Josué 15

Juuda naakookun yab tinjandi

1Bi nìn tɔ́ kasi ki lēē ditinjandi ki tīī Juuda yab bi dūu yākatì ki nóó nì bi nín pēē pēē mmaal puee. Bi-tinjandi gbanti nìn dɔ̄ kí kíĺ Siini teeku nín kúntí pu ŋgiil púee kí tin sāā Eedoom tiŋki kpaanyɔkɔ. 2Ŋgiil pú púee, bi-kpaanyɔkɔ nìn kíĺ Ŋyaam mɔɔl gbeenlaŋki, laakin kitiŋ tin kóò dimɔɔlin ní an náań nì dilimbil ki túĺ Neegeeb teeku púee. 3Ki yōoǹ niinee ki dūu dī Akrabiim gbantaŋki Siini teeku ŋgiil pú, ki nín jɔ́ḿ Kadeesi-Baarneeya tiŋki ŋgiil pú ki tin bàn̄ Eesirɔn tiŋkin. Ki yōoǹ niin ki nín jɔ́ḿ Adaar tiŋkin ní ki pɔ́ĺ ki cūtì Karka tiŋki watil pú, 4ki jítì Asimɔn tiŋki pu ki tin bàn̄ Eejipiti buŋŋu#15.4 Eejipiti buŋŋu: kpèè Dikà 34.5. ní ki tin sāā Meediiteeranee tiŋkuu. Ŋgiil púee, Juuda yab tinjandi din bi fōōyee kpaanyɔkɔ dee.

5Ŋwìiń nyalaŋki púee, bi-tinjandi kpaanyɔkɔ kíĺ Ŋyaam mɔɔl ki cáa sāā Jɔɔdan buŋŋu nín kúntí puee. Ŋgan púee, kikpaanyɔkɔ kíĺ Ŋyaam mɔɔl laakin náań nì dilimbilee ki cáa sāā Jɔɔdan buŋŋu nín kúntí puee. 6Ki yōoǹ niinee ki nín jɔ́ḿ Beeti-Oogila tiŋki, ki dī Beeti-Arabaa ŋgan pú ki tin sāā laakin bi yíì yii Rubeen jipɔɔn Bookan taŋkpalee. 7Kikpaanyɔkɔ yōoǹ niinee ní ki dūu dī Akɔɔr tantakalin ki tin bàn̄ Deebiir tiŋki. Ki pɔ́ĺ ŋgan pú ki nín cá Geeliilɔti tiŋki kin bí Adumiim gbantaŋki nimbiinee watil pú, mbun nín dɔ̄ puee ŋgiil pú. Ki nìkī ki nín cá Eeni-Seemeesi buŋŋu pú ní ki tin bàn̄ Eeni-Roogeel. 8Niinee ní kikpaanyɔkɔ fātìi nín jɔ́ḿ Been-Kiinoom tantakal pú, Jeebusi yab tiŋki kin bi gíti yíì yii Jeerusaleem tiŋkee caŋin. Niinee ní ki nín jɔ́ḿ dijool din bí Kiinoom tantakal nimbiin ŋwìiń jeetilaŋki pú, nì Reefayiim gbantaŋki kúntilaŋki ŋgan púee yilpu. 9Kikpaanyɔkɔ yíkì dijool yilpuee ní ki sīntì Neefitoowa nyimbuliŋu watil pú ní ki nín nìkì Eefrɔn jool timmu pu, ki pɔ́ĺ ki nín cá Baala tiŋki kin bi gíti yíì yii Kiiriyati-Yeeyariim tiŋkee watil pú. 10Kikpaanyɔkɔ yōoǹ Baala tiŋkee ní ki pɔ́ĺ ŋwìiń jeetilaŋki pú ki nín cá Seeyiir jool watil pú, ki kpākaǹ Yaariim jool din bi gíti yíì yii Keesalɔn joolee ŋgan pú, ki nín sìntī Beeti-Seemeesi tiŋkin ki cūtìi pūntì Tiimina tiŋki. 11Ki yōoǹ niinee ní ki cáa bàn̄ Eekrɔn tiŋki caŋin ŋgan pú, ní ki pɔ́ĺ ki nín cá Siikaroon tiŋki watil pú, ki nín nìkì Baala jool nì Yabineeyeel tiŋki watil pú ní ki tin cáa sāā Meediiteeranee tiŋkuu.

