Siracide 34
34
Tidamintiil
(Kpèè Ditee 13.2-5, 18.9-14, Uciŋ 5.6)
1Dimákakulindi kíiĺ bigbaambi.
Tidamintiil yàntī bin kaa cáá ilandɔkɔee túkù ifeen.
2Á dū tidamintiil kí tɔ̄ ditundee,
an bí kii unil di là kí cúú mboon,
àá kí sāǹ kí páań kubuŋu boonee ní.
3Kudamintiiu poonee,
tibɔŋman naŋku ní bi kāntí.
Míǹ mbaantiim ní digitil poonee,
bi kāntí nnimbiin naŋku ní.
4Bi ŋūǹ kí lēē tin wāĺ kílkilee tijɔkɔndinaaa,
ibaamɔn ní bi ŋūǹ kí ká inyimɔnni#34.4 Dūú ŋmàntī nì Yoob 14.4.?
5Dibɔɔbɔl nì ibɔɔnyeen nì tidamintiilee,
tíǹ kɔkɔ sá kii kubuŋuee ní.
Unimpu un kā imatiŋween puee
di dàkafī tíǹ kɔkɔ pu#34.5 Dūú ŋmàntī nì Yeer 14.14..
6Taa dūú yíiń tiba,
see Yilpu Fɔ́ŋŋŋ Nimbɔtiu baba di yaa
lēē-tì ki dàkā-si.
7Di sá yii tidamintiil kíil̀ binib tikpil,
ní bin nìn máká ti-puee kaa ká tiba poon.
8Ti-Dindaan marau ŋān̄ ní ki dátiǹ tinyimɔmbɔti gbanti,
ní Iciin di nyēē deedeedambi nyɔmmun.
Unil ń cù nsanee, án kèetī ní
9Un cá isan tikpilee bífí tiwan tikpil mun ní.
Un ká tiwan tikpil ki nyée sòoǹ nì dinyil ní.
10Un kaa jíń falaayee
kaa cáá dinyil tikpil.
11Ama un cōom̀ isan tikpilee
nyí bi nín ŋáań tiwan tikpil mun puee ní.
12M-saŋyi poonee, m ká tiwan tikpil,
ní tin taapu m gbìl̄ee jítiǹ tin m ŋūǹ kí sòoǹee.
13Iyunti tikpilee, m ká dinimbinaamandi ki bàà làá kpú,
ama m nín cōom̀ cōom̀ isan ki kántì tiŋyee di fīī-mi.
Á fàŋkì ti-Dindaan
14Binib bin fàŋkí ti-Dindaanee làá ká mmaŋfafɔkɔn.
15Di sá yii bi máká un di ŋūǹ kí fīī-bee pu ní.
16Un di fàŋkí ti-Dindaanee kaa fàŋkí tiba.
Tifaandi kaa cútí-u,
di sá yii u máká u-pu ní#34.16 Dūú ŋmàntī nì Ilan 27.1, 112.7..
17Un di fàŋkí ti-Dindaanee bí mmɔnneeee!
18Ŋma pu ní u dìntī ní?
Ŋma di sá u-tikinliu ní?
19Yilpu fɔ́ŋŋŋ Nimbɔtiu nimbil cɔ́ bin di néeń-uee pu ní.
U sá-bi digbampɔɔl nì ŋkpandɔ ŋun di pɔ̄ɔ̄yee.
Kubuŋu kun tùm̀ kpaŋkpamee yaa bāańee,
ti-Dindaan di sá bi-kɔŋkooŋŋu,
ní ki sá-bi mboon ki lìkintí-bi kuwiŋkaŋu tuntuŋku pu,
ki fìil̄-bi ki nyāntí aganlaka poon,
ki wúǹ bi-pu bí taa lítí.
20U tìì unil kunyannyaau,
ki yàntī u-nimbiin ń bútí,
ki tìì-u ŋgbampɔn nì dimaŋfal nì dibiindi.
Dinimbɔtinoobaamɔndi
(Kpèè 35.1-3, Yees 1.10-20, Mala 1.13, Alaŋ 21.27, Yaku 1.26-27)
21A yaa fìkī kuwaŋkuluu ki dūu ŋá ti-Dindaan saraayee,
a bíi bèel̄-u dee.
