Exodus 2

Hay Nitungawan Moses

(Ac. 7:20-21; Heb. 11:23)

1Ya wada han lala'in nalpuh holag Levi#2:1 Hi Amram di ngadana (Ex. 6:20). an inahawana han nalpu goh hinan holag Levi.#2:1 Hi Jochebed di ngadana (Ex. 6:20). 2Ya nunhabih den babai ta nuntungaw, ya lala'i.#2:2 Mid mapto' ya na'at hidin 1525 B.C. Ya unat goh tinnig inana an ma'apgohan di a'ung'ungngana ya impo"oynah tuluy bulan. 3Mu la'tot ya mid olognan mangipo"oy, at innalna han bahkit an hay niyamma ya tubun di ga'ad, ya inhamadnan linita ta adi luhton di danum. Ya unat goh nalpah ya innalnah den ung'ungnga, ya inittuna, ya inyuynah nan pingit di Wangwang an Nile, ya impatabla'nah nan wadan di adudu"oy an holo'. 4Ya impiyadugnah nan ungan babai an agin den ung'ungnga ta tigonay ma'at ay hiya, mu nibataan di awadana.#2:4 Hi Miriam di ngadana (Ex. 15:20).

5Ya heden algaw ya immuy din babain imbaluy nan alid Egypt#2:5 Hay ngadana nin ya hi Hatshepsut an numbalin hi queen hidi (1503-1482 B.C.). an umuy mun'amoh hinan wangwang. Ya nan tatagalana ya nundaldallanandah nan pingit di wangwang. Ya unat goh inamang nan imbaluy di alih de han bahkit hinan way adudu"oy an holo' ya hennagnay ohah nan tatagalana ta immuyna innal. 6Ya unat goh linuptin din imbaluy di ali nan hanin di bahkit ya tinnignah den ung'ungngan kumilakila, at inggohgohana. Ya inalinay, “Hiyah te ohah nan imbaluy di Hudyu!”

7Ya han babai an agin den ung'ungnga ya immuy hinan imbaluy di ali, ya inalinay, “Pohdom ay ya umuy'u ayagan di ohah nan babain Hudyu ta hiyay manalimun enen ung'ungnga.”

8Ya tembal nan imbaluy di alin inalinay, “Oo, eka mun'ayag.”

At immuy heden unga, ya inayaganah inan den ung'ungnga. 9Ya unat goh inyuynah den babai ya inalin den imbaluy di alin hiyay, “Awitom heten ung'ungnga ta halimunam, at idat'uy bo'laom.” At inawitna nan ung'ungnga, ya hinalimunana.

10Ya unat goh immong'ongngol heden ung'ungnga ya inyuy den babaih nan imbaluy di ali an hiyay nangekkop hi ad imbaluy.#2:10 Unu inagawitna hiya. Ya nginadnana ta hi Moses#2:10 Hay pohdonan ibaga ya agaw. ti inalinay, “Nan danum di nangagawa' ay hiya.”

Hay Limmayawan Moses ta Immuy ad Midian

(Ac. 7:23-29; Heb. 11:24-26)

11Ya unat goh immilog hi Moses#2:11 Intudun Stephen an amin di mituduh nan i'Egypt ya nitudu goh ay Moses (Ac. 7:22). at immuy an nannig hinan i'ibbanan Hudyu, ya tinnignay aat di nunnaud hi pumpaligligatandan muntamu.#2:11 Hay tawon Moses eden timpu ya napat (Ac. 7:23). Ya tinnigna goh han ohan i'Egypt an punhuplitna nan ohan Hudyu. 12Ya muntiggatiggaw hi Moses an mi'id ah taguh mannig, at pinatoynah de han i'Egypt, ya inlubu'nah nan panag heden natoy.

13Ya nabiggat goh ya numbangngad hi Moses, ya inah'upana han duwan Hudyun mumpattoyda. At inalinah nan numbahol di, “Anaad ta punhudpa'mu han ibbam an Hudyu?”

14Ya tembal den lala'in inalinay, “Undan he"ay pento'dah ap'apuh mangipanuh ay da'mi? Undan alyom ta patayona' an umat hinan namatayam hinan i'Egypt?” Ya ma'atta'ot hi Moses ti ininnilanan waday nanginnilah nan inatna.

15Ya unat goh dengngol nan alih#2:15 Hay ngadana nin ya nan Alin hi Thutmose III (1502-1448 B.C.). Nob'on nan ali an nitudo' hi Ex. 1:8. den na'at ya penhodnan ipapatoy hi Moses. Mu limmayaw hi Moses ta immuy hi ad Midian, ya hidiy ni'hituwana. Mu heden dimmatngana ya inum'umbun hinan way bubun. 16Ya hidid Midian ya wada han padi#2:16 Duway ngadana an Reuel (an hay ibalinana ya ligwan Apo Dios; Ex. 2:18) di oha ya Jethro nan miyadwa (an hay ibalinana ya apu; Ex. 3:1). Hiya ya padi, ya mid mapto' ya dinayawnah Apo Dios ti hi apunan hi Midian ya ohan holag da Abraham ay Keturah, at iniladah Apo Dios (Gen. 25:1-2). an pituy binabaih imbabaluyna. Ya daden binabai ya immuydah nan way bubun ta ipa'inumanda nan initnuddan kalnilun amada. 17Ya immuyda goh nan udum an mumpahtul, ya hinu'witda daden binabai. At immuy mah hi Moses ta binaliwana dida, ya nun'ipa'inumana din kalnilun nan binabai.

18Ya unat goh immanamut daden hina"agi an imbabaluy Reuel ya inalin amaday, “Anaad ta ag'aga ayun umanamut ad ugwan?”

19Ya inaliday, “Manu ay ya wada han lala'in i'Egypt an bimmadang ay da'mih din panu'witan nan udum an mumpahtul ay da'mih nan bubun, ya hiya goh nangngal hinan danum, ya nun'ipa'inumana nan kalnilu tu'u.”

20Ya inalin amaday, “At hay wadan mah nen lala'i? Anaad ta tinaynanyu? Ekayu ayagan ta me"an ay ditu'u!”

21At ni'hituh Moses ay Reuel. Ya la'tot ya inyabulut Reuel an ahawaon Moses han imbaluyna an hi Zipporah.#2:21 Hay pohdonan ibaga ya hamuti. 22At nalmuy imbaluydan lala'i, ya hay impingadan Moses ya hi Gershom#2:22 Hay pohdonan ibaga ya bunag. ti inalinay, “Ha"in ya unna' atog bunag eten babluy.”

23Ya naluh di do'ol hi tawon ya natoy din alid Egypt.#2:23 Nahuluk di nabongle ta han opat di tawon hi nun'alian Thutmose III (1502-1448 B.C.). Mu nan holag Israel ya gun miyal'allay ipaligligatanda an dumalat nan tamuda, ya la'tot ya ahibabagadah badang ay Apo Dios. 24At dengngol Apo Dios nan pumpahmo'anda, ya ninomnomna din intulagnah nan o'ommodda an da Abraham, ya hi Isaac, ya hi Jacob. 25At nidugah di homo'nan didah nan papanniganah nan ipaligligatanda.

Currently Selected:

Exodus 2: NHAD

Highlight

Copy

Compare