ESEKIELU, 15
15
O LE MATAUPU XV.
Ua faatusaina Ierusalema i le la vine.
1Ua oo mai foi le afioga a Ieova ia te au, ua faapea mai, 2Le atalii e o le tagata, se a ea le mea e sili ai le laau o le vine i laau uma, po o se la lava o i laau o le vao? 3E ave ea sina ona laau e fai a‘i se galuega? pe fai a‘i se tautaulaga e tautau ai se mea? 4Faauta, e lafo i le afi e fai ma fafie, e susunu foi i le afi ona pito e lua, e mu foi lona ogaloto; e aoga ea ia i se galuega? 5Faauta, sa le fai a‘i se galuega ina o atoatoa, e le atili faapea ai ea ona le fai a‘i o se galuega ina ua mu i le afi, ma ua susunuina. 6O le mea lea o loo faapea ona fetalai mai ai o le Alii o Ieova, E pei o le laau o le vine i laau o le vao, ua ou tuuina atu ai mo le afi e fai ma fafie, e faapea foi ona ou tuuina atu e o nonofo i Ierusalema. 7Ou te fai foi i latou mo‘u fili, latou te o atu nai le afi, a e faaumatia i latou i le afi; ona outou iloa ai lea o a‘u lava o Ieova, pe a ou fai i latou mo‘u fili. 8Ou te tuuina atu foi le nuu ia faatafunaina, auā ua matuā agasala i latou, o loo fetalai mai ai le Alii o Ieova.
Currently Selected:
ESEKIELU, 15: SOV
Highlight
Copy
Compare
Share
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
