Nombres 7
7
Tɔrɔkub bin tinaakɔti kpilib cáańee
1Mooyiisi nín nìn cóoǹ circir kɔŋkooŋŋu ki dóòyee, u nìn bātì ŋkpam ki sītì ŋu nì ŋu-wanti kɔkɔ pu ki ŋá-tì circir, ní ki bātìi sītì nsaraafan nì tiwan tin bi cáa tūǹ ŋu-pu ditundee ki ŋá-tì circir. 2Niinee ní Isirayeel naakɔti kpilib cáań bi-wampɔkaati ki tīī-u. Bíǹ di sá tinaakɔti kpilib bin nìn tútuǹ bi kàan̄ binibee. 3Tiwampɔkaal tin bi nìn cáań ti-Dindaan nimbiinee di sá tɔrɔkub bin pu bi kpáá ki bīiǹee biluu nì inaa saalaa nì ili. Bikpilib bili nìn kpáfì ki tīī tɔrɔku ubɔ ní ukpil kamaa tīī unaa unaa. Ní bi cáań tiwan gbanti kɔkɔ circir kɔŋkooŋŋu nyɔkɔpu. 4Ní ti-Dindaan bí Mooyiisi yii: 5«Fōō tiwampɔkaal tin bi cáańee bí nīn cáa tūǹ circir kɔŋkooŋŋu tuuŋŋi. Á yàkatī-tì kí tīī Leefii yab kí táá nì báà ŋma tundi nín sá puee.» 6Ní Mooyiisi fōō tɔrɔkub nì inaayee ki dūu yākatì ki tīī Leefii yab. 7U nìn dū tɔrɔkub bili nì inaa inaa ki tīī Geersɔn jipɔmbi ki táá nì bi-tuuŋŋi nín sá puee, 8ki dū tɔrɔkub binaa nì inaa inii ki tīī Meerarii jipɔmbi bin tundi usaraaŋakpil Aarɔn jipɔɔn Itamaar nìn kpèéyee. U nìn tīī bi mun ki nóó nì bi-tundi nín sá puee. 9Ama waa nìn tīī Keeyaati jipɔmbi tiba, kun puee bíǹ nìn kpèé circir wanti ní, ní an sá bí nīn bùkuntí-tì bi-gbigbipati pu.
Tiwampɔkaal tin bi dūu pɔ̄ntì nsaraafanee
10Ŋwiin ŋun bi làá sìtī nsaraafan pu ŋkpam kí ŋá-ŋu circiree, tinaakɔti kpilib nìn cáań tiwampɔkaal nsaraafanee nimbiin bí dūú pɔ̀ntī-ŋu. 11Ti-Dindaan nìn bí Mooyiisi yii: «Yàntī bikpilibee, báà ŋma ń nīn cáá ŋwiin ŋubɔ ŋubɔ kí cáań bi-wampɔkaati tin bi làá dūú pɔ̀ntī nsaraafanee.»
12Un nìn péé péé ki cáań u-wampɔkaati ŋwimpeekaa dalee di sá Amiinadaab jipɔɔn Naakɔn, u sá Juuda Naakookun. 13Tiwampɔkaal tin u nìn cáańee di sá animbil kúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau. 14U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 15nì unaja nì upìja nì dipibil din cáá dibindi dibee, bí dūú ŋá saraawɔkaa, 16nì uŋɔja bí dūú ŋá ikpiti pɔ̄tam saraau, 17nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo bí dūú ŋá mpèé saraau. Tiwampɔkaal tin Amiinadaab jipɔɔn Naakɔn nìn cáańee dee.
18Ŋwinliliiti dalee, un nìn cáań u-wampɔkaatee di sá Suwaar jipɔɔn Neetaneeyeel, Isakaar naakookun yab kpiliu. 19Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau. 20U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 21nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa, 22nì uŋɔja ubɔ bí dūú ŋá ikpiti pɔ̄tam saraau, 23nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo bí dūú ŋá mpèé saraau. Tiwampɔkaal tin Suwaar jipɔɔn Neetaneeyeel nìn cáańee dee.
