Ibəranəŋkowen 7

Melkisadaka madzahaga aŋa Zəzagəla

1Melkisadaka uwaga uwarà kà agà sufəl aŋa gudəŋ Salem, agà babay madzahaga la huma Zəzagəla uwana kərkər la afik. La zamana anik Abəraham ahàd à guvəl, akàɗ azlasufəl anik anik à gay. Mok uwana adawul à waŋ la guvəl kà, Melkisadaka ahàd kà magagamay la masla, apìsalla gay à vok. 2Abəraham avà à Melkisadaka makulo aŋa kəla tatak uwana azùw la guvəl la abà. Melkisadaka uwaga kà, sləm aŋha asal magoɗay kà, teraŋa kà: Sufəl uwana dziriga. Ŋgaha babay agà sufəl aŋa lapiya kà uwana agà sufəl aŋa Salem, ŋgaha Salem asal magoɗay kà: Lapiya. 3Dza la ahəŋ asəl baba aŋha la iyà aŋha bay aw, baməraka azlababa aŋha madzidziga bay aw. Məsəl mok mayyay aŋha bay aw, amiyaka bà mamətsay aŋha babay. Masla agà magagazləlaga la Yesu, Kona aŋa Zəzagəla, kà uwana sləray aŋa mav tatak aŋha akəɗ gəl à ahəŋ aw.

4Dzùgwàw lakəl aŋa məŋga aŋha tsi. Abəraham baba gami madzidziga kà, ahə̀l tatak uwana azùw la guvəl la abà gesina, avàhàŋ ala madziga kulo kulo, avàhal tekula tekula la gay aŋa kulo kulo gesina. 5Azlaanik la mayyi à tsəh ala Levi kà, məna makaɗ tatak à Zəzagəla la tataka aŋatà la abà, atà kà azlamadzahaga aŋa wakità seriya aŋa Musa. Tagòɗ à atà: ‘Dàw à slaka azladza, kà tavàhà à akul tekula la gay aŋa kəla tatak kulo, kà akul aŋa madzadzarlaka vok.’ Haɗay, məsəl kà taɓəzàhal tatak uwaga la ahàl aŋa azladeda aŋatà, bà atà dagay mayyi à tsəh ala aŋa Abəraham bay. 6Ama Melkisadaka kà agà mayyi à tsəh ala aŋa azlaməna mavàh tatak à Zəzagəla uwaga aw, baməraka la kità bay kà, aɓə̀zal tatak la ahàl aŋa Abəraham. Abəraham kà masla kà Zəzagəla apə̀hal azlatatak uwaga à ahàl. Melkisadaka uwaga la uwana apìs gay à Abəraham à vok. 7Haɗay, məsəl kà baŋa dza apìs gay à dza anik à vok, kà masla la uwana məŋga. Kità kà, Melkisadaka la uwana aɗuwà Abəraham. 8Azlamadzahaga uwana la huɗ gày aŋa azlaməna makaɗ tatak à Zəzagəla, uwana taɓə̀zàh à makulo aŋa tatak la ahàl aŋa azladeda aŋatà tamàtsàhàh. Ama Melkisadaka kà amə̀ts aw, agà la ahəŋ aŋa koksikoksi, bokuba uwana wakità Zəzagəla agoɗ à anu. 9Lagwa məslala vok aŋa magoɗay kà, Levi uwana aɓə̀zàhà tatak la slaka azladza anik kà, atà babay kà tavà makulo aŋa tatak à Melkisadaka suwaŋ, kà uwana baba aŋha Abəraham avà tatak à Melkisadaka la gəl aŋha. 10Bokuba magoɗay kà, mok uwana Abəraham avà tatak à Melkisadaka, kà Levi kà tayyay dadàŋ aw, la lig la ahəŋ mayyi à tsəh ala aŋha avàhal babay. Uwaga adzaɗanəŋ ala kà Melkisadaka aɗuwàŋ huɗ gày aŋa Levi gesina la kaykay.

Yesu kà aɗuwa Melkisadaka

11Sləray aŋa azlaməna mav tatak à Zəzagəla la huɗ gày aŋa Levi kà, taslala vok kà mahənəŋ ala uwana asa à Zəzagəla aw. Agayŋa taslala vok kà mahənəŋ ala kà, naka delga kà aŋa mas à waŋ aŋa Məŋ Madzahaga anik uwana aɗuwaŋ Melkisadaka aya aw, naka azlaməŋ madzahaga tagay kà mayyi à tsəh ala aŋa Levi pəra bokuba Haruna. Uwaga kà aga kà la ahàl aŋa madzahaga aŋa azlaməna mav tatak à Zəzagəla, uwana tagà la huɗ gày aŋa Levi à uwana Zəzagəla avà mapəhay aŋha à azlaməna gudəŋ Isərayel à ahàl. 12Baŋa Zəzagəla aɓəɗla azlamadzahaga kà, məsəlay bay kà mafàh akur à ahəŋ aŋha aɓəɗla vok babay. 13Lagonay kà, məsəl kà tsəhay madzahaga aɓàɗla vok. Masla à Sufəl gami Yesu, uwana məpəhay la abanay kà, asà à uda kà la tsəhay anik. Masla kà tsəhay aŋa Levi aw. Dza la ahəŋ la tsəhay aŋha la abà madzahaga, uwana masla makaɗ tatak aw, ŋgaha à uwana tetuwa adakəɗ tatak à Zəzagəla, kà tsakana aŋa azladza aw. 14Haɗay, masla à Yesu kà, asà à uda la tsəhay aŋa Yahuda la abà. Mok uwana Musa apàhàh lakəl aŋa azlaməna makaɗ tatak à Zəzagəla kà, apàh kà lakəl aŋa tsəhay uwaga aw.

