Jeremiah 20
20
Hay Nangibaludan Pashhur ay Jeremiah
1Nan padin ap'apun mumpapto' hinan Timplun Apo Dios#20:1 Bo'on hiyay Nabagtun Padi mu hiyay netob an way haadna ti impapto'nay papadin pulis hinan Timplu ta mid gumuluh di. an hi Pashhur an hina' Immer ya unna dengngol nan inali' 2ya impahuplita',#20:2 Mid mapto' ya inunud Pashhur nan nitudo' hi Deut. 25:2-3. ya binangkilingana' hinan way Numbagtun Pantaw Benjamin hidih nan way Timplu. 3Ya heden nabiggat ya unna' ipibo'tan ay Pashhur. Ya inali' ay hiyay, “Inalin Apo Dios an bo'on mahkay he"ah Pashhur ta he"ah Tagun Tuma'ta'atot.#20:3 Unu Magor-Missabib. 4Ti inalin Apo Dios di, La'tot ya nidugah di ta'otmuh nan ma'at, ya umat goh hinah nan liligwam. Ya titiggom di pumpamatayan nan buhul ay didah tun punggugubatanda ti ipa'abak'u da'yun iJudah hinan alid Babylon#20:4 Nan Alin hi Nebuchadnezzar ya 605-562 B.C. di nun'alianad Babylon. ya hinan tindaluna. At pumpatoyday udum ay da'yu, ya nan ma'angang ya iyuydad Babylon. 5Ya pun'ipahamham'uh nan buhul an amin nan inadangyanyu ya an amin nan nun'abalul eten babluyyu. Ya an amin nan balitu' di a'alid Judah ta iyuydad Babylon. 6Ya ta"on un he"a, Pashhur, ya an amin nan pamilyam, ya an amin nan liligwam ya miyuy ayud Babylon#20:6 Mid mapto' ya ag'agadan nipiyuy ad Babylon hidin 597 B.C. ti un na'amtang ya waday duwan nipallog ay Pashhur hinan Timplu an da Jehoiada ay Zephaniah (Jer. 29:26). ta hidiy atayanyu ya ilubu'anyu ti layah nan inalim ay dida an bo'on Ha"in an Dios di nalpuwana.”
Hay Nunlilian Jeremiah ay Apo Dios
7Ya nunlilia' ay Apo Dios an inali' di,
“Apu, inhapitana' ay He"a ta numbalina' hi propeta.
Ya gapu ta nidugah di abalinam ya un ha"in ya na'al'alu'a' ya inabulut'u.
At ten ad ugwan ya nidugah di ngohoy di tatagun ha"in an ten pumpadngolana'
8ti an amin nan inalim hi ipa'innila' hinan tatagu ya un hay apa"ianda unu atayanda!
At hiyanan paligligatona' ya pumbainana' ay dida!
9Hin'umu'uddum ya inali' hi nomnom'uy,
Idinong'u mahkay an mangipa'innilah nan ipa'innilam ay Ha"in.
Mu nan hapitmu ya ay mundalang an apuy an adi mabalin hi un'u ipo"oy!
10Ya dengngol'un iyabu'abu'ab nan tatagun alyonday,
Niya goh di Umipata'ot!#20:10 Nan hapit an Umipata'ot ya ohan agguy immannung an ngadan Jeremiah.
Odolnay un tu'u idalom hinan ap'apu ta way atonan duminong an gun humapihapit!
Ya ta"on un didan liligwa' ya hay ibahhawa' di titiggonda
ta way atondan mangat hinan pohdondan aton ta iballohdan ha"in.
11Mu He"a, Apo Dios, di makulug hi ibba'
an paddungnay tindalun ongol di abalinana.
At adi mabalin hi abakona' hinan bumobohhol ay ha"in ti diday mipa'ampa ya mabainan,
ya heden ipa'ampaanda ya adi ma'aliwan hi enggana.
12He"a, Apo Dios an nidugah di abalinana, ya na'ahhamad di atom an mangipanuh hi tatagu
ti i'innilam nan nahamad di pangatda.
Ya He"a goh di nanginnilah wah nomnom di ohan tagu,
at He"ay okod an mangiballoh hinan ato'aton nan bumubohhol ay ha"in
ti He"ay pangiyokoda' hitun nitagua'.
13Ya ikanta' di pundayaw'un He"a, Apo Dios,
ti He"ay nangibaliw ay ha"in hinan na"appuhin pangat nan tatagun mangipaligligat ay ha"in!
14Odolnay unna' agguy nitungaw,
ta maphod ni' goh un din nangitungawan ina ay ha"in ya ma'aliwan!
15Ya odolna goh hi un mi'id nangipa'amlong ay amah
nangipa'innilaanan lala'i nan nitungaw an imbaluyna.
16Ya maphod tuwalih un mi'id henen tagu an umat hinan babluy an pina"im, Apu, an agguymu enehmo'an,#20:16 Unu ad Sodom, ya ad Gomorrah, ya ad Admah, ya ad Zeboiim (Gen. 19:24-25, 29; Deut. 29:23).
ya maphod ni' unna donglon nan kumilah nan helhelong ya tu'u' di tindalun gumubat hinan tongan di algaw.
17Ti anaad ta agguya' pinatoy ay hiyah din nihabia' ta agguya' nitungaw
ta un at hay putun inay ninayun hi lubu"u?
18Anaad nin tuwali ta nitungawa'?
Manu ay nin ya ta tigo' di nidugah an punligata' ya pamaindan ha"in hi engganah ataya'!”
Currently Selected:
Jeremiah 20: NHAD
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
