สีง ฑูง 84
84
สีง ฑูง 84
หง่อ หฒั่ง ทิน-ฮู่ง เญย เปย๊า
ปุน เถา ต้อ ฑูง เญย เมี่ยน. หฒิว กิดทิด. โคลา เญย เฒ้ย-ฟุน โหฒ่ เญย สีง ฑูง.
1โอ เน่น เจี๋ย เญย เฒี้ยว อ่า,
เยีย ฮนั้ม ไห่ เม่ย เยียม เญย ต๋อง.#84:1 ไฟ “เม่ย เยียม เญย ต๋อง หฒะเก้ง เหฑว่ย ไห่”.
2เยีย เญย เฮญี้ยว ด่ง หาย อ๋อย เยียม เฒี้ยว เญย เปย๊า, หลาด กะญั์ว,
ฒู้ง ไฮ์ หง่อ เจี๊ยน เยียม.
เยีย เญย ซิน เหธา เฮญี้ยว เฌียน-โย่ว เญย ป๋าว ฑูง
เธง เฒี่ยง เจี๊ยน เญย ทิน-ฮู่ง.
3โอ เน่น เจี๋ย เญย เฒี้ยว, เยีย เญย ฮู่ง,
เยีย เญย ทิน-ฮู่ง อ่า,
เยียม เม่ย เญย เหฒี่ย-ต้อง กะเฮลน,
เหนาะ เหมย ล์อ ตุ๊ ต๋อง เยียม,
บะหิน หย่า เหว่ย กั้น ล์อ ต๋อง โหฒว เล์า ปั่ว ตอน.
4เยียม เม่ย เญย เปย๊า วั้ว เต๋ย เมี่ยน ม่าย ออน-เหลาะ,
หฒั่นๆ ป๋าว ฑูง เธง เม่ย. เซลา
5เขา เม่ย ตุ๊ ชะ วั้ว เต๋ย,
เซ เหลียบ ตี่ง เฮญี้ยว มี่ง สิโอน บง#84:5 ฮิบลู หว่า ไม้ ม่าย สิโอน น้าย โจ๋ว หว่า. เญย เมี่ยน,#84:5 ฟาน หฒะ ก๊อง “เซ เยียม นิ่น บัว เญย เฮญี้ยว ม่าย มี่ง สิโอน เญย ต้ม เจ๊า วั้ว เต๋ย”. ม่าย ออน-เหลาะ.
6นิ่น บัว เจี๋ย บาคา ฮ์อง,#84:6 ไฟ “ววม-เหมว่ย เหลี่ยว เญย ฮ์อง”.
น้าย นอม ฮ์อง ทิ้ว เป๋น ววม-ฒี้ง เญย ต๋อง.
เธียว เกว๋ย บยู่ง หย่า ปุน วั้ว นอม ต๋อง,
ฒ่าง ววม ปวั๊ง เหฑ่ง.#84:6 ม่าย เต๋ย โล์-ฮนอย โซว ก๊อง ตุ๊ ฟุ.
7มี่ง เญย เฒี่ยง โห่ นิ่น บัว กุ๊น มี่ง กุ๊น เฮ้น,
เต้าๆ ฯฒฯ มี่ง เถา สิโอน, เยียม ทิน-ฮู่ง เญย หฑะเฮมียน.
8โอ เน่น เจี๋ย เญย เฒี้ยว ทิน-ฮู่ง อ้า! โท้ หมวัง เยีย เต๋า เก๋า เญย หว่า.
โอ ยาโค้บ เญย ทิน-ฮู่ง อ้า! โท้ แปง มน่อม หมวัง. เซลา
9โอ ทิน-ฮู่ง อ่า, โท้ เม่ย หมั่ง เยีย บัว เญย ท้อง-ป้าย,#84:9 ท้อง-ป้าย เซ เปว เมี่ยน วั้ว เต้า. ก๊อง หฒุ ฮู่ง เตี๋ย ไฟ ก๊อง หฒุ ทิน-ฮู่ง กั้น.
โท้ เม่ย หมั่ง เม่ย หล่ง โย่ว ออน ต้าย วั้ว เต้า เญย เฮมียน.
10เยียม เม่ย เญย เปย๊า เญย หลาด กะญั์ว เหยียด ฮนอย
เซ เก้า หลง เยียม กั้น นอม ต๋อง เหยียด ธิน ฮนอย.
เยีย เยียม เยีย เญย ทิน-ฮู่ง เญย เปย๊า ฒั้ว แก้ง
เซ เก้า หลง เยียม เอ๊าะ เมี่ยน เญย เปย๊า.#84:10 ฮิบลู หว่า ก๊อง ด๊บ-ลิ่ว.
11 เฒี้ยว ทิน-ฮู่ง เซ บะฮนอย เหธา ท้อง-ป้าย,
นิ่น เหธย เอน เหธา ฌัง-หล่าง.
ไม้ ม่าย หาย หญู่ง หลง เญย,
เฒี้ยว แหง่ง เจี๊ยน ไม้ เหธย ปุน โหฒว หอบ เญย เมี่ยน.#84:11 ไฟ “ไม้ ลั่ม เฆ่ม ต๋อง เญย เมี่ยน”.
12โอ เน่น เจี๋ย เญย เฒี้ยว อ่า,
เสียน เขา เม่ย วั้ว เต๋ย ม่าย ออน-เหลาะ.
Currently Selected:
สีง ฑูง 84: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
