Siracide 35
35
Mara nì saraabi bɔti
1Á nīn nóó ti-Dindaan marauee
sá kii unil nín ŋáań saraabi kupaau puee ní#35.1 Dūú ŋmàntī nì 1 Sami 15.22, Oosee 6.6..
2Á dū a-ba kí yā kí nákáǹ Unimbɔti marabee
sá kii unil nín ŋáań mpèé saraau puee ní.
3Á ŋá unil tiŋan sá kii
unil nín dù ŋyimmɔntiim kí ŋá saraa puee ní.
4Á pɔ̄ uwɔfi tiwanee
sá kii unil nín ŋáań inyɔŋki saraau puee ní#35.4 Dūú ŋmàntī nì Eebru 13.16..
5Tin fáatì ti-Dindaanee di sá
unil ń fàtī u-boon kí tīī ikpiti.
Á yíí kí taa ŋá ikpitee sá kii
unil nín ŋáań ikpiti pɔ̄tam saraa puee ní.
6Ama á taa cù ti-Dindaan nimbiin iŋaŋkulim#35.6 Kpèè Ditee 16.16-17..
7Di sá yii u tīī-ti mara tí ŋá saraabi gbanti kɔkɔ.
8Deedeedaan saraau sá saraamɔnti ní nsaraafan pu.
U-sɔnsɔfiŋu jɔ́ḿ ní kí tin bà Yilpu Fɔ́ŋŋŋ Nimbɔtiu nimbiin.
9Unimbɔti fòol̄ deedeedaan saraau ní,
ní u kpá kí súntí dijandi din
u lēē ki wùn̄ ŋŋmi nsaraafan puee.
10A yaa làá nyɔ̄ŋkì ti-Dindaanee
á nyɔ̄ŋkì-u nì tiniti poon.
A yaa làá ŋá a-jincɔfikaati saraauee,
á taa jōō kí bàtī tin sá á cáańee pu.
11A yaa bíi ŋáań saraa kamaayee, á bútí a-nimbiin.
Yòon̄ a-saalaatiiti kí cáań nì dipɔɔpindi#35.11 Dūú ŋmàntī nì 2 Kɔra 9.7, Ditee 14.22-29..
12Tīī Yilpu Fɔ́ŋŋŋ Nimbɔtiu kii u nín tīī-si puee,
dàkà tiniti kí nóó nì a-ŋmam.
13Di sá yii ti-Dindaan làá pà-si kí téeǹ,
u làá téeǹ-si miluli pu ní.
Deedee bɔsoonliu
14Taa màkan̄ yii a làá dū a-wampɔkaati kí ŋéeb́ ti-Dindaan nyɔkɔ,
waa làá fōō a-wanti gbanti.
15Taa dū tiwan tin a fìkēe kí ŋá saraa kí nīn kā ki cɔ́tí.
Di sá yii ti-Dindaan sá ubɔsoonli
ní kaa gàntī ubɔ#35.15 Dūú ŋmàntī nì Iciin 6.7, Yaku 2.1..
16Waa pɔ̀ uwɔfi gandi,
ama u pílifí un bi wɔ́b̀ee wimmeem ní.
17Waa fàtī u-boon kí tīī ditaŋkpiibil gbaamii,
àá ukpiipu un di sūǹ ki yáliŋkée.
18U wāĺ nnyinnyim nín bàtifī ukpiipu taŋkpunti pu miŋyee ní.
19U yaa sūǹ ki kɔ́kɔĺ un di yāntì u sūǹee,
ti-Dindaan kaa làá gbìl̄aaa?
20Un di tūǹ ti-Dindaan tundi nì dipɔbil dibee,
ti-Dindaan làá fōō-u,
ní u-wimmeem ń jɔ̄m̀ kí bà doooo yilpu.
21Tiŋman bin sìntīǹ bi-ba taapuee
wimmeem jɔ́ḿ ki bà yilpu ní.
Mì yaa kaa bàn̄ ti-Dindaan cee, màa ŋùŋfī.
Yilpu fɔ́ŋŋŋ Nimbɔtiu yaa kaa fōō-mì,
màa gbèentí,
22see mí sòoǹ kí pɔ̀ deedeedambi bɔti.
Ti-Dindaan kaa làá tàan̄,
waa làá jī bin sàantí-bee pu kimɔtii.
U làá nyīī kí kóoĺ bin kaa sūǹ
binib saayee cammu.
23U làá tɔ̀ atimbun ŋin kíǹee ipɔntoon.
U làá kúntí bilambidambi kitil kɔkɔ,
ní kí nàan̄ bikpitiŋaliibi pɔŋŋu.
24Ti-Dindaan làá pà unil kamaa
nín ŋá tiŋyee paati.
U làá pà binib tuuŋŋi paati kí nóó nì bi-landɔkɔi#35.24 Dūú ŋmàntī nì Yeer 17.10, Alaŋ 24.12, Maat 16.27..
25U làá sòoǹ kí pɔ̀ u-nibul,
ní kí yàntī u-laŋŋaŋfitiiku ń tīī-bi mmɔn.
26Dinimbinaamandi poon
ní u dàkà u-laŋŋaŋfitiiku,
kii atagban ŋin cáá nnyimee nín lúntí pu
ŋweel yuntiŋuee.
