Yakobo 5
5
Mafunda kwa wantu majabva
1Sikiani, nywinywi wantu majabva! Ḍabvani kuiya chiiyo cha mabaanano koro mwakudzijwani ni d̯ina nkuu muno. 2Malit̯e yenu yonse yamawowa tswee na nkanzu zenu ziḍigwa ni mafunzi. 3Dhahaḅu na fwedha zenu zihenda nkanga. Na hiyo hiyo nkanga idzakaa dza ushaahiḍi wa nabvise zenu nsiku ya hukumu. Nanywi mudzanangwa-nangwa dza kwamba munangwa-nangwa ni moho. Nywinywi munadziundukizia mali menji na menji, ntamudzi kwamba azi ni nsiku za mwiso? 4Haya, t̯ayowani sasa! Wantu wamuvunia makonde yenu, anywi mukidzamukinuka, muwakulakula ntamukuwaipfa. T̯asikiani hiyo nabvise ikwakumusit̯akini kwa Muungu! Chiiyo cha hao wahenda kazi kimufikia Ḅwana, mwenye nguvu zonse. 5Muishi na raha humu lumwenguni, mukidzitsekeza na kula mwichomukitsaka. Mudzit̯oseza hi myojo yenu, na sasa mwakuindiiyani nsiku ya kudzahukumigwa. 6Muwahukumu na kuwayaga wantu wasio tsowa ḍiḍeḍyonse, wasioweza hat̯a kudzihehea usoni yenu.
Wani wantu wa kuit̯isa
7Wandugu zanguni, nywinywi it̯isani huku mukwakuyoweeyani kudza yupfii kwa Ḅwana. T̯ayowani namuna ya wantu weonaima wevyonait̯isa mumpaka wakavuna makonde yao. Wao wanait̯isa mumpaka hi mvuya ya kuivyaza hi mimea ikanya, na wakapata bvaro. 8Nanywi pia, namutseefwa mojo, it̯isani, koro nsiku ya kuuja kwa Ḅwana ntaikwaa kuye. 9Wandugu zangu, namutsekaiya kuwawakiana nywinywi na nywinywi mutsekudzahukumigwa. Manyani, huyu Muhukumu Mukuu kamaawa hafufi kudza! 10Yowani mufaano wa hawa manabii weowakikaa na kuyavya maagu ya Muungu eyoakiwapfa. Wao wakuntiswa d̯ina amoo wait̯isa. 11Hwonse, wantu wait̯isiyeo hunawahwaa kwamba ni wavodhyegwa. Na nywinywi wenye musikia namuna ya Ayubi ait̯isiyevyo mad̯inani na mumanya hayaḍe ya Muungu adzeyoakimuhendea mwisoni. Hakika Muungu ni Muungu mut̯ei na munanso.
12Ela zaid̯i ya vyonse wandugu zangu, mukwakunenani namutseyapfa kwa sari ḍya Muungu, kwa kulamba mutsanga ambu kwa njia ingine iḍeyonse. Mukyamba, “Ndivyo,” naiwe ndivyo, na mukyamba, “Sivyo,” naiwe sivyo, ili mutsekudzahukumigwa.
Nguvu za mayombo
13Ikiwa kwamba kahi yenu kuna yuḍejwonse eye d̯inani, namuyombe Muungu. Na ikiwa kwamba kuna yuḍejwonse eye na tsekea, namushad̯e Muungu na meya. 14Yuḍejwonse kahi yenu akiwa mujwazi, nawahane wazee wa tsanganiko, wadzewamuyombeye na kumupfakaza mafuha#5:14 Hawa Wayahud̯i wekitumia mafuha kuwahiiya wajwazi, kuyanga kwamba hizi nguvu za Ruhu Mudheru zinawasukia na zinawapfoza. kwa sari ḍya Ḅwana. 15Na hayo mayombo, wakiyayomba wakiwa na serefano kwa Muungu, yanamupfoza huyu mujwazi na anapata matsea. Na hat̯a ikiwa kwamba kahenda nabvise, Ḅwana anamuyatsiya. 16D̯ubva, nywinywi namutsefitsa kwambiana nabvise zenu na namutseyatsa kuyombeana ili Muungu apate kumupfoza. Mayombo ya muntu muhachi yana nguvu na yanahenda mambo makuu. 17Kwa mufaano, *nabii Eliya ewa ni mwanaad̯amu dzaswi, ela kamuyomba Muungu na mojo, kutseenya mvuya nsi yonse ya Isiraeli. Na hakika, ntakukunya mvuya kwa myaka mihahu na nusu. 18Kisa kamuyomba Muungu anyese mvuya, nayo ikakanyika kuyawa dzuu, na nsi yonse ishauka mimea.
Waudzyeni njiani wahikiza wenzenu waariyeo
19Wandugu zanguni, mumodza jwenu akyaara njia, akiiyatsa hi njia ya hachi, kisa yungine adzeamuudzye njiani, 20ḅasi huyu amuudziye njiani namanye kwamba, kula amuudziye njiani munabvise kamupfonya na kufwa. Na anamuhendeza Muungu atsemut̯alia nabvise huyu muntu munabvise.
