Yakobo 2
2
Yatsani upend̯eleo
1Wandugu zangu, nywinywi dza wantu mumuhikiziyeo Ḅwana jwehu Yesu *Kirist̯o, mwenye marembo yonse, namutseewa wantu wa upend̯eleo. 2Kwa mufaano, nahuhwaiye kwamba humu tsanganikoni mwenu kudza muntu avwaiye t̯ele za dhahaḅu, akivwaa na nguo nyema nyema. Kisa kudza na muntu masikini avwaiye nguo nzuka nzuka! 3Mukimumuud̯amia huyu muntu avwaiye urembo ḅasi, mukimumpa kiti chema cha kukaiya, kisa mumwambe huyu muntu masikini, “Wewe sumama hapfaḍe!” Ambu mumwambe, “Wewe ikaa chihako hapfo mutsangani hapfo.” 4Mukihenda hivyo hivyo ntamukwakuyangani uḅaguzi hat̯a? Mwakuwahwaani wantu wangine kuwa ḅora zaid̯i kuchia wangine kwa njia nzuka.
5Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo. 6Anywi mukidzamukinuka, mwakumuhwaani kowesa dza muntu asiye maana! Dzaambia awa wantu majabva mwiwonahila muno, siwo weokumukaiyani chihako na kumusharut̯isa na nguvu mwende magasani wakamusit̯aki? 7Siwo pia weonaḍikufuru eḍi sari ḍya hila ḍya ayu mwiye wakwe?
8Haya, ikiwa kwamba hivi mwivyokuhendani mwakuuḅani hi amuri nkuu ya Muungu iyo humu matsoroni, na yambiyeyo, “Mutsake mwenziwo dza udzitsakiyevyo mwenye,” ḅasi mwakuhendani sawa! 9Ela ikiwa kwamba munakaa na kuyanga wantu upend̯eleo, ḅasi mwakuhendani nabvise na vyaa wazi kwamba muna tsowa ḍya kuvunza amuri za Muungu. 10Koro muntu akiiuḅa hi *Sharia urembo, kisa adzeavunze kaamuri kamodza t̯u, huyo ana tsowa ḍya kuzivunza amuri zonse! 11Maanaye, huyu Muungu ambiye, “Nkudzonjie rangani,” ndiye yuyo ambiye, “Nkudzoyage.” D̯ubva, ikiwa kwamba muntu nkakuvunza ukwe, ela kayaga muntu, ni sawa na kwamba huyo ana tsowa ḍya kuzivunza amuri zonse za Muungu.
12Nywinywi kumbukani kwamba, hakika Muungu kadzamuhukumu kuuḅana na kwamba aya mayongweezoye yeyonahuweka huru, muyauḅa ambu hat̯a. D̯ubva, vyuuwo vyenu na mahendo yenu ni had̯i viuḅe hayo mayongweezo. 13Koro muntu asiyekuwa mut̯ei kwa wangine, Muungu nae nkawezi kuwa mut̯ei kwakwe nsiku ya hukumu. Na muntu mut̯ei kwa wangine, nkawezi kuwa na oga wa kuhukumigwa.
Faro isiyo mahendo ni faro ifwiyeyo
14Wandugu zangu, ina maana ga kwa muntu kunena kwamba kamuhikiza Yesu Kirist̯o na huku mahendoye ntayayange faro eyonayo? Dze, faro dzeyohiyo inamupfonyadze? 15Kwa mufaano, nahuhwaiye kwamba kuona muhikiza mwenziwo eye na d̯ara na pia hat̯a cha kupfiika mohoni nka kintu. 16Kisa nawe unuke na kumwamba, “Ikaa naghea. Muungu nakupfe kuḍya na kunwa na akuvwike.” Na huku wewe nkukumumpa hikiḍe echo na t̯uri nacho. D̯ubva avi umwambiiyevyo vinamusaiḍia na? 17Hat̯a faro nayo, ikitsakwenda na mahendo, ni sawa na kwamba ifwa!
18Wewe unaweza kunena kwamba, wangine wakiwa na faro ni sawa, na wangine wakiwa na mahendo mema ni sawa. Ela niyanga namuna ya muntu evyonaweza kuwa na faro pfasipfo kuwa na mahendo mema, nami nakuyanga hi faro yangu kwa haya mema niyonahenda. 19Wewe kuhikiza kwamba kuna Muungu mumodza t̯u, sivyo? Haya, gula ni sawa! Ela hat̯a mpepfo nzuka nazo, zihikiza kwamba kuna Muungu mumodza na zinakuka kuhehema na oga.
