Josué 2
2
Joosuwa tú bicɔŋkiliibi bili Jeeriikoo tiŋkin
1Isirayeel yab dáá bí Siitiim tiŋkin ní Nuuni jipɔɔn Joosuwa lēē binib bili ki tú dibalin ki bí-bi yii: «Ní cùmaan kí yìiǹ kí cɔ̄ŋkì kí béé Jeeriikoo tiŋki kɔkɔ.» Binibee bàn̄ee ní ki kɔ́ kinimpulaakpaai kiba dumpu ki dōoǹ. Bi yíì kinimpulaakpaai gbanti yii Rakaab#2.1 Bi sòon̄ Rakaab bɔti Dipoompɔndi poon, Maat 1.5, Eebru 11.31 nì Yaku 2.25.. 2Ní binib cūtìi nyá Jeeriikoo bɔtiu kuŋaŋŋaau yii: «Kpèè, Isirayeel yab biba kɔ́nní ti-tiŋki pu doo kunyeeu nee kí yìiǹ kí cɔ̄ŋkì kí béé kitiŋ!» 3Ní Jeeriikoo bɔtiu tú bi tùkū Rakaab yii: «Nyāntiń binib bin dɔ́miń ki kɔ́ a-dumpuee kí tīī-ti, kun puee bi dɔ́miń kí cɔ̄ŋkì kí béé kitiŋ nee filiŋfeetii kɔkɔ ní.» 4Rakaab nìn cáá bininjabee liitil ki bál̀ ní ki kíí bin ubɔti túnnée yii: «Tiŋman, bininjabee lafun dɔ́miń m-cee, ama maa nyí laakin bi nyánnée. 5An nín bɔ̄ntì bi làá pìin̄ kitiŋ punyɔkɔkee ní binib gbanti nyáń#2.5 Kí taa pɔ̄ nsan binannanliibi ń kɔ́ kitiŋinee, bi nìn pìintí kitiŋ punyɔkɔki ní kunyeeu., maa nyí laakin bi búntèe. Ní jàmaan bi-boon malaa, ni làá cúú-bi nsanni!»
6Ibaamɔnee Rakaab nìn cáá bininjabee ki jɔ́ntiǹ u-diiku yilpu laakin bi bɔ̀b̄ee, ki dū-bi ki bál̀ tiŋmiil kpaŋkpaatii in u fùkū ki díntì kudii yilpuee taapu. 7Ní ubɔti naacimbee kùl̄ ki páaǹ bininjab bilee boon, ki túĺ Jɔɔdan buŋŋu watil pú laakin kaa nyóò binib còom̄ ki dùtēe. Bi nyáń ki búntèe ní bi dū kitiŋ punyɔkɔki ki pīiǹ. 8Kí wàatī Rakaab nicambi bin u bál̀ee ń dòon̄ee, ní u nín jɔ́ḿ bi-cee kudii yilpu. 9U bàn̄ee ní ki bí-bi yii: «M nyí yii ti-Dindaan dū kitiŋ nee ki ŋá ni-ŋaan. Ni yāntì dinyoondi kɔ́-ti an kaa cáá bí lì. Ni-puee, tifaandi kɔ́ kitiŋ nee nib kɔkɔ bi nyùn̄ ŋkpatim. 10Di sá yii ti gbìl̄ ti-Dindaan nín yāntì Tikati mɔɔl nyim fóotì ni-nimbiin ni dūtì ŋyunti ŋun ni nìn nyáń Eejipiti tiŋkinee. Ti gíti gbìl̄ tin ní ni ŋá Amɔɔr yab bɔtiibi liitil Siiwɔn nì Ɔɔgi bin bí Jɔɔdan buŋŋu lapu puee, nì ni nín nāaǹ bibɔtiibi gbanti liitil nì bi-wanti pílpil puee#2.10 Ti-Dindaan nín yāntì Tikati mɔɔl nyim fóotì puee : kpèè Disa 14.21. - Siiwɔn nì Ɔɔgibɔtee : kpèè Ditee 2.24 kí cáá sāā 3.17, Dikà 21.21-35.. 