Currently Selected:
Yakobo 5: pkb
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy
Yakobo 5
5
Mafunda kwa wantu majabva
1Sikiani, nywinywi wantu majabva! Ḍabvani kuiya chiiyo cha mabaanano koro mwakudzijwani ni d̯ina nkuu muno. 2Malit̯e yenu yonse yamawowa tswee na nkanzu zenu ziḍigwa ni mafunzi. 3Dhahaḅu na fwedha zenu zihenda nkanga. Na hiyo hiyo nkanga idzakaa dza ushaahiḍi wa nabvise zenu nsiku ya hukumu. Nanywi mudzanangwa-nangwa dza kwamba munangwa-nangwa ni moho. Nywinywi munadziundukizia mali menji na menji, ntamudzi kwamba azi ni nsiku za mwiso? 4Haya, t̯ayowani sasa! Wantu wamuvunia makonde yenu, anywi mukidzamukinuka, muwakulakula ntamukuwaipfa. T̯asikiani hiyo nabvise ikwakumusit̯akini kwa Muungu! Chiiyo cha hao wahenda kazi kimufikia Ḅwana, mwenye nguvu zonse. 5Muishi na raha humu lumwenguni, mukidzitsekeza na kula mwichomukitsaka. Mudzit̯oseza hi myojo yenu, na sasa mwakuindiiyani nsiku ya kudzahukumigwa. 6Muwahukumu na kuwayaga wantu wasio tsowa ḍiḍeḍyonse, wasioweza hat̯a kudzihehea usoni yenu.
Wani wantu wa kuit̯isa
7Wandugu zanguni, nywinywi it̯isani huku mukwakuyoweeyani kudza yupfii kwa Ḅwana. T̯ayowani namuna ya wantu weonaima wevyonait̯isa mumpaka wakavuna makonde yao. Wao wanait̯isa mumpaka hi mvuya ya kuivyaza hi mimea ikanya, na wakapata bvaro. 8Nanywi pia, namutseefwa mojo, it̯isani, koro nsiku ya kuuja kwa Ḅwana ntaikwaa kuye. 9Wandugu zangu, namutsekaiya kuwawakiana nywinywi na nywinywi mutsekudzahukumigwa. Manyani, huyu Muhukumu Mukuu kamaawa hafufi kudza! 10Yowani mufaano wa hawa manabii weowakikaa na kuyavya maagu ya Muungu eyoakiwapfa. Wao wakuntiswa d̯ina amoo wait̯isa. 11Hwonse, wantu wait̯isiyeo hunawahwaa kwamba ni wavodhyegwa. Na nywinywi wenye musikia namuna ya Ayubi ait̯isiyevyo mad̯inani na mumanya hayaḍe ya Muungu adzeyoakimuhendea mwisoni. Hakika Muungu ni Muungu mut̯ei na munanso.
12Ela zaid̯i ya vyonse wandugu zangu, mukwakunenani namutseyapfa kwa sari ḍya Muungu, kwa kulamba mutsanga ambu kwa njia ingine iḍeyonse. Mukyamba, “Ndivyo,” naiwe ndivyo, na mukyamba, “Sivyo,” naiwe sivyo, ili mutsekudzahukumigwa.
Nguvu za mayombo
13Ikiwa kwamba kahi yenu kuna yuḍejwonse eye d̯inani, namuyombe Muungu. Na ikiwa kwamba kuna yuḍejwonse eye na tsekea, namushad̯e Muungu na meya. 14Yuḍejwonse kahi yenu akiwa mujwazi, nawahane wazee wa tsanganiko, wadzewamuyombeye na kumupfakaza mafuha#5:14 Hawa Wayahud̯i wekitumia mafuha kuwahiiya wajwazi, kuyanga kwamba hizi nguvu za Ruhu Mudheru zinawasukia na zinawapfoza. kwa sari ḍya Ḅwana. 15Na hayo mayombo, wakiyayomba wakiwa na serefano kwa Muungu, yanamupfoza huyu mujwazi na anapata matsea. Na hat̯a ikiwa kwamba kahenda nabvise, Ḅwana anamuyatsiya. 16D̯ubva, nywinywi namutsefitsa kwambiana nabvise zenu na namutseyatsa kuyombeana ili Muungu apate kumupfoza. Mayombo ya muntu muhachi yana nguvu na yanahenda mambo makuu. 17Kwa mufaano, *nabii Eliya ewa ni mwanaad̯amu dzaswi, ela kamuyomba Muungu na mojo, kutseenya mvuya nsi yonse ya Isiraeli. Na hakika, ntakukunya mvuya kwa myaka mihahu na nusu. 18Kisa kamuyomba Muungu anyese mvuya, nayo ikakanyika kuyawa dzuu, na nsi yonse ishauka mimea.
Waudzyeni njiani wahikiza wenzenu waariyeo
19Wandugu zanguni, mumodza jwenu akyaara njia, akiiyatsa hi njia ya hachi, kisa yungine adzeamuudzye njiani, 20ḅasi huyu amuudziye njiani namanye kwamba, kula amuudziye njiani munabvise kamupfonya na kufwa. Na anamuhendeza Muungu atsemut̯alia nabvise huyu muntu munabvise.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy