เสคาลิยา 7
7
หน่าย เฒย ไม้ หญั่น เญย เจ๊า
1ดาลิอัด โหฒว ฮู่ง ตะเฝย หฮญัง จั๊ว หฮลา, เซ คิดเล้บ หฮลา แซง-เฝย วั้ว ฮนอย, เสคาลิยา ตุ๊ ฒิบ เฒี้ยว เญย หว่า. 2เบดเทน เมี่ยน พ้าย ซาเลเซ เหธา เลเกมเมเล้ก เหธา นิ่น บัว เญย เมี่ยน มี่ง โท้ เฒี้ยว เหธย ฟุ, 3หย่า หน่าย เยียม เน่น เจี๋ย เญย เฒี้ยว เญย เปย๊า เญย ไซ เมี่ยน เหธา โต่ว หว่า เมี่ยน, “เยีย บัว#7:3 ฮิบลู หว่า ก๊อง เยีย. อ๋อย หฒุ ฮนั้ง เจี๋ย ต้าย เญย ธั้ม-หฮญัง เยียม ฮม์ หฮลา เฑ่า เญี้ยม หย่า เฒย ไม้ หญั่น หาย หญู่ง ไฟ?”
4วั้ว หฒั่น เยีย ตุ๊ ฒิบ เน่น เจี๋ย เญย เฒี้ยว เญย หว่า ก๊อง, 5“อ๋อย หฒุ บั๋ว เต่ย-ปูง เญย หฒวัง เมี่ยน เหธา ไซ เมี่ยน, ‘เยียม เจี๋ย ต้าย วั้ว เต๋ย เธี้ยด เหฒียบ หฮญัง กะญั์ว, ฮม์ หฮลา เหธา เธี้ยด หฮลา เม่ย บัว เฒย ไม้ หญั่น หาย หญู่ง หย่า เฑ่า เญี้ยม, เม่ย บัว หฒะเก้ง เหว่ย เยีย เฒย ไม้ หญั่น หาย หญู่ง ไฟ? 6เม่ย บัว หญั่น หย่า ฮบ, เม่ย บัว เหว่ย กั้น หญั่น, เหว่ย กั้น ฮบ ไม้ เฒ์ย? 7เยลูซาเลม เหธา เว่ย ก๋อม เญย ฒี่ง ม่าย เมี่ยน เยียม หย่า ปู๋ง-หฒัวะ, เนเกบ เหธา บง-ไอ๊ ต๋อง หย่า ม่าย เมี่ยน เยียม เญย เฒี่ยง โห่, เฒี้ยว หล่ง ฒิ่น ด่าง เญย โต่ว หว่า เมี่ยน ฒุ่น น้าย เต๋ย หว่า ไม้ เฒ์ย?’”
หลาย เมี่ยน ไม้ หมวัง หว่า หฒุ กว๊าด มี่ง
8เสคาลิยา แอ๋ง ตุ๊ ฒิบ เฒี้ยว เญย หว่า ก๊อง, 9“เน่น เจี๋ย เญย เฒี้ยว ฮนั้ง น้าย นอ ก๊อง, ‘อ๋อย หฒุ เฮญี้ยว หฒีง เญย ตุ๋น สี่. ล่าน อ๋อย หฒุ โหฒว หลง, ค้อ-เลี่ยน ล่าน เญย ก๋อ-โย์ว. 10ไม้ ตู๋ง เหฒย เอ๊า-กว๊า, กู้ ฮั่น ฝุเจว๊ย, กั้น ฝีง เมี่ยน เหธา เมี่ยน จ่ม เมี่ยน. หย่า ไม้ ตู๋ง ปุน หาย เต้า เยียม เฮญี้ยว ต๊า เอ๊าะ เญย หฒะเอ๋ย ห่อย กั้น เญย ก๋อ-โย์ว.’
11“มป่า นิ่น บัว ไม้ คั้ง หมวัง, พี้ง บะเต้า,#7:11 พี้ง บะเต้า เญย เอ๋ย เล์ย เซ ไม้ อ๋อย, ไม้ คั้ง, ไม้ เกวน หฒุ เมี่ยน, แหง่ง เจี๊ยน ไม้ โหฒว. หย่า ฒด เจี๊ยน มน่อม ค้วด โหฒว ปุน นิ่น บัว กั้น หมวัง ไม้ ไฮ์. 12นิ่น บัว ปุน นิ่น บัว เญย เฮญี้ยว แหง่ง ด่ง หละเปย๊ย. เฑ่า เหย หมวัง ไฮ์ เล์ย-หลัด เหธา เน่น เจี๋ย เญย เฒี้ยว หล่ง นิ่น เญย สีง ลี่ง ปุน ฒิ่น ด่าง เญย โต่ว หว่า เมี่ยน ก๊อง เญย หว่า. เหว่ย น้าย เน่น เจี๋ย เญย เฒี้ยว เฉีย เจี์ย! ไห่ นิ่น บัว.
13“เน่น เจี๋ย เญย เฒี้ยว ก๊อง, ‘เยีย เห่ว นิ่น บัว, นิ่น บัว หย่า ไม้ หมวัง. นิ่น บัว เห่ว เยีย, เยีย หย่า ไม้ หมวัง. 14เยีย ฯฒฯ ฮนั้ง หฑยาว-หฒุ่น ปุน นิ่น บัว ฟ้าด หฑาน มี่ง เยียม ต้ง นิ่น บัว ไม้ ฮิ้ว เญย หม่าน กั๊วะ บุด๋ง. ฮนั้ง หน่าย นิ่น บัว กวั่ง เญย เต่ย-ปูง ฯฒฯ เป๋น เดา-ฮวาง, ไม้ ม่าย เมี่ยน มี่งๆ ต้ายๆ. คู่ เยียม เญย เต่ย-ปูง ฯฒฯ ฮวาง หมี่ อ๊ะ.’”
Currently Selected:
เสคาลิยา 7: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
