Yakobo 4
4
Yatsani mazuka yenu mumuyowe Muungu
1Aya matsowano na nkondo za kut̯wa kahi yenu, vyakuyehegwani ni kintu ga? Ntavikwakuyehegwani ni azi t̯amaa zenu nzuka nzuka zizokujwanani kuzimuni mwenu hat̯a? 2Munat̯amani musivyokuwa navyo, ela ntamuvipate. Ndookomu mwaa t̯ayari hat̯a kuyaga. Munamiiya mahe vya wantu, ela ntamuvipate. Ndookomu munanjia kutsowanani nywinywi na nywinywi na kujwana. Na maana musiyopata hikiḍe mwichonatsaka, ni kwa kwamba ntamudzakimuyomba Muungu. 3Na hat̯a mwipfonayomba ntamupate mwichokuyombani, maanaye munayomba na nia nzuka. Munayomba ili mukivipata mupate kudzitsekeza myojo yenu.
4Nywinywi mwiwo dza wake waḅari! Ntamudzi kwamba kutsaka lumwengu ni kudziwekea uad̯ui na Muungu? Ndivyo, yuḍejwonse atsakiye kuwa ḅamu jwa huju lumwengu, huyo anawa ad̯ui jwa Muungu. 5Ambu avi vya aya matsoro yaneneyevyo yakyamba, “Huyu Ruhu jwa Muungu amuwekeye kuzimuni mwehu ni mwivu,”#4:5 Ambu: hi ruhu ya Muungu aiwekeyeyo kuzimuni mwehu ina wivu, ambu Muungu, dza muumewe muntu anahufwiya wivu. mwakut̯arani kwamba ni vyuuwo vya ḅasi? 6Ela Muungu anahufwiya t̯ei zaid̯i na zaid̯i. Ndiyo maana haya matsoro yamba,
“Muungu anawafwia t̯ei hawaḍe weo wampowe,
ela wavikodzo anat̯aragiana nao.”
7D̯ubva nywinywi dziwekeni nsii ya mamulaka ya Muungu. T̯aragianani na Shaat̯ani, nae anamud̯arama. 8Mudziyeni Muungu hafufi, nae anamudziya hafufi. Ela nywinywi wanabvise na mwiwo wambiimbii, yatsani mahendo yenu mazuka na muyavye mat̯aro mazuka myojoni mwenu! 9Sikit̯ikani na kuiya na tsungu kwa dzambo ḍya mazuka yenu! Kitseko chenu nakiwe chiiyo, na tsekea yenu iwe masikit̯iko. 10Muhambaiyeni Ḅwana, nae anamukuzya.
Namutsekizia hukumu wenzenu
11Wandugu zangu, yatsani kuneneana mazuka. Koro yuḍejwonse eyenamunenea mazuka muhikiza mwenziwe na kumukizia hukumu, huyo kakuineneani mazuka *Sharia ya Muungu na kakuiyavyani matsowa. Wewe ukwakuiyavyani matsowa hi Sharia, nkukwakuiuḅani! Kwakudzihendezani muntu jwa kuiyavya matsowa t̯u. 12Muungu jeje heket̯u ndiye eyenaweka Sharia na kuhukumu wantu. Na ndiye jeje t̯u eyenaweza kupfonya wantu ambu kuwananga-nanga. Ehe wewe nawe, hivi hivi u ga hat̯a umukizie hukumu mwenziwo?
Maisha yenu yaa mikononi mwa Muungu
13Sikiani, nywinywi mwiwonakwamba, “Yeo ambu keso hunakwenda mudzi musiku na musiku, hunakaa mwaka muzima. Hunadzihendea guzi, hunadzitsumia-tsumia fwedha.” 14Mumanya kidzechohendeka keso? Ambu, aya maisha yenu muyamanya yaivyo? Maisha yenu yaa dza muvuke wiwonaonekana iyo saa na iyo saa ukaara. 15D̯ubva nywinywi mwivyonamala kunena ni hidzaa, “Ḅwana akitsaka, na akihuweka mojo, hunahenda visiku na visiku.” 16Ela nywinywi sivyo, mukaiya kupanga mipango mikuu mikuu na kudziona. Manyani, kudziona dzako ni kuzuka!
17D̯ubva, muntu amanyiye hi ya hachi ya kuhenda kisa akatsaihenda, huyo kakuhendani nabvise.
