IEREMIA, 47
47
O LE MATAUPU XLVII.
O le malaia a oo ia Filisitia.
1O le afioga a Ieova ua oo mai ia Ieremia le perofeta ia Filisitia, a o le fasia Kasa e Farao. 2O loo faapea ona fetalai mai o Ieova, Faauta, e oso mai le vai mai le itu i matu, e fai foi ma vaitafe e lofia ai; e lofia ai le nuu, ma mea ua tumu ai, o le aai foi, ma e o nonofo ai; ona alalaga ai lea o tagata, ma uio atoa uma o e nonofo i le nuu. 3Ona o le pāō o le pāūū o atigivae o ona solofanua malolosi, ma le osooso o ona kariota, ma le taalili o ana mea taavavale, e le tetepa i tua o tamā i a latou fanau, auā e vaivai o latou lima; 4ona o le aso o le a oo mai e faatafunaina ai Filisitia uma, e vavaeeseina fesoasoani uma ua totoe i Turo ma Saitonu; auā e faatafunaina e Ieova o Filisitia, o e ua totoe o le nuu tuloto o Kafetori. 5Ua selemamāina ulu o e i Kasa; ua faaumatia Asekelona ma e o totoe i lo latou vanu; e te selei ea ia te oe seia afea? 6Aue! le pelu a Ieova e, e te le mapu ea seia afea? ia e foi atu i lou faamoega, ina malolo ia, ma ia e alāla. 7Pe faapefea ona e mapu? auā o Ieova ua ia fai atu i ai e tau ma Asekelona, ma nuu tu matafaga, ua ia totofi i ai i lea mea.
Currently Selected:
IEREMIA, 47: SOV
Highlight
Copy
Compare
Share
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