Currently Selected:
Siracide 35: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 35
35
Mara nì saraabi bɔti
1Á nīn nóó ti-Dindaan marauee
sá kii unil nín ŋáań saraabi kupaau puee ní#35.1 Dūú ŋmàntī nì 1 Sami 15.22, Oosee 6.6..
2Á dū a-ba kí yā kí nákáǹ Unimbɔti marabee
sá kii unil nín ŋáań mpèé saraau puee ní.
3Á ŋá unil tiŋan sá kii
unil nín dù ŋyimmɔntiim kí ŋá saraa puee ní.
4Á pɔ̄ uwɔfi tiwanee
sá kii unil nín ŋáań inyɔŋki saraau puee ní#35.4 Dūú ŋmàntī nì Eebru 13.16..
5Tin fáatì ti-Dindaanee di sá
unil ń fàtī u-boon kí tīī ikpiti.
Á yíí kí taa ŋá ikpitee sá kii
unil nín ŋáań ikpiti pɔ̄tam saraa puee ní.
6Ama á taa cù ti-Dindaan nimbiin iŋaŋkulim#35.6 Kpèè Ditee 16.16-17..
7Di sá yii u tīī-ti mara tí ŋá saraabi gbanti kɔkɔ.
8Deedeedaan saraau sá saraamɔnti ní nsaraafan pu.
U-sɔnsɔfiŋu jɔ́ḿ ní kí tin bà Yilpu Fɔ́ŋŋŋ Nimbɔtiu nimbiin.
9Unimbɔti fòol̄ deedeedaan saraau ní,
ní u kpá kí súntí dijandi din
u lēē ki wùn̄ ŋŋmi nsaraafan puee.
10A yaa làá nyɔ̄ŋkì ti-Dindaanee
á nyɔ̄ŋkì-u nì tiniti poon.
A yaa làá ŋá a-jincɔfikaati saraauee,
á taa jōō kí bàtī tin sá á cáańee pu.
11A yaa bíi ŋáań saraa kamaayee, á bútí a-nimbiin.
Yòon̄ a-saalaatiiti kí cáań nì dipɔɔpindi#35.11 Dūú ŋmàntī nì 2 Kɔra 9.7, Ditee 14.22-29..
12Tīī Yilpu Fɔ́ŋŋŋ Nimbɔtiu kii u nín tīī-si puee,
dàkà tiniti kí nóó nì a-ŋmam.
13Di sá yii ti-Dindaan làá pà-si kí téeǹ,
u làá téeǹ-si miluli pu ní.
Deedee bɔsoonliu
14Taa màkan̄ yii a làá dū a-wampɔkaati kí ŋéeb́ ti-Dindaan nyɔkɔ,
waa làá fōō a-wanti gbanti.
15Taa dū tiwan tin a fìkēe kí ŋá saraa kí nīn kā ki cɔ́tí.
Di sá yii ti-Dindaan sá ubɔsoonli
ní kaa gàntī ubɔ#35.15 Dūú ŋmàntī nì Iciin 6.7, Yaku 2.1..
16Waa pɔ̀ uwɔfi gandi,
ama u pílifí un bi wɔ́b̀ee wimmeem ní.
17Waa fàtī u-boon kí tīī ditaŋkpiibil gbaamii,
àá ukpiipu un di sūǹ ki yáliŋkée.
18U wāĺ nnyinnyim nín bàtifī ukpiipu taŋkpunti pu miŋyee ní.
19U yaa sūǹ ki kɔ́kɔĺ un di yāntì u sūǹee,
ti-Dindaan kaa làá gbìl̄aaa?
20Un di tūǹ ti-Dindaan tundi nì dipɔbil dibee,
ti-Dindaan làá fōō-u,
ní u-wimmeem ń jɔ̄m̀ kí bà doooo yilpu.
21Tiŋman bin sìntīǹ bi-ba taapuee
wimmeem jɔ́ḿ ki bà yilpu ní.
Mì yaa kaa bàn̄ ti-Dindaan cee, màa ŋùŋfī.
Yilpu fɔ́ŋŋŋ Nimbɔtiu yaa kaa fōō-mì,
màa gbèentí,
22see mí sòoǹ kí pɔ̀ deedeedambi bɔti.
Ti-Dindaan kaa làá tàan̄,
waa làá jī bin sàantí-bee pu kimɔtii.
U làá nyīī kí kóoĺ bin kaa sūǹ
binib saayee cammu.
23U làá tɔ̀ atimbun ŋin kíǹee ipɔntoon.
U làá kúntí bilambidambi kitil kɔkɔ,
ní kí nàan̄ bikpitiŋaliibi pɔŋŋu.
24Ti-Dindaan làá pà unil kamaa
nín ŋá tiŋyee paati.
U làá pà binib tuuŋŋi paati kí nóó nì bi-landɔkɔi#35.24 Dūú ŋmàntī nì Yeer 17.10, Alaŋ 24.12, Maat 16.27..
25U làá sòoǹ kí pɔ̀ u-nibul,
ní kí yàntī u-laŋŋaŋfitiiku ń tīī-bi mmɔn.
26Dinimbinaamandi poon
ní u dàkà u-laŋŋaŋfitiiku,
kii atagban ŋin cáá nnyimee nín lúntí pu
ŋweel yuntiŋuee.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.