หล่าว ย่าง 5
5
ปะกี ยู่ง ตอน คอย โซว-หฌุ่น
1เยีย ปวัด เฒว์ย เจี๊ยน ฮู่ง เหว่ย วั้ว เต้า เญย บย่าว เจี๊ยะ ปั์ว ม่าย หฌุ่น โซว. น้าย หฌุ่น โซว อี ปูง ฒู้ง เฟี้ย เจี๊ยน หฑั่ง, หย่า ม่าย เสี่ย นอม เหยียน#5:1 โล์-ฮนอย เมี่ยน หล่ง เมว์ย-ฑีง แน้ด โซว-หฌุ่น แอ๋ง ฆ้าบ เจี๊ยน วั้ว หฌุ่น โซว เญย เฒี้ยว เญย เหยียน. ขูง โซว-เฒี้ยว กั้น ม่าย เล์ย คอย. แน้ด ดิบ.#เอเสเคน 2:9-10; อิสะยา 29:11 2เยีย หย่า ปวัด เต้า เฮ้น ไห่ เญย ฟิน-เมี่ยน เห่ว เฉีย โฮล เญย, “หาย เต้า ผุย ตุ๊ แมะ ฆอย น้าย เต๋ย เหยียน, คอย ฆอย น้าย หฌุ่น โซว?”
3มป่า เยียม ทิน-ต้อง, เยียม ป้าม เกน, ไฟ เยียม เดา-เดี๊ย, ฒู้ง ไม้ ม่าย เหยียด เต้า ไฮ่ แมะ ฆอย น้าย หฌุ่น โซว ต้าย หมั่ง กะญั์ว. 4เยีย ฯฒฯ เญี้ยม ตุ๊ โค้ว ไห่, เหว่ย หฒุ ไม้ ม่าย หาย เต้า ผุย ตุ๊ คอย ฆอย, ผุย ตุ๊ หมั่ง น้าย หฌุ่น โซว กะญั์ว. 5วั้ว เต๋ย เมี่ยน โก๋ ม่าย เต้า บั๋ว เยีย, “ไม้ ตู๋ง เญี้ยม. หมั่ง ก๋า! ยูดา ฝีง#ทิน เต่ย โต้ว 49:9 เญย เซี่ยน, ดาวิด ฮู่ง เญย เฒ้ย-ฟุน,#5:5 ฟาน หฒะ ก๊อง ดาวิด ฮู่ง เญย ฑู่ง.#อิสะยา 11:1,10 ตุ๊ ฮี่ง ฯฒฯ ไฮ่ แมะ ฆอย วั้ว เต๋ย เสี่ย นอม เหยียน, คอย ฆอย วั้ว หฌุ่น โซว.”
6เยีย ฯฒฯ ปวัด ม่าย เต้า ปะกี ยู่ง ตอน โซ้ว เจี๊ยน ฮู่ง เหว่ย บุด๋ง, แอ๋ง ม่าย วั้ว เต๋ย เปยย เต้า นั่ง เญย กะน้าย เหธา วั้ว เต๋ย เมี่ยน โก๋ เว่ย เจี๊ยน นิ่น. ปวัด น้าย เต้า ปะกี ยู่ง ตอน ฮนั้ง หฒุ ไต๋ เจี๋ย นอ. นิ่น หย่า ม่าย เสี่ย นอม จอง, เสี่ย นอม มฒีง, เซ ทิน-ฮู่ง เญย เสี่ย นอม ลี่ง ว่วน,#5:6 เป๊ย หมั่ง 1:4. ต้ง ทิน-ฮู่ง พ้าย มี่ง เถา ป้าม เกน เญย นอมๆ ต๋อง.