22Ti-Dindaan kaa fòol̄ binib bin kaa nóó u-marauee wampɔkaati.
23Yilpu fɔ́ŋŋŋ Nimbɔtiu kaa fòol̄ binikpitib saraabi.
An kaa sá tiwaŋkuti tin bi làá kpɔ̀ kí ŋá saaraabee
wíiŋŋu pu ní u pūǹ ikpiti.
24Unil ń dū uwɔfi wanti kí ŋá saraayee,
an bí kii bi nín làntī kibiki ki-baa nimbiin puee ní.
25An pɔ̄ɔ̄ biwɔfib ń ká kí jī kí nīn bí dimaŋfalin.
Un ŋmìntī-bi tijinee sá unikpɔl ní.
26A yaa yōoǹ tin a-juti cáá kí jī kí nīn bí dimaŋfalinee,
a kūū-u dee.
27A yaa kaa pàn̄ upaadaan u-tundi paatee,
a ŋá nnikpaakoon dee#34.27 Dūú ŋmàntī nì Akoo 19.13, Toob 4.14..
28Di sá yii ubɔ māā ní un kíǹ gbáà ki wìil̄.
Mimmee ba ní bi-liitil páatì? Dituŋfandi dee.
29Ubɔ gbāā ki mèé, un kíǹ tòó mbusuee,
bi-kansikin ŋma ní ti-Dindaan làá pīlifì?
30Unil yaa gbēē dinikpil ki kɔ́ tijɔkɔndin
ní ki fùl̄ ki ŋá u-ba circir
ní ki fātìi gbēē dinikpilee,
mimmee u ŋá u-ba circir fám dee yaa#34.30 Kpèè Dikà 19.11-20.!
31Míǹ ní an sá ki tīī unil un di bóob́ kinyɔkɔ
kí ká u-kpitii pɔ̄tam,
ní ki fātìi gítì ki bíi ŋáań ikpiti gbanti ibaantee.
Ŋma gíti làá pīlifì an niliuee wimmeem?
Mimmee u bóob́ kinyɔkɔ fám dee#34.31 Dūú ŋmàntī nì Yees 58.3-5, Joow 2.12-13..
Currently Selected:
Siracide 34: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Siracide 34
34
Tidamintiil
(Kpèè Ditee 13.2-5, 18.9-14, Uciŋ 5.6)
1Dimákakulindi kíiĺ bigbaambi.
Tidamintiil yàntī bin kaa cáá ilandɔkɔee túkù ifeen.
2Á dū tidamintiil kí tɔ̄ ditundee,
an bí kii unil di là kí cúú mboon,
àá kí sāǹ kí páań kubuŋu boonee ní.
3Kudamintiiu poonee,
tibɔŋman naŋku ní bi kāntí.
Míǹ mbaantiim ní digitil poonee,
bi kāntí nnimbiin naŋku ní.
4Bi ŋūǹ kí lēē tin wāĺ kílkilee tijɔkɔndinaaa,
ibaamɔn ní bi ŋūǹ kí ká inyimɔnni#34.4 Dūú ŋmàntī nì Yoob 14.4.?
5Dibɔɔbɔl nì ibɔɔnyeen nì tidamintiilee,
tíǹ kɔkɔ sá kii kubuŋuee ní.
Unimpu un kā imatiŋween puee
di dàkafī tíǹ kɔkɔ pu#34.5 Dūú ŋmàntī nì Yeer 14.14..
6Taa dūú yíiń tiba,
see Yilpu Fɔ́ŋŋŋ Nimbɔtiu baba di yaa
lēē-tì ki dàkā-si.
7Di sá yii tidamintiil kíil̀ binib tikpil,
ní bin nìn máká ti-puee kaa ká tiba poon.
8Ti-Dindaan marau ŋān̄ ní ki dátiǹ tinyimɔmbɔti gbanti,
ní Iciin di nyēē deedeedambi nyɔmmun.
Unil ń cù nsanee, án kèetī ní
9Un cá isan tikpilee bífí tiwan tikpil mun ní.
Un ká tiwan tikpil ki nyée sòoǹ nì dinyil ní.
10Un kaa jíń falaayee
kaa cáá dinyil tikpil.
11Ama un cōom̀ isan tikpilee
nyí bi nín ŋáań tiwan tikpil mun puee ní.