24Ŋwintataati dalee, un nìn cáań u-wampɔkaatee di sá Sabulɔn naakookun yab kpiliu Yeelɔn jipɔɔn Yeeliyab. 25Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam ní ŋyim min bi búuń ŋkpaminee gbí disambilee nì kisambikee poon bí dūu ŋá tijimpin saraau. 26U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 27nì unaja ubɔ nì upìja ubɔ, nì dipibil din cáá dibindi dibee, bí dūú ŋá saraawɔkaa, 28nì uŋɔja ubɔ bí dūú ŋá ikpiti pɔ̄tam saraau, 29nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo bí dūú ŋá mpèé saraau. Tiwampɔkaal tin Yeelɔn jipɔɔn Yeeliyab nìn cáańee dee.
30Ŋwinnanaati dalee, un nìn cáań u-wampɔkaatee di sá Seedeeyuur jipɔɔn Eelsuur, Rubeen naakookun yab kpiliu. 31Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki ki-nyiŋfiŋu sá graambi alaataa ata, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon, bí dūú ŋá tijimpin saraau, 32U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 33nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa, 34nì uŋɔja ubɔ bí dūú ŋá ikpiti pɔ̄tam saraau, 35nì inaa ili nì ipijaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Seedeeyuur jipɔɔn Eelsuur nìn cáańee dee.
36Ŋwiŋŋmooŋmooti dalee, un nìn cáań u-wampɔkaatee di sá Suriisadaayi jipɔɔn Seelumiyeel, Simeeyɔn naakookun yab kpiliu. 37Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon, bí dūú ŋá tijimpin saraau. 38U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 39nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa, 40nì uŋɔja ubɔ bí dūú ŋá ikpiti pɔ̄tam saraau, 41nì inaa ili nì ipijaa iŋmoo nì apibil ŋin cáá dibindi dibee aŋmoo bí dūú ŋá mpèé saraau. Tiwampɔkaal tin Suriisadaayi jipɔɔn Seelumiyeel nìn cáańee dee.
42Ŋwinluluuti dalee, un nìn cáań u-wampɔkaatee di sá Deewuyeel jipɔɔn Eeliyasaafi, Gaadi naakookun yab kpiliu. 43Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūu ŋá tijimpin saraau. 44U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 45nì unaja ubɔ nì upìja ubɔ nì dipibil din cáá dibindi dibee bí dūú ŋá saraawɔkaa, 46nì uŋɔja ubɔ bí dūu ŋá ikpiti pɔ̄tam saraau, 47nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Deewuyeel jipɔɔn Eeliyasaafi nìn cáańee dee.
48Ŋwinluluúti dalee, un nìn cáań u-wampɔkaatee di sá Amiiyuudi jipɔɔn Eeliisama, Eefiraayiim naakookun yab kpiliu. 49Tiwampɔkaal tin u nìn cáańee di sá tikúti sambil di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau, 50nì sindaariya sambiki, ki-nyiŋfiŋu sá graambi dilaataal, talaalutuukaa gbí poon, 51nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa, 52nì uŋɔja ubɔ bí dūú ŋá ikpiti pɔ̄tam saraau, 53nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Amiiyuudi jipɔɔn Eeliisama nìn cáańee dee.
54Ŋwinniniiti dalee, un nìn cáań u-wampɔkaatee di sá Peedasuur jipɔɔn Gamaliyeel, Manasee naakookun yab kpiliu. 55Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau. 56U nìn gíti cáań sindaariya sambiki, ki-nyiŋfiŋu sá graambi dilaataal talaalutuukaa gbí poon, 57nì unaja ubɔ nì upìja ubɔ nì dipibil din cáá dibindi dibee bí dūú ŋá saraawɔkaa, 58nì uŋɔja ubɔ bí dūú ŋá ikpiti pɔ̄tam saraau, 59nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Peedasuur jipɔɔn Gamaliyeel nìn cáańee dee.