#อิสะยา 53:7; เสคาลิยา 4:10 7ปะกี ยู่ง ตอน ฯฒฯ มี่ง เฒาะ เยียม เฒว์ย เหว่ย วั้ว เต้า เญย บย่าว เจี๊ยะ ปั์ว วั้ว หฌุ่น โซว ต้าย. 8นิ่น เฒาะ วั้ว หฒั่น, วั้ว เต๋ย เปยย เต้า นั่ง เญย กะน้าย เหธา วั้ว เต๋ย หญี่ เหฒียบ เฝย เต้า เมี่ยน โก๋ เกว่ย เหฌี่ย ปะกี ยู่ง ตอน เญย หฑะเฮมียน. นิ่น บัว เต้าๆ นั้น เจี๊ยน ต้าน ป้า เหธา เจียม-ปุ้น. เจียม-ปุ้น หย่า ม่าย ฮูง ปวั๊ง เหฑ่ง, เซ ทิน-ฮู่ง เญย เมี่ยน เต๋า เก๋า เญย หว่า.#สีง ฑูง 141:2 9นิ่น บัว หย่า ป๋าว ติ้ว เซียง-ฑูง. ฑูง ก๊อง,
“เม่ย ผุย ตุ๊ เฒาะ น้าย หฌุ่น โซว,
ผุย ตุ๊ แมะ ฆอย โซว-หฌุ่น เญย เหยียน,
เหว่ย หฒุ เม่ย หฒุ ไต๋ ไต่,
หล่ง กั้น เญย ฑย้าม ม์าย เมี่ยน,
เซ ม์าย เยียม หม่าน ฝีง,
หม่าน หญู่ง หว่า, หม่าน หญู่ง เมี่ยน,
หม่าน กั๊วะ ต้าย เญย เมี่ยน, ต้าย ปุน ทิน-ฮู่ง.#สีง ฑูง 33:3; 98:1; อิสะยา 42:10
10เม่ย ปุน นิ่น บัว โหฒว ทิน-ฮู่ง เญย กั๊วะ เญย แปะ ฝีง,
หย่า โหฒว ไซ เมี่ยน ฟู-สู เยีย บัว เญย ทิน-ฮู่ง.
นิ่น บัว หย่า อ๋อย กุ๊น ป้าม เกน.”#ธ้วด อียิบ 19:6; หล่าว ย่าง 1:6
11เยีย แอ๋ง หมั่ง หย่า ไฮ์ ม่าย ธินๆ หว่านๆ เต้า ฟิน-เมี่ยน เญย เฉีย. ฟิน-เมี่ยน เว่ย เจี๊ยน ฮู่ง เหว่ย เหธา วั้ว เต๋ย เปยย เต้า นั่ง เญย กะน้าย เหธา วั้ว เต๋ย เมี่ยน โก๋#ดานีเอน 7:10 12หย่า หล่ง เฉีย โฮล เญย ก๊อง,
‘หฒุ ไต๋ เญย ปะกี ยู่ง ตอน
ผุย ตุ๊ ฒิบ หลี่ง เหธา ฒิ่น ฒ่อย,
เหธา ธง-เม่ง เหธา ชะ,
เหธา เม่ง โห่ เหธา ฌัง-หล่าง
เหธา เธง เญย หว่า.’
13เยีย หย่า ไฮ์ เยียม ทิน-ต้อง, เยียม ป้าม เกน, เยียม เดา-เดี๊ย, เยียม ค้อย กะญั์ว, ทิน-ฮู่ง เหฒย ต้าย ม่าย เฉีย เญย หม่าน หมวด กะน้าย ล่ม ฑ่อย ก๊อง,
‘เธง เฒว์ย เจี๊ยน ฮู่ง เหว่ย วั้ว เต้า,
หย่า เธง ปะกี ยู่ง ตอน,
เหว่ย หฒุ นิ่น บัว ม่าย เม่ง โห่,
ม่าย ฌัง-หล่าง หย่า ม่าย ชะ
เถา หม่าน โก๊ว หม่าน ต่อย.’
14วั้ว เต๋ย เปยย เต้า นั่ง เญย กะน้าย ก๊อง, “อาเมน.” หฒวัง เมี่ยน โก๋ หย่า เกว่ย เหฌี่ย ป๋าย.
Currently Selected:
หล่าว ย่าง 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