11Ti nín gbìl̄ mimmee, tifaandi kɔ́-ti ní ti nyùn̄ ŋkpatim ní báà unil kaa ti cáá dipɔbil kí ŋmā kí yūĺ ni-nimbiin kí jáǹ-ni. Tiŋman pu, ti-Dindaan ni-Nimbɔtiu di sá Unimbɔti un bí yilpu fɔ́ŋŋŋee ní ki sá Unimbɔti kitiŋ pu taapu doo mun. 12Kɔŋkɔnnee ní pùtī ti-Dindaan yii m nín ŋá-ni tiniti tin nee, ni mun làá ŋá m-baa dicaŋkun yab tiniti kí téeǹ, ní kí tīī-mi kudaaŋŋu yii ni làá lafun ŋá míǹ. 13Ní yàntī m-baa nì m-na nì m-niijab nì m-mambi nì m-naalib nì bi-dicaŋŋi nib kɔkɔ ń nīn bí dimaŋfalin. Ní taa yàntī bí kpɔ̀-ti». 14Ní bininjabee kíí-u yii: «Ti kíí kí kpú nimbi yil pu, sii dee taa pée yàntī ti-bɔti nee ń nyā ti nì si kansikin ubɔ ń gbìl̄-tì! Ti-Dindaan yaa láa yāntì kitiŋ nee kɔ́ ti-ŋaanee, ti làá dāá ŋá-si tiniti kí dàkà-si ti-baamɔŋyi.»
15Niinee Rakaab dū ŋŋmii ki tɔ́ tɔkɔla boon pú ní bininjabee dī ki kpákatì taapu, kitiŋ boon. Di sá yii kitiŋ gundi pu ní bi nìn máń kudii kun Rakaab kóòyee ki tɔ́kɔǹ. 16Bi làá nīn nyēēyee ní Rakaab kpáafì-bi yii: «Ní túĺmaan dijool watil pú bin bíi jì kí cúú-nee ń taa ká-ni. Ní gbíntí dijool pu niin kí báĺ iwiin ita kí nīn cí binib gbanti ń fàtīí gítiń, boonee ní nín nìkī ni-saŋŋu kí nīn cá.» 17Ní bininjab bilee bí-u yii: «Timbi làá ŋúb́ dipoondi din a yāntì ti pūtì ki pōoǹ-see. 18Ama kpèè, ŋwiin ŋun a yaa láa ká ti kɔ́nní kitiŋinee, á dāá dū gulfaman ŋmiiŋu nee kí kúĺ kí lúntí tɔkɔla un a yāntì ti dī ki nyáń nee. Ŋyunti gbantee, á dāá kóoǹ a-baa nì a-na nì a-nabiyaamu nì a-baa dicaŋkun yab kɔkɔ kí kpāfì dicilpu a-dumpu. 19Un kamaa yaa láa pée nyáń mmɔŋkee, udaan di dāa yì úǹ u-ba kpuulool, an kaa dāa sá timbi bɔti. Ama bi yaa láa pée gbēē unil un kamaa bí a-dumpuee, timbi di dāa yì udaan kpuulool. 20Ama a yaa dū ti-bɔti nee ki máafì binibee, taa làá ti ŋúb́ dipoondi din a yāntì ti pūtì ki pōoǹ-see». 21Ní Rakaab kíí-bi yii: «Ni nín lī puee, án ŋá míǹ!» U lī mimmee ní ki pú-bi nsan bi nín cá, ní u nyàab̄ gulfaman ŋmiiŋu ki dūu kúĺ ki lúntì tɔkɔla pu. 22Ní bininjab bilee nín cá dijool pu ki cūtìi bál̀ niin iwiin ita. Ubɔti naacimbi bin bíi jì kí cúú-bee nyàab̄-bi didandi pu ki gīī kaa ká-bee, ní ki fātìi nín gítí. 23Niinee ní bininjabee liitil kpákatì dijool, ki dūtì Jɔɔdan buŋŋu ki cūtì Nuuni jipɔɔn Joosuwa cee ní ki dū bi nín bàn̄ tin jítèe kɔkɔ ki máafì-u. 24Bi bí Joosuwa yii: «Tiŋman pu, ti-Dindaan lafun dū kitiŋee kɔkɔ ki ŋá ti-ŋaan ní. Di sá yii timbi puee, tifaandi kɔ́ ki-nib kɔkɔ ní bi nyùn̄ ŋkpatim!»
Currently Selected:
Josué 2: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Josué 2
2
Joosuwa tú bicɔŋkiliibi bili Jeeriikoo tiŋkin
1Isirayeel yab dáá bí Siitiim tiŋkin ní Nuuni jipɔɔn Joosuwa lēē binib bili ki tú dibalin ki bí-bi yii: «Ní cùmaan kí yìiǹ kí cɔ̄ŋkì kí béé Jeeriikoo tiŋki kɔkɔ.» Binibee bàn̄ee ní ki kɔ́ kinimpulaakpaai kiba dumpu ki dōoǹ. Bi yíì kinimpulaakpaai gbanti yii Rakaab#2.1 Bi sòon̄ Rakaab bɔti Dipoompɔndi poon, Maat 1.5, Eebru 11.31 nì Yaku 2.25.. 2Ní binib cūtìi nyá Jeeriikoo bɔtiu kuŋaŋŋaau yii: «Kpèè, Isirayeel yab biba kɔ́nní ti-tiŋki pu doo kunyeeu nee kí yìiǹ kí cɔ̄ŋkì kí béé kitiŋ!» 3Ní Jeeriikoo bɔtiu tú bi tùkū Rakaab yii: «Nyāntiń binib bin dɔ́miń ki kɔ́ a-dumpuee kí tīī-ti, kun puee bi dɔ́miń kí cɔ̄ŋkì kí béé kitiŋ nee filiŋfeetii kɔkɔ ní.» 4Rakaab nìn cáá bininjabee liitil ki bál̀ ní ki kíí bin ubɔti túnnée yii: «Tiŋman, bininjabee lafun dɔ́miń m-cee, ama maa nyí laakin bi nyánnée. 5An nín bɔ̄ntì bi làá pìin̄ kitiŋ punyɔkɔkee ní binib gbanti nyáń#2.5 Kí taa pɔ̄ nsan binannanliibi ń kɔ́ kitiŋinee, bi nìn pìintí kitiŋ punyɔkɔki ní kunyeeu., maa nyí laakin bi búntèe. Ní jàmaan bi-boon malaa, ni làá cúú-bi nsanni!»
6Ibaamɔnee Rakaab nìn cáá bininjabee ki jɔ́ntiǹ u-diiku yilpu laakin bi bɔ̀b̄ee, ki dū-bi ki bál̀ tiŋmiil kpaŋkpaatii in u fùkū ki díntì kudii yilpuee taapu. 7Ní ubɔti naacimbee kùl̄ ki páaǹ bininjab bilee boon, ki túĺ Jɔɔdan buŋŋu watil pú laakin kaa nyóò binib còom̄ ki dùtēe. Bi nyáń ki búntèe ní bi dū kitiŋ punyɔkɔki ki pīiǹ. 8Kí wàatī Rakaab nicambi bin u bál̀ee ń dòon̄ee, ní u nín jɔ́ḿ bi-cee kudii yilpu. 9U bàn̄ee ní ki bí-bi yii: «M nyí yii ti-Dindaan dū kitiŋ nee ki ŋá ni-ŋaan. Ni yāntì dinyoondi kɔ́-ti an kaa cáá bí lì. Ni-puee, tifaandi kɔ́ kitiŋ nee nib kɔkɔ bi nyùn̄ ŋkpatim. 10Di sá yii ti gbìl̄ ti-Dindaan nín yāntì Tikati mɔɔl nyim fóotì ni-nimbiin ni dūtì ŋyunti ŋun ni nìn nyáń Eejipiti tiŋkinee. Ti gíti gbìl̄ tin ní ni ŋá Amɔɔr yab bɔtiibi liitil Siiwɔn nì Ɔɔgi bin bí Jɔɔdan buŋŋu lapu puee, nì ni nín nāaǹ bibɔtiibi gbanti liitil nì bi-wanti pílpil puee#2.10 Ti-Dindaan nín yāntì Tikati mɔɔl nyim fóotì puee : kpèè Disa 14.21. - Siiwɔn nì Ɔɔgibɔtee : kpèè Ditee 2.24 kí cáá sāā 3.17, Dikà 21.21-35.. 