Josué 3
3
Isirayeel yab dūtì Jɔɔdan buŋŋu
1Kutaa wúntì kutaafaau pɔ̀lpɔlee ní Joosuwa yíkì Siitiim kaaŋun, u nì Isirayeel yab kɔkɔ, ní bi cōom̀ ki tin bàn̄ Jɔɔdan buŋgbandi. Bi bàn̄ niinee ní ki gbíntì ki kāl̀ kí cīití ŋwiin ŋun bi làá dùtī mbunee. 2Iwiin ita boonee ní Isirayeel yab tindaŋkpilib yìin̄ ki māntì dinaapaal kɔkɔ poon, 3ki báakì ki tùkū binib yii: «Ni yaa láa pée ká Leefii naantiibi bisaraaŋaliibi#3.3 Leefii naantiibi bisaraaŋaliibi: kpèè Ditee 17.9 nì tin bi ŋmàn̄ kugbɔŋu faaku taapuee. yōoǹ ti-Dindaan ni-Nimbɔtiu Poondi dakaau ki būkuǹee, ní dāá nyā dinaapaalin kí páań bi-boon. 4Mimmee ni làá béé nsan ŋun ní ni máaǹ kí nóóyee, kun puee naa láá pée cōom̀ nsan nee pu ki ká. Ama ní yàntī mpaan ń nīn dɔ̄ ni nì Dipoondi dakaau kansikin kí bà kii ditaŋkpal diba, kí taa nín̄ pìl̄-u tikpil.»
5Ní Joosuwa tùkū samaa yii: «Ní bɔ́ntímaan ni-ba kí nīn bí circir, kun puee fool ti-Dindaan làá fu ŋá maamaaci tuuŋŋi ni-kansikin.» 6Míǹ boonee ní Joosuwa bí bisaraaŋaliibi yii: «Yòom̄maan Dipoondi dakaau kí lìntī samaa nyɔkɔpu!» Ní bi yōoǹ Dipoondi dakaau ki līntì samaa nyɔkɔpu.
7Ní ti-Dindaan tùkū Joosuwa yii: «Díǹ wiiŋŋu nee ní m làá kíĺ kí yàntī á nyā diyindi Isirayeel yab kɔkɔ nimbiin ní bí béé yii m làá nīn bí a-cee kii m nín nìn bí Mooyiisi cee puee. 8Tùkù bisaraaŋaliibi bin tú Dipoondi dakaauee yii bi yaa cōom̀ ki bàn̄ Jɔɔdan buŋŋuee, bí kɔ́ poon kí yūĺ nnyimin.» 9Niinee ní Joosuwa bí Isirayeel yab yii: «Ní sútiḿmaan doo kí dāá pīlifì tibɔti tin ti-Dindaan ni-Nimbɔtiu cáá ki làá sòoǹee!» 10Bi kóoǹní ki kpáfèe ní Joosuwa bí-bi yii: «Tin bí nee di làá yàntī ní béé yii Unimbɔti un bí dimaŋfalinee bí ni-kansikin ní ki làá lafun jà Kanaan yab nì Eeti yab nì Eefi yab nì Peeriisi yab nì Giirgaasi yab nì Amɔɔr yab nì Jeebusi yab kí wàatī-ni. 11Kpèèmaan, duulinya kɔkɔ Dindaan Poondi dakaau làá lìntī ni-nyɔkɔpu kí kɔ́ Jɔɔdan buŋŋun ní nee. 12Kɔŋkɔnnee, ní lēēmaan Isirayeel naakɔti poon binib saalaa nì bili, kunaakoou kamaa unil ubɔ ubɔ. 13Bisaraaŋaliibi bin bùkū ti-Dindaan, duulinya kɔkɔ Dindaan Poondi dakaauee dāa pée lì yii bi dù bi-tafati kí gbēē Jɔɔdan nyimee, nnyim min pùubìń yilpu puee làá gbèen̄ kaa làá ti pùub̀, ní kí kóoǹ kí ŋá dinyiŋgundi.»
14Ní Isirayeel yab nyáń bi-tantibin kí dùtī Jɔɔdan buŋŋu, ní bisaraaŋaliibi bùkū Dipoondi dakaau ki līī samaa nyɔkɔpu. 15An nìn sá ŋyunti ŋun bi cēē tikpaajinee ní. Dibindi poonee, ŋyunti gbanti ní Jɔɔdan buŋŋu gbéè kí páań. Bisaraaŋaliibi bin bùkū Dipoondi dakaauee nín bàn̄ Jɔɔdan buŋgbandi ki tin pée dùŋfī bi-taaŋi kí gbēē nnyimee, 16nnyim min pùubìń yilpu puee síl̀ kaa ti bíi pùubìń, ní ki kóoǹ ki ŋá dinyiŋgundi, doooo kitiŋ kin bi yíì yii Adam kì pìlīǹ Saartan tiŋkee. Ní nnyim min pùub̀ taapu pu ki sìntī Arabaa teeku mɔɔl din bi gíti yíì yii Ŋyaam mɔɔlee watil púee, míǹ púntìi pùub̄ ki búntì. Ní samaa dūtì Jɔɔdan buŋŋu, Jeeriikoo tiŋki nyɔkɔpu. 17Bisaraaŋaliibi bin bùkū ti-Dindaan Poondi dakaauee pée sí Jɔɔdan buŋŋu kansikin ŋkulimmi, ní Isirayeel yab kɔkɔ dāa dūtì Jɔɔdan buŋŋu ŋkulimmi ki dóò.