15Azlaməna makaɗ tatak la huɗ gày aŋa Levi kà, taslàla vok kà madla azladza à slaka Zəzagəla aw. Aganay à tatak uwana adzàɗ gay uwaga ala: Madzahaga anik aŋa azlaməna mav tatak à Zəzagəla, uwana bokuba Melkisadaka kà adazlaŋalay. 16Dza uwatà kà məŋ madzahaga aŋa makaɗ tatak à Zəzagəla la mapəhay aŋa azladza aw. Ama masla kà Məŋ Madzahaga, kà uwana aga la maslay kà madz à ahəŋ la sifa aŋa koksikoksi. 17Lakəl aŋa dza uwaga tatsetsèr à wakità Zəzagəla à abà kà:

ˈ‘Kak kà, kadàgay Məŋ Madzahaga aŋa koksikoksi bokuba Melkisadaka.’ˈ#Mahabay 110.4

18Zəzagəla aɓəɗla azlamapəhay aŋha uwarà, kà uwaga tagà la ndzəɗa aw, tazlakàh azladza babay aw. 19Mapəhay aŋa Musa kà aslàla vok magəŋ azladza sətaka la huma Zəzagəla aw. Lagonay kà tatak anik la ahəŋ, à uwana aɗuwa mapəhay aŋa dza uwaga. Məfa manewəŋ à uwana à afik, avà masəlay kà maz vok à slaka Zəzagəla.

20Ŋgaha aya kà: Mok uwana Zəzagəla asal maf Yesu à ahəŋ kà Məŋ Madzahaga kà, afàhà akur à ahəŋ dadàŋ, à mok uwana tsəhay Levi apakà məŋ madzahaga kà Zəzagəla, afàhà akur à ahəŋ kiya uwanay aw. 21Ama Zəzagəla azùw mawaɗay à Yesu la magoɗay kà:

ˈ‘Gi, gi Sufəl Zəzagəla gədàɓəɗla tatak uwanay aw: Gədàzuw à ka mawaɗay, kà kadàgay Məŋ Madzahaga aŋa koksikoksi.’ˈ#Mahabay 110.4

22Uwanay kà asal magoɗay, kà makəs vok slawda uwana Zəzagəla aɗahàŋ la anu kà, uwaga ɗaɗuwa à gay makəs vok slawda maviyaga uwatà uwarà. Yesu la uwana adzaɗà tatak uwaga ala.

23A babay kà tatak anik la ahəŋ aya, kà azlamadzahaga aŋa makaɗ tatak la huɗ gày aŋa azla Levi kà tagàh dəŋ, kà uwana tamàtsàh, baŋa anik adamətsay kà, anik aɓə̀ɗ à slaka aŋha à abà. 24Ama Yesu kà kiya uwaga aw, masla kà amətsay aw aŋa koksikoksi, sləray aŋa magay madzahaga aŋha kà adàkəɗ gəl à ahəŋ aŋa tetuwa aw. 25Kà uwaga à uwana aga la maslay lakəl aŋa tatak gesina kà maɓəl azladza uwana tatsa à waŋ à slaka Zəzagəla, kà madegolay masla uwana aga la ahəŋ la sifa aŋa koksikoksi. Aɓàɗàh à huma kà madəv kuɗa à Zəzagəla kà anu.

26Masla kà Məŋ Madzahaga uwana məwoyaŋ. Masla kà tsikaslaga, mawisiga aŋha la ahəŋ à masla aw, aɗàh tsakana aw. Masla kà kiya azlaməna tsakana aw, Zəzagəla afà à fəta à awtày tsikasla. Afà aslələf aŋha à gəl la zagəla la afik, 27kà aŋa azlamadzahaga anik, uwana kà say takaɗay tatak à Zəzagəla kəla mahənay. Baŋa taday kà makaɗ tatak kà, say takəɗay kà aŋa gəl aŋatà dadàŋ, ŋgaha atà aŋa makaɗay kà aŋa tsakana aŋa azladza anik. Ama kà aŋa Yesu kà, aɗahàŋ kiya uwaga aw. Masla kà, avà kà asik tekula pəra, ŋgaha asla kiya uwaga. Mavày uwaga kà vok aŋha uwana avà. 28Azlamadzahaga uwana mapəhay aŋa Musa aɓə̀k atà à ahəŋ kà, tagà kà azladza deydayga. Taɗahàhà tsakana. Ama mok uwana Zəzagəla afàha akur à ahəŋ kà, aɓə̀ɗla Kona aŋha à abà kiya Məŋ Madzahaga, uwana akə̀ɗ gəl aŋha bokuba uwana asal. Adadza à ahəŋ kiya uwanay aŋa koksikoksi.

Currently Selected:

Ibəranəŋkowen 7: mfh

Highlight

Copy

Compare