12Ŋwìiń jeetilaŋki púee, Meediiteeranee tiŋkuu di nìn sá kikpaanyɔkɔ.

Ditinjandi din bi tīī Juuda naakookun yab bi yākatì ki nóó nì bi nín pēē pēē mmaal puee kpaanyɔmmu dee.

13Yeefunee jipɔɔn Kaleeb mun nìn fōō kitiŋ Juuda yab tinjandi poon ki nóó nì ti-Dindaan nín nìn tùkū Joosuwa yii ú ŋá puee. Bi nìn tīī-u Kiiriyati-Ariba tiŋki kin nìn sá Anaaki yab tiŋki bi kíǹ ki yíì díǹ pu nee yii Eebrɔn tiŋkee ní. Arba di nìn sá Anaaki baa. 14Kaleeb nìn jìn̄ Anaaki jipɔmbi taatil bin nìn bí niinee naantiibi. U-jipɔmbi gbanti yiŋŋi di nìn sá Seesayi nì Akiimaani nì Talimayi. 15Boonee ní u nìkī ki cūtìi jáń nì Deebiir tiŋki kin bi nìn yíì dooooyee yii Kiiriyati-Seefeer tiŋkee yab. 16Niin ní Kaleeb bí yii: «Un di yaa ŋúń ki jáń nì Kiiriyati-Seefeer yab ki fōō bi-tiŋkee, m làá dū m-bisal Akisa kí tīī udaan ú cáá.» 17Ní Kaleeb nabiki Keenaasi jipɔɔn Ootiniyeel ŋúń ki jáń ki fōō kitiŋ gbanti. Di sá ní Kaleeb dū u-bisal Akisa ki tīī-u u cáá. 18Akisa bàn̄ u-cal ceeyee ní ki sāal̀-u ú bàlifì u-baa ú tīī-u tikpaatan. Boonee ní u kpákatì u-maŋki pu ní u-baa Kaleeb bālifì-u yii: «A là ba ní?» 19Ní u kii yii: «M là kí mèè-si tiba ní. Di sá yii a tīī-mi ntimu Neegeeb teekun ní, an puee á tīī-mi anyimbɔbil mun!» Ní Kaleeb tīī-u anyimbɔbil ŋin bí yilpu puee nì ŋin bí taapu puee.

20Ditinjandi din bi nìn tīī Juuda naakookun yab ki nóó nì bi nín pēē pēē mmaal puee sɔ̀.

21Kunaakoou gbanti tinjandi poonee, ntimu mun kúntì ŋgiil pú, Eedoom tiŋki kpaanyɔkɔ watil púee di sá Yabiseel nì Eedeer nì Yaguur, 22nì Kiina nì Diimoona nì Adaada, 23nì Keedeesi nì Asɔɔr nì Yitinan, 24nì Siifi nì Teeleem nì Beeyalooti, 25nì Asɔɔr-Adaata nì Keeriyooti-Eesirɔn tiŋki kin bi gíti yíì yii Asɔɔr tiŋkee, 26nì Amaam nì Seema nì Moolada, 27nì Asaar-Gada nì Eesmɔn nì Beeti-Peeleeti, 28nì Asaar-Suwaal nì Beerseeba tiŋki nì ki-timbilimmu kɔkɔ, 29nì Baala nì Iyiim nì Eeseem, 30nì Eeltoolaadi nì Keesiil nì Ɔrima, 31nì Siikilaagi nì Madimana nì Sansaana, 32nì Leebawɔti nì Siiliim nì Ayiin nì Riimɔn. Ntimu gbanti nìn kpáfì mmuŋku nì muwa ní, mu nì mu-timbilimmu.