Currently Selected:
Josué 3: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Josué 3
3
Isirayeel yab dūtì Jɔɔdan buŋŋu
1Kutaa wúntì kutaafaau pɔ̀lpɔlee ní Joosuwa yíkì Siitiim kaaŋun, u nì Isirayeel yab kɔkɔ, ní bi cōom̀ ki tin bàn̄ Jɔɔdan buŋgbandi. Bi bàn̄ niinee ní ki gbíntì ki kāl̀ kí cīití ŋwiin ŋun bi làá dùtī mbunee. 2Iwiin ita boonee ní Isirayeel yab tindaŋkpilib yìin̄ ki māntì dinaapaal kɔkɔ poon, 3ki báakì ki tùkū binib yii: «Ni yaa láa pée ká Leefii naantiibi bisaraaŋaliibi#3.3 Leefii naantiibi bisaraaŋaliibi: kpèè Ditee 17.9 nì tin bi ŋmàn̄ kugbɔŋu faaku taapuee. yōoǹ ti-Dindaan ni-Nimbɔtiu Poondi dakaau ki būkuǹee, ní dāá nyā dinaapaalin kí páań bi-boon. 4Mimmee ni làá béé nsan ŋun ní ni máaǹ kí nóóyee, kun puee naa láá pée cōom̀ nsan nee pu ki ká. Ama ní yàntī mpaan ń nīn dɔ̄ ni nì Dipoondi dakaau kansikin kí bà kii ditaŋkpal diba, kí taa nín̄ pìl̄-u tikpil.»
5Ní Joosuwa tùkū samaa yii: «Ní bɔ́ntímaan ni-ba kí nīn bí circir, kun puee fool ti-Dindaan làá fu ŋá maamaaci tuuŋŋi ni-kansikin.» 6Míǹ boonee ní Joosuwa bí bisaraaŋaliibi yii: «Yòom̄maan Dipoondi dakaau kí lìntī samaa nyɔkɔpu!» Ní bi yōoǹ Dipoondi dakaau ki līntì samaa nyɔkɔpu.
7Ní ti-Dindaan tùkū Joosuwa yii: «Díǹ wiiŋŋu nee ní m làá kíĺ kí yàntī á nyā diyindi Isirayeel yab kɔkɔ nimbiin ní bí béé yii m làá nīn bí a-cee kii m nín nìn bí Mooyiisi cee puee. 8Tùkù bisaraaŋaliibi bin tú Dipoondi dakaauee yii bi yaa cōom̀ ki bàn̄ Jɔɔdan buŋŋuee, bí kɔ́ poon kí yūĺ nnyimin.» 9Niinee ní Joosuwa bí Isirayeel yab yii: «Ní sútiḿmaan doo kí dāá pīlifì tibɔti tin ti-Dindaan ni-Nimbɔtiu cáá ki làá sòoǹee!» 10Bi kóoǹní ki kpáfèe ní Joosuwa bí-bi yii: «Tin bí nee di làá yàntī ní béé yii Unimbɔti un bí dimaŋfalinee bí ni-kansikin ní ki làá lafun jà Kanaan yab nì Eeti yab nì Eefi yab nì Peeriisi yab nì Giirgaasi yab nì Amɔɔr yab nì Jeebusi yab kí wàatī-ni. 11Kpèèmaan, duulinya kɔkɔ Dindaan Poondi dakaau làá lìntī ni-nyɔkɔpu kí kɔ́ Jɔɔdan buŋŋun ní nee. 12Kɔŋkɔnnee, ní lēēmaan Isirayeel naakɔti poon binib saalaa nì bili, kunaakoou kamaa unil ubɔ ubɔ. 13Bisaraaŋaliibi bin bùkū ti-Dindaan, duulinya kɔkɔ Dindaan Poondi dakaauee dāa pée lì yii bi dù bi-tafati kí gbēē Jɔɔdan nyimee, nnyim min pùubìń yilpu puee làá gbèen̄ kaa làá ti pùub̀, ní kí kóoǹ kí ŋá dinyiŋgundi.»
14Ní Isirayeel yab nyáń bi-tantibin kí dùtī Jɔɔdan buŋŋu, ní bisaraaŋaliibi bùkū Dipoondi dakaau ki līī samaa nyɔkɔpu. 15An nìn sá ŋyunti ŋun bi cēē tikpaajinee ní. Dibindi poonee, ŋyunti gbanti ní Jɔɔdan buŋŋu gbéè kí páań. Bisaraaŋaliibi bin bùkū Dipoondi dakaauee nín bàn̄ Jɔɔdan buŋgbandi ki tin pée dùŋfī bi-taaŋi kí gbēē nnyimee, 16nnyim min pùubìń yilpu puee síl̀ kaa ti bíi pùubìń, ní ki kóoǹ ki ŋá dinyiŋgundi, doooo kitiŋ kin bi yíì yii Adam kì pìlīǹ Saartan tiŋkee. Ní nnyim min pùub̀ taapu pu ki sìntī Arabaa teeku mɔɔl din bi gíti yíì yii Ŋyaam mɔɔlee watil púee, míǹ púntìi pùub̄ ki búntì. Ní samaa dūtì Jɔɔdan buŋŋu, Jeeriikoo tiŋki nyɔkɔpu. 17Bisaraaŋaliibi bin bùkū ti-Dindaan Poondi dakaauee pée sí Jɔɔdan buŋŋu kansikin ŋkulimmi, ní Isirayeel yab kɔkɔ dāa dūtì Jɔɔdan buŋŋu ŋkulimmi ki dóò.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.