Currently Selected:
Yakobo 4: pkb
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy
Yakobo 4
4
Yatsani mazuka yenu mumuyowe Muungu
1Aya matsowano na nkondo za kut̯wa kahi yenu, vyakuyehegwani ni kintu ga? Ntavikwakuyehegwani ni azi t̯amaa zenu nzuka nzuka zizokujwanani kuzimuni mwenu hat̯a? 2Munat̯amani musivyokuwa navyo, ela ntamuvipate. Ndookomu mwaa t̯ayari hat̯a kuyaga. Munamiiya mahe vya wantu, ela ntamuvipate. Ndookomu munanjia kutsowanani nywinywi na nywinywi na kujwana. Na maana musiyopata hikiḍe mwichonatsaka, ni kwa kwamba ntamudzakimuyomba Muungu. 3Na hat̯a mwipfonayomba ntamupate mwichokuyombani, maanaye munayomba na nia nzuka. Munayomba ili mukivipata mupate kudzitsekeza myojo yenu.
4Nywinywi mwiwo dza wake waḅari! Ntamudzi kwamba kutsaka lumwengu ni kudziwekea uad̯ui na Muungu? Ndivyo, yuḍejwonse atsakiye kuwa ḅamu jwa huju lumwengu, huyo anawa ad̯ui jwa Muungu. 5Ambu avi vya aya matsoro yaneneyevyo yakyamba, “Huyu Ruhu jwa Muungu amuwekeye kuzimuni mwehu ni mwivu,”#4:5 Ambu: hi ruhu ya Muungu aiwekeyeyo kuzimuni mwehu ina wivu, ambu Muungu, dza muumewe muntu anahufwiya wivu. mwakut̯arani kwamba ni vyuuwo vya ḅasi? 6Ela Muungu anahufwiya t̯ei zaid̯i na zaid̯i. Ndiyo maana haya matsoro yamba,
“Muungu anawafwia t̯ei hawaḍe weo wampowe,
ela wavikodzo anat̯aragiana nao.”
7D̯ubva nywinywi dziwekeni nsii ya mamulaka ya Muungu. T̯aragianani na Shaat̯ani, nae anamud̯arama. 8Mudziyeni Muungu hafufi, nae anamudziya hafufi. Ela nywinywi wanabvise na mwiwo wambiimbii, yatsani mahendo yenu mazuka na muyavye mat̯aro mazuka myojoni mwenu! 9Sikit̯ikani na kuiya na tsungu kwa dzambo ḍya mazuka yenu! Kitseko chenu nakiwe chiiyo, na tsekea yenu iwe masikit̯iko. 10Muhambaiyeni Ḅwana, nae anamukuzya.
Namutsekizia hukumu wenzenu
11Wandugu zangu, yatsani kuneneana mazuka. Koro yuḍejwonse eyenamunenea mazuka muhikiza mwenziwe na kumukizia hukumu, huyo kakuineneani mazuka *Sharia ya Muungu na kakuiyavyani matsowa. Wewe ukwakuiyavyani matsowa hi Sharia, nkukwakuiuḅani! Kwakudzihendezani muntu jwa kuiyavya matsowa t̯u. 12Muungu jeje heket̯u ndiye eyenaweka Sharia na kuhukumu wantu. Na ndiye jeje t̯u eyenaweza kupfonya wantu ambu kuwananga-nanga. Ehe wewe nawe, hivi hivi u ga hat̯a umukizie hukumu mwenziwo?
Maisha yenu yaa mikononi mwa Muungu
13Sikiani, nywinywi mwiwonakwamba, “Yeo ambu keso hunakwenda mudzi musiku na musiku, hunakaa mwaka muzima. Hunadzihendea guzi, hunadzitsumia-tsumia fwedha.” 14Mumanya kidzechohendeka keso? Ambu, aya maisha yenu muyamanya yaivyo? Maisha yenu yaa dza muvuke wiwonaonekana iyo saa na iyo saa ukaara. 15D̯ubva nywinywi mwivyonamala kunena ni hidzaa, “Ḅwana akitsaka, na akihuweka mojo, hunahenda visiku na visiku.” 16Ela nywinywi sivyo, mukaiya kupanga mipango mikuu mikuu na kudziona. Manyani, kudziona dzako ni kuzuka!
17D̯ubva, muntu amanyiye hi ya hachi ya kuhenda kisa akatsaihenda, huyo kakuhendani nabvise.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy