Yakobo 1
1
1Mimi Yakobo, niiye muhumisi jwa Muungu na jwa Ḅwana Yesu *Kirist̯o, nyakumworeani nywinywi wahikiza mwiwo wa vyeet̯i kumi na viwii vya Wayahud̯i mut̯amisaiyeo nsi garagara. Nyonse nimukedhya nto! Ntamu untu?
Mwipfonapatwa ni maḍemo tsekeani
2Wandugu zangu, mwipfonapatwa ni maḍemo ya kula namuna, nywinywi tsekeani t̯u, 3koro ni mumanye ya kwamba, kupimigwa kwa hi faro yenu kunamukumiiza myojo, na munagija kumuserefat̯a Muungu. 4Nywinywi ni mugije kuit̯isa hat̯a mwiso, mupate kukuya, mungore na mukamilike kwa kula njia, mutsepfungukijwa ni kiḍechonse.
5Muntu akitsowa mvidhyo ya kumanya namuna ya Muungu evyonatsaka huishi, namuyombe Muungu, nae anaimumpa. Koro Muungu akwakumumpani muntu kintu, anakimumpa na mojo mumodza, wala nkawezi kumuajaisa. 6Ela muntu akwakuyombani, ni had̯i amuserefat̯e Muungu, ni kutsaawa na umbiimbii. Maanaye, muntu eye na umbiimbii ni dza wimbi ḍya ḅahari ḍiḍyonabigwa ni mpepfo ḍikapfiikwa huku na huku. 7D̯ubva muntu dzae, natset̯ara ya kwamba anaweza kupata kintu kuyawa kwa Ḅwana. 8Muntu jwa umbiimbii meshi ni muntu asiye musumamo.
9Huyuḍe muhikiza eye masikini, natsekeye kwamba Muungu kamukuzya. 10Ela muntu jabva, namanye kwamba Muungu kadzamususya nsii. Maanaye, dza hiviḍe vya kiyuwa chivyonawaa kisa kikaharachaa, ndivyo vya muntu jabva adzevyokaa kisa atsekudzaonekana kawii. 11Dzuwa ḍipfonawaa kali, ḍinaibiga mimea hat̯a kiyuwa kikaharachaa kisa nayo ikafwa, na remboḍye ḍikaara kaḅisa! Hat̯a kwa muntu jabva vinawa dzevyo. Jeje anawa kakuchiiyani-chiiyani shuulize na kufwa kunamudzia.
Maḍemo ntayayawe kwa Muungu
12Heri muntu eyenapatwa ni maḍemo na akait̯isa! Koro akiit̯isa hat̯a akiyashinda, Muungu anamumpa t̯ubvo ḍya maisha ya kuunga na yuungo. Hiḍi ni t̯ubvo ḍya Muungu aahid̯iyeḍyo kuḍiwapfa hawaḍe wonse wamutsakiyeo. 13Muntu akipatwa ni maḍemo, natsekwamba Muungu ndiye eyekumuḍemani. Koro Muungu nkawezi kuḍemegwa anjie kuhendani mazuka, na wala nae nkawezi kumuḍema muntu amungize kuhendani mazuka. 14Ela muntu anaḍemegwa ni t̯amaa zakwe jeje mwenye! Zinamukulakula, zikamuhendeza atsake kuhenda mazuka. 15Muntu akisakumiha t̯amaa nzuka, hizi t̯amaa zinavyaa nabvise. Na hi nabvise ikikuya hat̯a ikyenda ikingora, inavyaa kufwa.
16Wandugu zangu watsakwa, namutsekulika-kulika hat̯a! 17Kula chicho chema na kisicho kapet̯a kinayawa kwa Muungu, aumbiye hiḍi dzuwa, mwezi na nyoha. Ela Muungu jeje nkakwaa dza hiḍi dzuwa, mwezi na nyoha, vivyonaperuka-peruka. Na wala nkakwaa dza vivwii vivyonaperuka-peruka! 18Kwa miroye mwenye, kahupfa kuvyajwa upfya kuchiiya na kwa hichi chuuwoche cha hachi. Kahenda hivi ili kwamba, kahi ya vyonse aumbiyevyo, swiswi huwe ndiswi viumbe vya maana vya mwiso kwakwe.
Wani wantu wa kusikiiya na kuhenda
19D̯ubva wandugu zangu watsakwa, kula mumodza jwenu nawe mupesi jwa kusikiiya, ela natseewa muharaka jwa kut̯amuka ambu jwa kudzirejea ḅasi ḅasi. 20Koro muntu akireja, nkawezi kuhenda yeyo ya hachi usoni kwa Muungu. 21Ndookomu nanywi, dzyapfuseni na kula aina ya hendo zuka na mambo yasiyokuwa mema. Ipfokeyeni na umpowe hi mbeju ya chuuwo cha Muungu ihodzejweyo myojoni mwenu. Koro ndicho chuuwo chichonaweza kumupfonya.
22Mukiwa wantu wa kusikiiya chuuwo cha Muungu na kuchiyatsia pfapfo, mwakudzikulanikulani wenye. Ni muwe wantu wa kusikiiya chuuwo cha Muungu na kuhenda chivyokunenani. 23Koro muntu eyenasikiiya chuuwo cha Muungu na kutsahenda chivyokunenani, ni sawa na muntu eyenadziyowa kiyooni akaona namuna akaiyevyo, 24kisa iyo saa akinuka na hapfo akaarerwa kwamba ewa kakaadze. 25Ela muntu akigija kuyauḅa haya mayongweezo yeyo mema na yeyonahuweka huru, na akitsakwaarerwa kuhenda hivi vya hichi chuuwo chivyonamwambia, Muungu anamuvodhya.
26Muntu akwakudzihwaani kwamba jeje ni muntu muchuuwo na huku nkawezi kut̯unza jwiimijwe, huyo kakudzikulanikulani mwenye, na kuwa muntu muchuuwo kwakwe, ntaku maana yaḍeyonse. 27Muntu jwa Muungu Baba jwehu eyenamuhwaa kuwa muntu muchuuwo jwa ḍugha na asiye t̯amba, ni huyuḍe eyenat̯unza wake wachiwa na wana wachiwa weo na d̯ina, na kudzit̯unza mwenye atsedzinanga kwa kuhenda mazuka ya wantu wa huju huju lumwengu.
Currently Selected:
Yakobo 1: pkb
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy
Yakobo 1
1
1Mimi Yakobo, niiye muhumisi jwa Muungu na jwa Ḅwana Yesu *Kirist̯o, nyakumworeani nywinywi wahikiza mwiwo wa vyeet̯i kumi na viwii vya Wayahud̯i mut̯amisaiyeo nsi garagara. Nyonse nimukedhya nto! Ntamu untu?
Mwipfonapatwa ni maḍemo tsekeani
2Wandugu zangu, mwipfonapatwa ni maḍemo ya kula namuna, nywinywi tsekeani t̯u, 3koro ni mumanye ya kwamba, kupimigwa kwa hi faro yenu kunamukumiiza myojo, na munagija kumuserefat̯a Muungu. 4Nywinywi ni mugije kuit̯isa hat̯a mwiso, mupate kukuya, mungore na mukamilike kwa kula njia, mutsepfungukijwa ni kiḍechonse.
5Muntu akitsowa mvidhyo ya kumanya namuna ya Muungu evyonatsaka huishi, namuyombe Muungu, nae anaimumpa. Koro Muungu akwakumumpani muntu kintu, anakimumpa na mojo mumodza, wala nkawezi kumuajaisa. 6Ela muntu akwakuyombani, ni had̯i amuserefat̯e Muungu, ni kutsaawa na umbiimbii. Maanaye, muntu eye na umbiimbii ni dza wimbi ḍya ḅahari ḍiḍyonabigwa ni mpepfo ḍikapfiikwa huku na huku. 7D̯ubva muntu dzae, natset̯ara ya kwamba anaweza kupata kintu kuyawa kwa Ḅwana. 8Muntu jwa umbiimbii meshi ni muntu asiye musumamo.
9Huyuḍe muhikiza eye masikini, natsekeye kwamba Muungu kamukuzya. 10Ela muntu jabva, namanye kwamba Muungu kadzamususya nsii. Maanaye, dza hiviḍe vya kiyuwa chivyonawaa kisa kikaharachaa, ndivyo vya muntu jabva adzevyokaa kisa atsekudzaonekana kawii. 11Dzuwa ḍipfonawaa kali, ḍinaibiga mimea hat̯a kiyuwa kikaharachaa kisa nayo ikafwa, na remboḍye ḍikaara kaḅisa! Hat̯a kwa muntu jabva vinawa dzevyo. Jeje anawa kakuchiiyani-chiiyani shuulize na kufwa kunamudzia.
Maḍemo ntayayawe kwa Muungu
12Heri muntu eyenapatwa ni maḍemo na akait̯isa! Koro akiit̯isa hat̯a akiyashinda, Muungu anamumpa t̯ubvo ḍya maisha ya kuunga na yuungo. Hiḍi ni t̯ubvo ḍya Muungu aahid̯iyeḍyo kuḍiwapfa hawaḍe wonse wamutsakiyeo. 13Muntu akipatwa ni maḍemo, natsekwamba Muungu ndiye eyekumuḍemani. Koro Muungu nkawezi kuḍemegwa anjie kuhendani mazuka, na wala nae nkawezi kumuḍema muntu amungize kuhendani mazuka. 14Ela muntu anaḍemegwa ni t̯amaa zakwe jeje mwenye! Zinamukulakula, zikamuhendeza atsake kuhenda mazuka. 15Muntu akisakumiha t̯amaa nzuka, hizi t̯amaa zinavyaa nabvise. Na hi nabvise ikikuya hat̯a ikyenda ikingora, inavyaa kufwa.
16Wandugu zangu watsakwa, namutsekulika-kulika hat̯a! 17Kula chicho chema na kisicho kapet̯a kinayawa kwa Muungu, aumbiye hiḍi dzuwa, mwezi na nyoha. Ela Muungu jeje nkakwaa dza hiḍi dzuwa, mwezi na nyoha, vivyonaperuka-peruka. Na wala nkakwaa dza vivwii vivyonaperuka-peruka! 18Kwa miroye mwenye, kahupfa kuvyajwa upfya kuchiiya na kwa hichi chuuwoche cha hachi. Kahenda hivi ili kwamba, kahi ya vyonse aumbiyevyo, swiswi huwe ndiswi viumbe vya maana vya mwiso kwakwe.
Wani wantu wa kusikiiya na kuhenda
19D̯ubva wandugu zangu watsakwa, kula mumodza jwenu nawe mupesi jwa kusikiiya, ela natseewa muharaka jwa kut̯amuka ambu jwa kudzirejea ḅasi ḅasi. 20Koro muntu akireja, nkawezi kuhenda yeyo ya hachi usoni kwa Muungu. 21Ndookomu nanywi, dzyapfuseni na kula aina ya hendo zuka na mambo yasiyokuwa mema. Ipfokeyeni na umpowe hi mbeju ya chuuwo cha Muungu ihodzejweyo myojoni mwenu. Koro ndicho chuuwo chichonaweza kumupfonya.
22Mukiwa wantu wa kusikiiya chuuwo cha Muungu na kuchiyatsia pfapfo, mwakudzikulanikulani wenye. Ni muwe wantu wa kusikiiya chuuwo cha Muungu na kuhenda chivyokunenani. 23Koro muntu eyenasikiiya chuuwo cha Muungu na kutsahenda chivyokunenani, ni sawa na muntu eyenadziyowa kiyooni akaona namuna akaiyevyo, 24kisa iyo saa akinuka na hapfo akaarerwa kwamba ewa kakaadze. 25Ela muntu akigija kuyauḅa haya mayongweezo yeyo mema na yeyonahuweka huru, na akitsakwaarerwa kuhenda hivi vya hichi chuuwo chivyonamwambia, Muungu anamuvodhya.
26Muntu akwakudzihwaani kwamba jeje ni muntu muchuuwo na huku nkawezi kut̯unza jwiimijwe, huyo kakudzikulanikulani mwenye, na kuwa muntu muchuuwo kwakwe, ntaku maana yaḍeyonse. 27Muntu jwa Muungu Baba jwehu eyenamuhwaa kuwa muntu muchuuwo jwa ḍugha na asiye t̯amba, ni huyuḍe eyenat̯unza wake wachiwa na wana wachiwa weo na d̯ina, na kudzit̯unza mwenye atsedzinanga kwa kuhenda mazuka ya wantu wa huju huju lumwengu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy