เสคาลิยา 9
9
อิสะลาเอน เหธา เว่ย ก๋อม เญย กั้น กั๊วะ เมี่ยน
(เสคาลิยา 9—14 ฒาง)
เว่ย ก๋อม อิสะลาเอน เญย กั๊วะ หฒุ ตี่ง ฒุ์ย
1น้าย เซ เฒี้ยว เญย หว่า.
เฒี้ยว ก๊อง หัดล้าก เต่ย,
แอ๋ง ก๊อง ดามัดกัด ฒี่ง,
เหว่ย หฒุ ป้าม เมี่ยน เหธา ฝีงๆ อิสะลาเอน เมี่ยน หมั่ง เจี๊ยน เฒี้ยว. #9:1 ไฟ “เฒี้ยว เญย มฒีง หมั่ง เจี๊ยน ป้าม เมี่ยน เหธา ฝีงๆ อิสะลาเอน เมี่ยน”.#อิสะยา 17:1-3; 23:1-18; เยเลมี 49:23-27; เอเสเคน 26:1—28:26; โยเอน 3:4-8; อาโม้ด 1:3-5,9-10; มัดทาย 11:21-22; ลูกา 10:13-14
2นิ่น หย่า หมั่ง นิด กั๊บ-จ๋าย เญย ฮามัด ฒี่ง,
เลี่ยม ไทละ เหธา ไซดอน ฒี่ง
ไม้ กุ๊น น้าย เต๋ย แปะ ฝีง เป๋น เมี่ยน ไกว เมี่ยน.
3ไทละ เหว่ย กั้น เหธย เว่ย ว้วน เญย ฒี่ง หลาด,
หย่า เซียว ญ่าน ดุย เจี๊ยน ฮนั้ง เนีย-บูง,
แอ๋ง เซียว เจียม ด่ง จาย-ห่อง เญย ววม-ปั่ม ธั้ม.
4มป่า หมั่ง ม่าะ! เฒี้ยว อ๋อย เฒาะ ไทละ ม่าย เญย กะน้าย มี่ง,
หย่า เบ๊าะ ป่าย ไทละ เยียม ค้อย ม่าย เญย หลี่ง,#9:4 ไฟ “เฒาะ นิ่น ม่าย เญย ฒิ่น ฒ่อย ฒอย เหฌี่ย ค้อย”.
น้าย นอม ฒี่ง ฒู้ง อ๋อย หฒุ โต์ว ปั๊ว ชุย.
5อัดเคโลน ฒี่ง ปวัด ฯฒฯ กั้ม เหฑีย,
กาซา ฒี่ง ตุ๊ ปวัด ฯฒฯ หฒะเก้ง ไฮ์ โค้ว.
เอโคโลน หย่า ฟี่ ฮนั้ง เญย.
นิ่น บัว ม่าย ลั่ม ฮนั้ม เญย ต๋อง
หฒุ ป่าย หว่าย หมี่ อ๊ะ.
กาซา เญย ฮู่ง อ๋อย หฒุ เหมียด,
อัดเคโลน ฒู้ง ไม้ ม่าย เมี่ยน เยียม.#อิสะยา 14:29-31; เยเลมี 47:1-7; เอเสเคน 25:15-17; โยเอน 3:4-8; อาโม้ด 1:6-8; เสฟันยา 2:4-7
6ม่าย หลอบ หฒอบ ป๊วน เญย เมี่ยน#9:6 ไฟ เหฒีย ฝีง เมี่ยน. อ๋อย เยียม อัดโดด.
เยีย, เฒี้ยว, อ๋อย ปุน ฟีลิสะเตีย เมี่ยน โหฒว เหมา เญย เจ๊า หฒุด เหฑ่ง.
7เยีย อ๋อย เฒาะ ธ้วด เยียม นิ่น บัว เญย ฑุ่ย เญย ฑย้าม,
เฒาะ ฆอย เยียม นิ่น บัว เญย ญ่า ฉัง, กั้ม เฑี้ย เญย กะน้าย.#9:7 น้าย เต๋ย อี หญู่ง เป๊ย ม่าย หวุย เญย กะน้าย.