11Ti nín gbìl̄ mimmee, tifaandi kɔ́-ti ní ti nyùn̄ ŋkpatim ní báà unil kaa ti cáá dipɔbil kí ŋmā kí yūĺ ni-nimbiin kí jáǹ-ni. Tiŋman pu, ti-Dindaan ni-Nimbɔtiu di sá Unimbɔti un bí yilpu fɔ́ŋŋŋee ní ki sá Unimbɔti kitiŋ pu taapu doo mun. 12Kɔŋkɔnnee ní pùtī ti-Dindaan yii m nín ŋá-ni tiniti tin nee, ni mun làá ŋá m-baa dicaŋkun yab tiniti kí téeǹ, ní kí tīī-mi kudaaŋŋu yii ni làá lafun ŋá míǹ. 13Ní yàntī m-baa nì m-na nì m-niijab nì m-mambi nì m-naalib nì bi-dicaŋŋi nib kɔkɔ ń nīn bí dimaŋfalin. Ní taa yàntī bí kpɔ̀-ti». 14Ní bininjabee kíí-u yii: «Ti kíí kí kpú nimbi yil pu, sii dee taa pée yàntī ti-bɔti nee ń nyā ti nì si kansikin ubɔ ń gbìl̄-tì! Ti-Dindaan yaa láa yāntì kitiŋ nee kɔ́ ti-ŋaanee, ti làá dāá ŋá-si tiniti kí dàkà-si ti-baamɔŋyi.»
15Niinee Rakaab dū ŋŋmii ki tɔ́ tɔkɔla boon pú ní bininjabee dī ki kpákatì taapu, kitiŋ boon. Di sá yii kitiŋ gundi pu ní bi nìn máń kudii kun Rakaab kóòyee ki tɔ́kɔǹ. 16Bi làá nīn nyēēyee ní Rakaab kpáafì-bi yii: «Ní túĺmaan dijool watil pú bin bíi jì kí cúú-nee ń taa ká-ni. Ní gbíntí dijool pu niin kí báĺ iwiin ita kí nīn cí binib gbanti ń fàtīí gítiń, boonee ní nín nìkī ni-saŋŋu kí nīn cá.» 17Ní bininjab bilee bí-u yii: «Timbi làá ŋúb́ dipoondi din a yāntì ti pūtì ki pōoǹ-see. 18Ama kpèè, ŋwiin ŋun a yaa láa ká ti kɔ́nní kitiŋinee, á dāá dū gulfaman ŋmiiŋu nee kí kúĺ kí lúntí tɔkɔla un a yāntì ti dī ki nyáń nee. Ŋyunti gbantee, á dāá kóoǹ a-baa nì a-na nì a-nabiyaamu nì a-baa dicaŋkun yab kɔkɔ kí kpāfì dicilpu a-dumpu. 19Un kamaa yaa láa pée nyáń mmɔŋkee, udaan di dāa yì úǹ u-ba kpuulool, an kaa dāa sá timbi bɔti. Ama bi yaa láa pée gbēē unil un kamaa bí a-dumpuee, timbi di dāa yì udaan kpuulool. 20Ama a yaa dū ti-bɔti nee ki máafì binibee, taa làá ti ŋúb́ dipoondi din a yāntì ti pūtì ki pōoǹ-see». 21Ní Rakaab kíí-bi yii: «Ni nín lī puee, án ŋá míǹ!» U lī mimmee ní ki pú-bi nsan bi nín cá, ní u nyàab̄ gulfaman ŋmiiŋu ki dūu kúĺ ki lúntì tɔkɔla pu. 22Ní bininjab bilee nín cá dijool pu ki cūtìi bál̀ niin iwiin ita. Ubɔti naacimbi bin bíi jì kí cúú-bee nyàab̄-bi didandi pu ki gīī kaa ká-bee, ní ki fātìi nín gítí. 23Niinee ní bininjabee liitil kpákatì dijool, ki dūtì Jɔɔdan buŋŋu ki cūtì Nuuni jipɔɔn Joosuwa cee ní ki dū bi nín bàn̄ tin jítèe kɔkɔ ki máafì-u. 24Bi bí Joosuwa yii: «Tiŋman pu, ti-Dindaan lafun dū kitiŋee kɔkɔ ki ŋá ti-ŋaan ní. Di sá yii timbi puee, tifaandi kɔ́ ki-nib kɔkɔ ní bi nyùn̄ ŋkpatim!»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.