20E ḍyurawe! Nkwaimuka hat̯a kwamba muntu akiwa na faro kisa akitsahenda mema, hiyo faro yakwe ntai maana? 21T̯anahuhwaeni mufaano wa bibi jwehu Iburahimu. Jeje, Muungu kamuhwaa kuwa muhachi kwa dzambo ḍya hiviḍe ahendeevyo, vya kutsaka kumuyavya mwanawe Isaka dza mvuugiya kwa Muungu. 22Kwakuonani? Iburahimu ewa kamuserefat̯a Muungu chima cha kwamba, ewa t̯ayari kuhenda kiḍechonse cha Muungu amwambiiyecho. Ndookomu hi faroye ikamilika na haya mahendoye. 23Hivi viyanga wazi kwamba, hivi vya haya matsoro yaneneyevyo ni ḍugha. Koro yamba, “Iburahimu kamuserefat̯a Muungu, nae Muungu kamuhwaa kuwa muntu muhachi.” Hat̯a wantu nao wekimuhana ḅamu jwa Muungu. 24Mwakuonani d̯ubva? Muntu anahwajwa kuwa muhachi kwa mahendoye na kwa faroye pia!
25Hat̯a huyuḍe muke shudha eyeakihanwa Rahabi, Muungu kamuhwaa dza muntu muhachi kwa dzambo ḍya hiviḍe ahendeyevyo, vya kuwahwaa wad̯ozi wa Kiisiraeli akiwafitsa nyumbani mwakwe, kisa akiwagonzoza na siri na njia ingine.
26D̯ubva nichokunenani ni kwamba, ruhu ikimuyawa muntu, ḅasi muntu huyo anawa nkakwaa mojo kawii, kesakufwa. Na hat̯a faro ya muntu ikitsayangwa na mahendo, nayo pia inawa dzevyo. Yani inawa kwamba ifwa!
Currently Selected:
Yakobo 2: pkb
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy
Yakobo 2
2
Yatsani upend̯eleo
1Wandugu zangu, nywinywi dza wantu mumuhikiziyeo Ḅwana jwehu Yesu *Kirist̯o, mwenye marembo yonse, namutseewa wantu wa upend̯eleo. 2Kwa mufaano, nahuhwaiye kwamba humu tsanganikoni mwenu kudza muntu avwaiye t̯ele za dhahaḅu, akivwaa na nguo nyema nyema. Kisa kudza na muntu masikini avwaiye nguo nzuka nzuka! 3Mukimumuud̯amia huyu muntu avwaiye urembo ḅasi, mukimumpa kiti chema cha kukaiya, kisa mumwambe huyu muntu masikini, “Wewe sumama hapfaḍe!” Ambu mumwambe, “Wewe ikaa chihako hapfo mutsangani hapfo.” 4Mukihenda hivyo hivyo ntamukwakuyangani uḅaguzi hat̯a? Mwakuwahwaani wantu wangine kuwa ḅora zaid̯i kuchia wangine kwa njia nzuka.
5Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo. 6Anywi mukidzamukinuka, mwakumuhwaani kowesa dza muntu asiye maana! Dzaambia awa wantu majabva mwiwonahila muno, siwo weokumukaiyani chihako na kumusharut̯isa na nguvu mwende magasani wakamusit̯aki? 7Siwo pia weonaḍikufuru eḍi sari ḍya hila ḍya ayu mwiye wakwe?
8Haya, ikiwa kwamba hivi mwivyokuhendani mwakuuḅani hi amuri nkuu ya Muungu iyo humu matsoroni, na yambiyeyo, “Mutsake mwenziwo dza udzitsakiyevyo mwenye,” ḅasi mwakuhendani sawa! 9Ela ikiwa kwamba munakaa na kuyanga wantu upend̯eleo, ḅasi mwakuhendani nabvise na vyaa wazi kwamba muna tsowa ḍya kuvunza amuri za Muungu. 10Koro muntu akiiuḅa hi *Sharia urembo, kisa adzeavunze kaamuri kamodza t̯u, huyo ana tsowa ḍya kuzivunza amuri zonse! 11Maanaye, huyu Muungu ambiye, “Nkudzonjie rangani,” ndiye yuyo ambiye, “Nkudzoyage.” D̯ubva, ikiwa kwamba muntu nkakuvunza ukwe, ela kayaga muntu, ni sawa na kwamba huyo ana tsowa ḍya kuzivunza amuri zonse za Muungu.