น้าย เต๋ย เหฒ่ง เหฌี่ย เญย เมี่ยน ตุ๊ เป๋น เยีย บัว เญย ทิน-ฮู่ง เญย หมี่ อ๊ะ,
เป๋น ยูดา ฝีง กะญั์ว เญย เหยียด ฝีง,#9:7 ม่าย เต๋ย โซว ก๊อง “เยียม ยูดา ตุ๊ โหฒว เปย๊ย เฒ้ย”.
เอโคโลน เมี่ยน หย่า อ๋อย ฮนั้ง เยบุด เมี่ยน.
8วั้ว หฒั่น เยีย อ๋อย เหลียบ เธี้ยง เว่ย ก๋อม เยีย เญย เปย๊า#9:8 ไฟ เต่ย-ปูง. เหว่ย เปว เจี๊ยน,
ไม้ ปุน วิน-วั้ง เซว่ย เอ๋ย เปียะๆ ธ้วดๆ,
ไม้ ม่าย หาย เต้า แอ๋ง ไฮ่ เปียะ ต้าย เหฒย นิ่น บัว,
เหว่ย หฒุ อี้ หฒั่น เยีย กั้น เญย มฒีง หมั่ง เจี๊ยน เญย.
ฆะฮ้า อ๋อย ต้าย เญย ฮู่ง เตี๋ย
9โอ สิโอน เญย เมี่ยน อ้า!#9:9 ฮิบลู หว่า ก๊อง สิโอน เญย เซียะ. เม่ย บัว อ๋อย หฒุ เฌียน-โย่ว ออน-เหลาะ.
เยลูซาเลม เญย เมี่ยน อ้า!#9:9 ฮิบลู หว่า ก๊อง เยลูซาเลม เญย เซียะ. อ๋อย หฒุ เห่ว บุย เญย.
หมั่ง ม่าะ! เม่ย บัว เญย ฮู่ง ต้าย เม่ย บัว น้าย,
นิ่น แป้ง ฟิม เญย หย่า ตุ๊ ฮี่ง เจี๋ย.#9:9 ม่าย เต๋ย โซว ก๊อง ม่าย เหฌียว เอน.
นิ่น เฮญี้ยว ส่วน เญย, เก้ เจี๊ยน มาลี ต้าย,
เก้ เจี๊ยน มาลี เญย ตอน.#มัดทาย 21:5; โยฮัน 12:15
10เยีย อ๋อย เหมียด เยียม เอฟาอิม เบ๊าะ จ๋า เญย ม์า-เธีย,
เหธา เยียม เยลูซาเลม หล่ง เบ๊าะ จ๋า เญย ม์า.
เบ๊าะ จ๋า เญย จวัง-หฒิน อ๋อย หฒุ เหมียด,
นิ่น ฒู้ง อ๋อย ก๊อง ปุน หม่าน กั๊วะ ตุ๊ แป้ง ออน.
นิ่น เญย หลี่ง อ๋อย เยียม น้าย ปูง ค้อย มี่ง เถา วั้ว ปูง ค้อย,
เยียม ยูเฟติด ด้าย มี่ง เถา จ่ม ลู่ง เดี๊ย.#สีง ฑูง 72:8
ทิน-ฮู่ง เญย แปะ ฝีง อ๋อย ตุ๊ หลง ฮนั้ง โล์ นอ
11สิโอน เมี่ยน อ้า! เยีย, เหว่ย หล่ง เหฒี่ย เญย แซง-คู้ ฑย้าม เหธา เม่ย บัว เหลียบ เจี์ย แหง่ง หว่า,#9:11 ฟาน หฒะ ก๊อง “เหว่ย เหธา เม่ย บัว เหลียบ แล์ง แหง่ง หว่า เญย ฑย้าม”.
อ๋อย ปู๋ง เม่ย บัว หฒุ กว๊าด มี่ง เญย เมี่ยน ธ้วด ววม-ค้วด-ฆาย.
12หฒุ กว๊าด มี่ง หธ่อ ม่าย ลั่ม ฮนั้ม เญย เมี่ยน อ้า!
หฑวน เม่ย บัว เว่ย ว้วน เญย ต๋อง ต้าย.
อี้ ฮนอย เยีย ก๊อง เยีย อ๋อย จา ปุ้ย ปุน เม่ย บัว ตุ๊ หลง อี โก๊ว.
13เยีย ว้วด ยูดา เงา โหฒว เยีย เญย จวัง-หฒิน,
หล่ง เอฟาอิม โหฒว จวัง-หฒิน เญย ฟอง.
โอ สิโอน อ้า! เยีย โธะ#9:13 ไฟ เฝง. เม่ย เญย ตอน บัว,
มี่ง เบ๊าะ จั๋น-กีก เญย ตอน,
หย่า ปุน เม่ย ฮนั้ง เฮ้น เญย
เบ๊าะ จ๋า แปง เญย หฑุ ด๊าว.
14 เฒี้ยว อ๋อย เยียม นิ่น บัว กู้ หงว่าย หิ่น ธ้วด,
นิ่น เญย ฟอง ฒู้ง ธ้วด มี่ง ฮนั้ง ป์อง บะหลี่ง นอ,
เฒี้ยว ทิน-ฮู่ง อ๋อย ปย๊ม จอง,
หย่า เยียม น่าม ปูง เญย หฑยาว-หฒุ่น ธ้วด มี่ง.
15เน่น เจี๋ย เญย เฒี้ยว อ๋อย เปว เจี๊ยน นิ่น บัว,
นิ่น บัว ฯฒฯ เหมียด วิน-วั้ง
หย่า ธ้าย เหฌี่ย หล่ง ด๊บ-ฮลาง#9:15 เป๊ย หมั่ง ต้ม เจียน 20:16. ปู๋ง หละเปย๊ย เญย เมี่ยน.
นิ่น บัว อ๋อย เห่ว ฮนั้ง ฮบ ติ๊ว ฆวิน เญย เมี่ยน,#9:15 ม่าย เต๋ย โซว กัน กีก หว่า ฟาน ต้าย ก๊อง “หย่า ฮบ นิ่น บัว เญย ฑย้าม ฮนั้ง ติ๊ว”.
นิ่น บัว ฯฒฯ ฮนั้ง ฒ่าง ฑย้าม ปวั๊ง เญย หฑ่อม,
หย่า ฮนั้ง เหฒี่ย-ต้อง เญย จอง เพี้ยด ดอน เหฑ่ง.#9:15 เป๊ย เถา หล่ง แซง-คู้ เหฒี่ย ปุน ฑย้าม เหลี่ยว ธ้วด เพี้ยด เหฒี่ย-ต้อง เปยย นอม เก๊าะ เญย จอง.
16เถา วั้ว ฮนอย, เฒี้ยว, นิ่น บัว เญย ทิน-ฮู่ง, อ๋อย เหฌียว นิ่น บัว,
ฮนั้ง โก๋ว ปะกี ยู่ง เญย เมี่ยน เหฌียว นิ่น เญย ปะกี ยู่ง.
นิ่น บัว อ๋อย เยียม เต่ย-ปูง แอ๊ง ธ้วด ฌัง
ฮนั้ง เยียม ฮู่ง นี้ง เญย หละเปย๊ย-จ๋าย.
17นิ่น บัว เหฑว่ย, ฌัง-หล่าง ไห่.
ม่าย ล่าง หฒิ เหธา เซียง-อะหงุ่น ติ๊ว
ปุน โฮ่ว แซง, เซียะ-ตอน เฮ้น.
Currently Selected:
เสคาลิยา 9: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