60Ŋwiŋwawaati dalee, un nìn cáań u-wampɔkaatee di sá Giideewoonii jipɔɔn Abidan, Beenjameen naakookun yab kpiliu. 61Tiwampɔkaal tin u nìn cáańee di sá tikúti sambil di-nyiŋfiŋu sá kiiloo ubɔ nì graambi alaataa ata, nì tikúti sambiki ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau. 62U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 63nì unaja ubɔ nì upìja ubɔ nì dipibil din cáá dibindi dibee, kí dūú ŋá saraawɔkaa, 64nì uŋɔja ubɔ bí dūú ŋá ikpiti pɔ̄tam saraau, 65nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Giideewoonii jipɔɔn Abidan nìn cáańee dee.
66Ŋwinsaalaati dalee, un nìn cáań u-wampɔkaatee di sá Amiisadaayi jipɔɔn Ayeeseer, Daani naakookun yab kpiliu. 67Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau. 68U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 69nì unaja ubɔ nì upìja ubɔ nì dipibil din cáá dibindi dibee bí dūú ŋá saraawɔkaa, 70nì uŋɔja ubɔ, bí dūú ŋá ikpiti pɔ̄tam saraau, 71nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Amiisadaayi jipɔɔn Ayeeseer nìn cáańee dee.
72Iwiin saalaa nì ŋubɔ dalee, un nìn cáań u-wampɔkaatee di sá Yookiran jipɔɔn Pagiyeel, Aseer naakookun yab kpiliu. 73Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau. 74U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 75nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa, 76nì uŋɔja ubɔ bí dūú ŋá ikpiti pɔ̄tam saraau, 77nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Yookiran jipɔɔn Pagiyeel nìn cáańee dee.
78Iwiin saalaa nì ili dalee, un nìn cáań u-wampɔkaatee di sá Eenan jipɔɔn Ayiira, Neefitalii naakookun yab kpiliu. 79Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau. 80U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon, 81nì unaja ubɔ nì upìja ubɔ nì dipibil din cáá dibindee bí dūú ŋá saraawɔkaa, 82nì uŋɔja ubɔ, bí dūú ŋá ikpiti pɔ̄tam saraau, 83nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Eenan jipɔɔn Ayiira nìn cáańee dee.
84Tiwampɔkaal tin Isirayeel yab kpilib nìn cáań bí dūú pɔ̀ntī nsaraafanee kɔkɔ nín nìn kpáfì puee sɔ̀. Tikúti sambiliŋ saalaa nì ali, sindaariya sambiyaamu saalaa nì muli. 85Disambil kamaa nyiŋfiŋu nìn sá kiiloo ubɔ nì graambi alaataa ata, ní kisambiki kamaa nyiŋfiŋu nìn sá graambi alaataa aluli. Tikúti sambiliŋ nì nsambiyaamu kɔkɔ nyiŋfiŋu nìn nyáń kiiloobi mmuŋku nì binaa ki nóó nì circir kɔŋkooŋŋun ŋmàntitam. 86Sindaariya sambiki kamaa nyiŋfiŋu nìn sá graambi dilaataal. Nsambiyaamu saalaa nì mulee nyiŋfiŋu nìn kpáfì kiiloo ubɔ nì graambi alaataa ali, ní talaalutuukaa gbí poon. 87Bi nìn cáań inajaa saalaa nì ili nì ipijaa saalaa nì ili nì apibil saalaa nì ali ŋin cáá dibindi dibee bí dūú ŋá saraawɔkaa. Tin bi nìn cáań bí dūú ŋá ikpiti pɔ̄tam saraauee nìn sá iŋɔjaa saalaa nì ili, 88inajaa mmuŋku nì inaa, ipijaa imuŋku ita nì iŋɔjaa imuŋku ita nì apibil ŋin cáá dibindi dibee imuŋku ita bí dūú ŋá mpèé saraau. Tiwampɔkaal tin bi nìn cáań bí dūú pɔ̀ntī nsaraafanee nín nìn nyáń puee dee.
89Ŋyunti ŋun ní Mooyiisi kɔ́ dikpafindi tantiun kí sòoǹ nì ti-Dindaanee, u nìn gbìl̄ ti-Dindaan neen pu. Nneenee nìn nyánní keerubimbi bin tɔ́kɔ́ Dipoondi dakaau bìil puee watil pú ki bíi sòoǹ nì u.
Currently Selected:
Nombres 7: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