12Nywinywi kumbukani kwamba, hakika Muungu kadzamuhukumu kuuḅana na kwamba aya mayongweezoye yeyonahuweka huru, muyauḅa ambu hat̯a. D̯ubva, vyuuwo vyenu na mahendo yenu ni had̯i viuḅe hayo mayongweezo. 13Koro muntu asiyekuwa mut̯ei kwa wangine, Muungu nae nkawezi kuwa mut̯ei kwakwe nsiku ya hukumu. Na muntu mut̯ei kwa wangine, nkawezi kuwa na oga wa kuhukumigwa.
Faro isiyo mahendo ni faro ifwiyeyo
14Wandugu zangu, ina maana ga kwa muntu kunena kwamba kamuhikiza Yesu Kirist̯o na huku mahendoye ntayayange faro eyonayo? Dze, faro dzeyohiyo inamupfonyadze? 15Kwa mufaano, nahuhwaiye kwamba kuona muhikiza mwenziwo eye na d̯ara na pia hat̯a cha kupfiika mohoni nka kintu. 16Kisa nawe unuke na kumwamba, “Ikaa naghea. Muungu nakupfe kuḍya na kunwa na akuvwike.” Na huku wewe nkukumumpa hikiḍe echo na t̯uri nacho. D̯ubva avi umwambiiyevyo vinamusaiḍia na? 17Hat̯a faro nayo, ikitsakwenda na mahendo, ni sawa na kwamba ifwa!
18Wewe unaweza kunena kwamba, wangine wakiwa na faro ni sawa, na wangine wakiwa na mahendo mema ni sawa. Ela niyanga namuna ya muntu evyonaweza kuwa na faro pfasipfo kuwa na mahendo mema, nami nakuyanga hi faro yangu kwa haya mema niyonahenda. 19Wewe kuhikiza kwamba kuna Muungu mumodza t̯u, sivyo? Haya, gula ni sawa! Ela hat̯a mpepfo nzuka nazo, zihikiza kwamba kuna Muungu mumodza na zinakuka kuhehema na oga.
20E ḍyurawe! Nkwaimuka hat̯a kwamba muntu akiwa na faro kisa akitsahenda mema, hiyo faro yakwe ntai maana? 21T̯anahuhwaeni mufaano wa bibi jwehu Iburahimu. Jeje, Muungu kamuhwaa kuwa muhachi kwa dzambo ḍya hiviḍe ahendeevyo, vya kutsaka kumuyavya mwanawe Isaka dza mvuugiya kwa Muungu. 22Kwakuonani? Iburahimu ewa kamuserefat̯a Muungu chima cha kwamba, ewa t̯ayari kuhenda kiḍechonse cha Muungu amwambiiyecho. Ndookomu hi faroye ikamilika na haya mahendoye. 23Hivi viyanga wazi kwamba, hivi vya haya matsoro yaneneyevyo ni ḍugha. Koro yamba, “Iburahimu kamuserefat̯a Muungu, nae Muungu kamuhwaa kuwa muntu muhachi.” Hat̯a wantu nao wekimuhana ḅamu jwa Muungu. 24Mwakuonani d̯ubva? Muntu anahwajwa kuwa muhachi kwa mahendoye na kwa faroye pia!
25Hat̯a huyuḍe muke shudha eyeakihanwa Rahabi, Muungu kamuhwaa dza muntu muhachi kwa dzambo ḍya hiviḍe ahendeyevyo, vya kuwahwaa wad̯ozi wa Kiisiraeli akiwafitsa nyumbani mwakwe, kisa akiwagonzoza na siri na njia ingine.
26D̯ubva nichokunenani ni kwamba, ruhu ikimuyawa muntu, ḅasi muntu huyo anawa nkakwaa mojo kawii, kesakufwa. Na hat̯a faro ya muntu ikitsayangwa na mahendo, nayo pia inawa dzevyo. Yani inawa kwamba ifwa!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy