɔɔr tiŋki ŋwìiń nyalaŋki pú nì Fɔgɔɔr tiŋki ŋgiil púee ní. Niin ní bi nìn cúú-u ki cūnnì Asuur tiŋkin kuyuŋu ŋyunti ŋun ní Salmanasaar nìn sá kitiŋ gbanti bɔtiuee.
Toobii circir bítam
3Mama Toobii, m cōom̀ mbaamɔn saŋŋu poon ki túń atunnyaan m-maŋfal wiiŋyi kɔkɔ poon. M nìn pūǹ m-nabiyaamu nì m-timbundin nib bin bi nìn cúú nì mi ki cūnnì Asuur tiŋkin Niiniifi kuyuŋuee tiwan. 4Ŋyunti ŋun m nìn sá unaacimpɔɔn ki nìn dáá bí m-tiŋkin Isirayeelee, m-naanja Neefitalii naakookun kɔkɔ yab nìn cúú bi-ba ki yākatiǹ ubɔti Daafiidi dicaŋkun yab nì Jeerusaleem tiŋki. Kitiŋ gbanti mun baba ní Unimbɔti nìn lēē#1.4 Kitiŋ ...Unimbɔti nìn lēē: Ditee 12.5-11, 1 Bib 11.13,32,36. Isirayeel naakɔti kɔkɔ kansikin bí nīn ŋáań niin saraabi. Niin ní bi nìn máń kunimbɔtidii, Unimbɔti kɔŋkooŋŋu ní ki nìn dū-ku ki sú kú nīn sá ki tīī bin làá dāá páannée. 5Galiilee jooŋŋi kɔkɔ puee, m-dicaŋkun yab nì m-naanja Neefitalii naakookun yab nìn ŋáań saraabi ki tìì disindaariyanabil din Isirayeel bɔtiu Jeerooboowaam nìn máń ki síiǹ Daani tiŋkinee. 6Mamee, m nìn cá iyunti iba poon Jeerusaleem m-baba jiŋaalib yuntiŋu, kii Mooyiisi nín nìn tīī Isirayeel yab#1.6 Mooyiisi nín nìn tīī Isirayeel yab: kpèè Ditee 16.16. mara un làá nīn bí kí nīn cá jaanjaanee puee. M nìn cáǹ m-jincɔfikaati nì m-waŋkuti tin bi péé ki màl̄ee nì m-waŋkuti saalaatiiti nì m-piii kuti tin bi péé péé ki cáńee Jeerusaleem tiŋkin 7ki cáa tìì Aarɔn jipɔmbi bisaraaŋaliibi bí dūú ŋá saraabi nsaraafan pu. M nìn gíti tìì Leefii yab bin nìn bí Jeerusaleem ki tūǹ ditundee bilee nì ndamam nì ɔliifi kpam nì greenaadi biliŋ nì fiigi biliŋ nì isufi in kíǹee biliŋ saalaatiiti. M nìn gíti nyáfí m-gaajawanti ní kí lēē poon tisaalaatiil tililiitiil, ní kí cáá animbil gbanti kí cùnnì Jeerusaleem kí yàkatī. 8M nìn gíti lèekī tisaalaatiil titataatiil ki tìì ataŋkpiibil nì bikpiipoobi nì binicambi bin nìn kóò Isirayeel yab kansikinee. Abin ata kamaa poonee, m nìn cáǹ tiwampɔkaal gbanti ki tìì-bi ní man nì bi nìn kpáfí ki jīǹ tijin dicilpu, kii Mooyiisi marau nín nìn síiǹ-ti puee, nì ti-baa Ananiyeel na Deeboora nín nìn bífì-mi puee. Di sá yii m-baa nìn dōoǹ u-ŋaliŋu pu ki yāntì-mi. 9M nín cíkitèe, m yōoǹ m-baabi naakookun ní unimpu. U nìn màl̄-mi kibininjabiki ní m pú-kì diyindi yii Toobiyaasi.
