ซาโลมอน เญย ฑูง 2
2
1เยีย เซ ซาโลน เญย เหยียด นอม จั๋น- มวั์ง ฌิ้ม เปี้ยง,
เป๋น เยียม ฮ์อง เญย แปะ เหาะ เปี้ยง.
ตอน
2เหยียด นอม แปะ เหาะ เปี้ยง เยียม ฌิ้ม-หล่ม ฮนั้ง หาย นอ,
เยีย ฮนั้ม เญย เซียะ เยียม หฒวัง เซียะ บุด๋ง หย่า ฮนั้ง วั้ว นอ.
เซียะ
3เหยียด ฒู่ง ปะจ้าว เปี๊ยว เยียม เดี๋ยง-หล่ม กะญั์ว ฮนั้ง หาย นอ,
เยีย ฮนั้ม เญย ตอน เยียม เหยียด ฒู้ง ตอน บุด๋ง หย่า ฮนั้ง วั้ว นอ.
เยีย อะเฮน้ย เฒว์ย เจี๊ยน นิ่น ท้อง ล่าง เญย ต๋อง,
เสย นิ่น เญย เปี๊ยว เญย เหมวย ฯฒฯ ฮิ้ว ตุ๊ กาม เญย.
4นิ่น ต้อ เยีย เปียะ นิ่น เบ่น หฮนาง โฮล เญย ต๋อง.
เยียม เยีย เญย มฆ้อง กู้ หงว่าย
นิ่น เธีย เก้ ปุน ธีง นิ่น ฮนั้ม เยีย.
5โท้ เฒาะ อะหงุ่น เปี๊ยว-ฆาย ปุน เยีย, เถง เยีย เฮ้น,
แอ๋ง ปุน ปะจ้าว เปี๊ยว เถง เยีย เญย เฮญี้ยว คู่ เยียม,
เหว่ย หฒุ เยีย ฮนั้ม เกา, เป๋น แป่ง หมี่ อ๊ะ.
6นิ่น เญย หฒาย เจี๊ยะ ปั์ว เยียม เยีย เญย มฆ้อง กะเดี๊ย,
นิ่น เญย บย่าว เจี๊ยะ ปั์ว ชัม เจี๊ยน เยีย.
7โอ เยลูซาเลม เญย หฒวัง เซียะ อ่า,
เยีย เฒี้ยง เจี๊ยน หล่ม-ฮวาง เญย จูง ไฌ่ ขวิน เม่ย บัว,
ไม้ ตู๋ง หละเญ้า เยีย บัว,
เซว่ย เยีย บัว ฮนั้ม เถา ปวั๊ง เฮญี้ยว.
ตะเหญ่ย ติ้ว ฑูง
เซียะ
8หมวัง ม่าะ! เยีย ฮนั้ม เญย ตอน เญย เฉีย.
หมั่ง ม่าะ! นิ่น เยียม วั้ว บง กู้ หงว่าย ปิว เจี๊ยน ต้าย,
ถิว เจี๊ยน กัน บง-ไอ๊ ต้าย.
9เยีย ฮนั้ม เญย เมี่ยน เซ ฮนั้ง จูง
หย่า ฮนั้ง ไฌ่ โก๊ว หลุน.
นิ่น โซ้ว เจี๊ยน เยีย บัว เญย หลาด ฆะฮ้า แหมง,
นิ่น เยียม ฟง ม่วน หมั่ง,
เยียม ฟง ม่วน เญย แพยง เธี้ยบ.
10เยีย ฮนั้ม เญย ตอน ก๊อง บั๋ว เยีย,
ตอน
เยีย ฮนั้ม เญย เซียะ อ่า, เจี์ย ต้าย ม่าะ!
เยีย ฮนั้ม เญย เซียะ-เหฑว่ย, เหธา เยีย มี่ง ม่าะ!
11หมั่ง ม่าะ! จวั๊ง เญย เฒี่ยง โห่ เจี๋ย หมี่ อ๊ะ.
บยู่ง หย่า ป่า หมี่ อ๊ะ.
12เปี้ยง ธ้วด ปวั๊ง เดา-เป้ย,
ป๋าว ฑูง เญย เฒี่ยง โห่ เถา อ๊ะ.
ไฮ์ เหนาะ โฆ เญย เฉีย เยียม เยีย บัว เญย เต่ย-ปูง เห่ว.
13ง่ง หญอ เดี๋ยง เญย เปี๊ยว เจี์ย กอน หฒัวะ,
อะหงุ่น เฮมย ฆอย เปี้ยง, ธ้วด ดาง เญย เฉีย.
เยีย ฮนั้ม เญย เซียะ อ้า! เจี์ย ต้าย ม่าะ!
เยีย ฮนั้ม เญย เซียะ-เหฑว่ย, เหธา เยีย มี่ง ม่าะ!
14โอ เยีย เญย แปะ ก๊บ อ่า,
เม่ย เยียม หละเปย๊ย-ง่าม, เยียม วั้ว แบ๋ง-ฉัง,
โท้ ปุน เยีย ปวัด เม่ย เญย เฮมียน-เหมว่ย.
โท้ ปุน เยีย หมวัง ไฮ์ เม่ย เญย ซีง-เฉีย,
เหว่ย หฒุ เม่ย เญย เฉีย หฒะเก้ง คู่ หมวัง,
เม่ย เญย เฮมียน-เหมว่ย เหฑว่ย ไห่.
15อ๋อย หฒุ เฒาะ เฮยี่ย จู๊ ปุน เยีย,
เซ เฮยี่ย จู๊ ตอน,
นิ่น บัว โหฒว หว่าย อะหงุ่น เฮมย.
เยีย บัว เญย อะหงุ่น เฮมย หย่า ฆอย เจี๊ยน เปี้ยง อ๊ะ.
เซียะ
16เยีย ฮนั้ม เญย เมี่ยน เซ เยีย เญย, เยีย เซ นิ่น เญย.
นิ่น เยียม แปะ เหาะ เปี้ยง กะญั์ว ปู๋ง นิ่น เญย ปะกี ยู่ง กวั้น.
17โอ เยีย ฮนั้ม เญย ตอน อ่า,
ฒั้ว ลู่ง ดอม ล่าง เญย หฑยาว ป่วน,
หฮมวัง เญย ต้ง ลิ่น หมิด หมี่ อ๊ะ.
กุ๊น หฑวน อ๊ะ, ฮนั้ง เต้า จูง,
ฮนั้ง ไฌ่ โก๊ว หลุน ยั่ง บง-ธิด#2:17 ฟาน หฒะ ก๊อง เบเท เญย บง. ฮิบลู หว่า เซ ไม้ หนั่ง เม่ง. กู้ หงว่าย มี่ง.
Currently Selected:
ซาโลมอน เญย ฑูง 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
