ISAIA, 20
20
O LE MATAUPU XX.
O le faatoilaloina o Aikupito.
1O le tausaga na sau ai Taretana i Asetota, ina ua auina o ia e Sarekona le tupu o Asuria, na ia tau foi ma Asetota, ua aea ai; 2o ona po ia ua fetalai mai ai Ieova ia Isaia le atalii o Amota, ua faapea mai, Alu ia, ina e tatala ese le ie talatala i lou sulugatiti, ma ia e to ese ou see i ou vae; ona faia lava lea e ia, ua savali e le ofu, ma ona vae ua le faaseeina. 3Ona fetalai mai lea o Ieova, E faapei ona savali o la‘u auauna o Isaia e le ofu, e le faaseeina, i tausaga e tolu o le faailoga ma le faatusa ia Aikupito ma Aitiope; 4e faapea lava ona ta‘ita‘iina atu e le tupu o Asuria e ua faatagataotauaina o Aikupito ma le tafeaga o Aitiope, o taulelea atoa ma toeaina, e le o ofu, ma o latou vae e le faaseeina, ma o latou nofoaga ua le ufitia, o le mea e masiasi ai Aikupito. 5Ona latou fefefe ai lea, ma latou masiasi lava ona o Aitiope sa latou faamoemoe i ai, ona o Aikupito foi sa latou mitamita ai. 6Ona fai ane ai lea i lea aso o le ua mau i lenei nuu e tuaoi ma le sami, Faauta, e faapea lava le sa tatou faamoemoe i ai, sa tatou sosola i ai e maua ai se fesoasoani, ina ia laveaiina i tatou ai le tupu o Asuria; pe faapefea foi ona sao o i tatou?
Currently Selected:
ISAIA, 20: SOV
Highlight
Copy
Compare
Share
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