10Míǹ boon bi nín cúú-ti ki cūnnì Asuur tiŋkin kuyuŋuee ní m dɔ́miń ki kíǹ kóò Niiniifi tiŋkin. M nìn ká m-dicaŋkun yab nì m-naakookun yab jíń tijin tin bin kaa sá Juuda yabee jīǹee. 11Ama mamee, m nìn yíì kí jī bin kaa sá Juuda yabee jinti. 12M nìn pée yú nì m-Nimbɔtiu deedee nì m-pɔbil kɔkɔ ní. 13An pu ní Yilpu Fɔ́ŋŋŋ Nimbɔtiu nìn pú-mi diyimɔɔl m-bɔti fáatiǹ Salmanasaar#1.13 Dūú ŋmàntī nì Diny 39.4, 41.39-40, Dani 2.48. ní m nìn dāā-u kun u yaa nìn pée lèe. 14U nìn pée tūǹ-mi Meedii tiŋkin ní m cá ki dāań-u tiwan, ki cáa sāā u-kúm dal. Míǹ ní Meedii tiŋkin niinee, m nìn dū animbil kúti kiiloobi alaataa ata an kā kutukubin ki bíl̀ Gabrii naal Gabayeel cee. 15Ŋyunti ŋun Salmanasaar kpíìyee, u-jipɔɔn Seenakeeriibi di fōō u-yil ki kpántì ubɔti. Agìń nìn kíǹ ki bí Meedii daŋŋi pu ní maa nìn gíti ŋúń ki gítì Meedii tiŋkin.
16Salmanasaar yuntiŋuee, m nìn pūǹ m-nabiyaamu Juuda yab tiwan. 17M nìn tìì bin ŋkùm cááyee tijin bi jīǹ, ní ki tìì bin nìn gàaǹee tiwampeeŋkaal bi pèentí. M-nabiki Juuda yɔu ubɔ yaa nìn kpíì ní m ká bi dū-u ki tɔ́ ki fá digundi din bi máń ki tú Niiniifi tiŋkee boonee, m nìn yòontí-u ní kí síb́. 18M nìn yōoǹ bin mun ní Seenakeeriibi nìn kūūyee. Seenakeeriibi nìn sīī Unimbɔti un sá yilpu bɔtiuee Juudee tiŋkin, ní Unimbɔti dáaĺ u-tafal ki yāntì u nyáń kitiŋ gbantin ki sáǹ#1.18 Kpèè 2 Bib 19.35-36.. U nín fātìi gítìń Niiniifi tiŋkinee, u nìn gíí diŋuul ní ki yāntì bi kūū Isirayeel yab tikpil. Ama m nìn yōoǹ bi-wunti dibalin ki cáa síb́, ní Seenakeeriibi dāa nyàab̄-bi kaa ti ká-bi. 19Niiniifi yab ubɔ nìn cūtìi tùkū ubɔti yii an sá man Toobii di nìn yōoǹ-bi ki síb́. Niinee ní m sáǹ ki bál̀. Ubɔti nìn béè tin ní m nìn bí ki ŋáańee, an puee u nìn nyàab̄ kí kpɔ̀-mi. M nín béè mimmee ní m fāŋkì ki sáǹ. 20Bi nìn yōoǹ m-gaajawanti ki ŋá laakin bi kpáafí ubɔti gaajawantee. Báà tiba kaa nìn pée gíti kíǹ-mi, see m-nimpuu Ana nì m-jipɔɔn Toobiyaasi baba. 21Tíǹ jítì an kaa bàn̄ iwiin imuŋku ili ní ubɔti jipɔmbi bili kūū-u, ki sáǹ ki nín cá Ararati jooŋŋin#1.21 Kpèè 2 Bib 19.37 nì tin bi ŋmàn̄ kugbɔŋu faaku taapuee.. U-jipɔɔn Asaradɔn di nìn fōō u-yil ki kpántì ubɔti. Úǹ nìn yāntì m-naal Anayeel jipɔɔn Ayiikaar kpántì un di kpèé dibeel nimbiliŋee kɔkɔ, ní ki nìn sá mun bin kpèé ubɔti tuuŋŋi kɔkɔee kpiliu. 22Ayiikaar nìn sòon̄ man pu ubɔti cee ní m ŋúń ki fātìi gítìń Niiniifi. Ŋyunti ŋun Seenakeeriibi nìn sá ubɔtee, Ayiikaar di nìn sá bin tìì ubɔti ndaamee kpiliu nì un kpèé bibɔsoonliibi#1.22 bin tìì ubɔti ndaamee: Neey 1.11. - bibɔsoonliibi: kpèè Dilee 5.1. nì animbilee nì Asuur gɔminau kpiliu. Asaradɔn nìn fātìi gíiǹ atuun gbanti ki ŋúbiǹ-u. Kí kūtì muee, u nìn sá m-wee ní, m-dicaŋkun niliu ubɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.