12M-saŋyi poonee, m ká tiwan tikpil,
ní tin taapu m gbìl̄ee jítiǹ tin m ŋūǹ kí sòoǹee.
13Iyunti tikpilee, m ká dinimbinaamandi ki bàà làá kpú,
ama m nín cōom̀ cōom̀ isan ki kántì tiŋyee di fīī-mi.
Á fàŋkì ti-Dindaan
14Binib bin fàŋkí ti-Dindaanee làá ká mmaŋfafɔkɔn.
15Di sá yii bi máká un di ŋūǹ kí fīī-bee pu ní.
16Un di fàŋkí ti-Dindaanee kaa fàŋkí tiba.
Tifaandi kaa cútí-u,
di sá yii u máká u-pu ní#34.16 Dūú ŋmàntī nì Ilan 27.1, 112.7..
17Un di fàŋkí ti-Dindaanee bí mmɔnneeee!
18Ŋma pu ní u dìntī ní?
Ŋma di sá u-tikinliu ní?
19Yilpu fɔ́ŋŋŋ Nimbɔtiu nimbil cɔ́ bin di néeń-uee pu ní.
U sá-bi digbampɔɔl nì ŋkpandɔ ŋun di pɔ̄ɔ̄yee.
Kubuŋu kun tùm̀ kpaŋkpamee yaa bāańee,
ti-Dindaan di sá bi-kɔŋkooŋŋu,
ní ki sá-bi mboon ki lìkintí-bi kuwiŋkaŋu tuntuŋku pu,
ki fìil̄-bi ki nyāntí aganlaka poon,
ki wúǹ bi-pu bí taa lítí.
20U tìì unil kunyannyaau,
ki yàntī u-nimbiin ń bútí,
ki tìì-u ŋgbampɔn nì dimaŋfal nì dibiindi.
Dinimbɔtinoobaamɔndi
(Kpèè 35.1-3, Yees 1.10-20, Mala 1.13, Alaŋ 21.27, Yaku 1.26-27)
21A yaa fìkī kuwaŋkuluu ki dūu ŋá ti-Dindaan saraayee,
a bíi bèel̄-u dee.
22Ti-Dindaan kaa fòol̄ binib bin kaa nóó u-marauee wampɔkaati.
23Yilpu fɔ́ŋŋŋ Nimbɔtiu kaa fòol̄ binikpitib saraabi.
An kaa sá tiwaŋkuti tin bi làá kpɔ̀ kí ŋá saaraabee
wíiŋŋu pu ní u pūǹ ikpiti.
24Unil ń dū uwɔfi wanti kí ŋá saraayee,
an bí kii bi nín làntī kibiki ki-baa nimbiin puee ní.
25An pɔ̄ɔ̄ biwɔfib ń ká kí jī kí nīn bí dimaŋfalin.
Un ŋmìntī-bi tijinee sá unikpɔl ní.
26A yaa yōoǹ tin a-juti cáá kí jī kí nīn bí dimaŋfalinee,
a kūū-u dee.
27A yaa kaa pàn̄ upaadaan u-tundi paatee,
a ŋá nnikpaakoon dee#34.27 Dūú ŋmàntī nì Akoo 19.13, Toob 4.14..
28Di sá yii ubɔ māā ní un kíǹ gbáà ki wìil̄.
Mimmee ba ní bi-liitil páatì? Dituŋfandi dee.
29Ubɔ gbāā ki mèé, un kíǹ tòó mbusuee,
bi-kansikin ŋma ní ti-Dindaan làá pīlifì?
30Unil yaa gbēē dinikpil ki kɔ́ tijɔkɔndin
ní ki fùl̄ ki ŋá u-ba circir
ní ki fātìi gbēē dinikpilee,
mimmee u ŋá u-ba circir fám dee yaa#34.30 Kpèè Dikà 19.11-20.!
31Míǹ ní an sá ki tīī unil un di bóob́ kinyɔkɔ
kí ká u-kpitii pɔ̄tam,
ní ki fātìi gítì ki bíi ŋáań ikpiti gbanti ibaantee.
Ŋma gíti làá pīlifì an niliuee wimmeem?
Mimmee u bóob́ kinyɔkɔ fám dee#34.31 Dūú ŋmàntī nì Yees 58.3-5, Joow 2.12-13..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.