33Ntimu mun bí Seefeelaa paal puee di sá Eesitawool nì Sooreeya nì Aseena, 34nì Sanoowa nì Eeni-Ganiim nì Tapuuwa nì Eeniyam, 35nì Yaarmuti nì Adulaam nì Sookoo nì Aseeka, 36nì Saarayiim nì Aditayiim nì Geedeera tiŋki nì ki-timbilimmu. Mu nìn kpáfì ntimu kiba kpá saalku ní, mu nì mu-timbilimmu. 37Ntimu mun nìn kíǹee di sá Seenan nì Adaasa nì Miigidaal-Gaadi, 38nì Diileeyan nì Miisipee nì Yɔkiteel, 39nì Lakiisi ní Bɔsikaati nì Eeglɔn, 40nì Kaboon nì Lakimaasi nì Kiitiliisi, 41nì Geedeerooti nì Beeti-Daagɔn nì Naama nì Makeeda. Mu nìn kpáfì ntimu saalku nì kiba ní, mu nì mu-timbilimmu. 42Ntimu mubɔ mun di sá Liibina nì Eeteer nì Asan, 43nì Yiifita nì Asina nì Neesiib, 44nì Keeyiila nì Akisiib nì Mareesa. Mu mun nìn kpáfì ntimu muwa ní, mu nì mu-timbilimmu. 45Ntimu mun nìn gíti kútèe di sá Eekrɔn tiŋki nì ki-timbilimmu nì ntimbilimu mun bí ki-taapuee kɔkɔ, 46nì Eekrɔn tiŋki ŋwìiń jeetilaŋki pú nì ntimu mun kɔkɔ pée pìlīǹ Asidoodi tiŋkee nì mu-timbilimmu kɔkɔ, 47nì Asidoodi tiŋki nì ki-timbilimmu nì ntimbilimu mun bí ki-taapuee kɔkɔ. Kí kūtì Gaasaa tiŋki nì ki-timbilimmu nì ntimbilimu mun bí ki-taapuee kɔkɔ ki tin cáa sāā Eejipiti buŋŋu nì Meediiteeranee tiŋkugbandi.

48Ntimu mun bí dijool puee di sá Samiir nì Yatiir nì Sookoo, 49nì Dana nì Kiiriyati-Sana tiŋki kin bi yíì yii Deebiir tiŋkee, 50nì Anaab nì Eesiteemoo nì Aniim, 51nì Gooseen nì Ɔlooni nì Giiloo. Mu nìn kpáfì ntimu saalaa nì muli ní, mu nì mu-timbilimmu. 52Ntimu mun nìn gíti kútèe di sá Araab nì Duuma nì Eeseeyan, 53nì Yanuum nì Beeti-Tapuuwa nì Afeeka, 54nì Umita nì Kiiriyati-Ariba tiŋki kin bi gíti yíì yii Eebrɔn tiŋkee, nì Siiyɔɔr. Mu nìn kpáfì ntimu muwa ní, mu nì mu-timbilimmu. 55Ki kútì Maawɔn nì Kaarmeel nì Siifi nì Yuuta, 56nì Jisirayeel nì Yɔkideeyam nì Sanoowa, 57nì Kaayiin nì Giibeeya nì Tiimina. Mu nìn kpáfì ntimu saalaa ní, mu nì mu-timbilimmu. 58Ntimu mun nìn gíti kútèe di sá Aluuli nì Beeti-Suur nì Geedɔɔr, 59nì Maarati nì Beeti-Anooti nì Eelteekooni. Mu nìn kpáfì ntimu muluu ní, mu nì mu-timbilimmu, 60ní ki kútì Kiiriyati-Baal tiŋki kin bi gíti yíì yii Kiiriyati-Yeeyariim tiŋkee nì Arabaa tiŋki. Múǹ nìn sá ntimu muli ní, mu nì mu-timbilimmu.

61Ntimu mun nìn bí kuteeunee di sá Beeti-Arabaa nì Miidiini nì Seekaka, 62nì Niibisan nì Iir-Ameela nì Eeni-Geedii. Mu nìn kpáfì ntimu muluu ní, mu nì mu-timbilimmu.

63Ama Juuda yab kaa nìn ŋúń ki jìn̄ Jeebusi yab bin nìn kóò Jeerusaleem tiŋkinee ki fōō bi-tiŋki. An pu ní díǹ pu nee Jeebusi yab dáá gbíntìi kóò Jeerusaleem tiŋkin, Juuda naakookun yab kansikin.

Currently Selected:

Josué 15: BASSARDC

Highlight

Copy

Compare