สีง ฑูง 83
83
สีง ฑูง 83
เต๋า เก๋า โท้ ทิน-ฮู่ง เถง ฮี่ง เจี๋ย อิสะลาเอน เญย วิน-วั้ง
เหยียด ติ้ว ฑูง. อาสาบ โหฒ่ เญย สีง ฑูง.
1ทิน-ฮู่ง อ่า, โท้ เม่ย ไม้ ตู๋ง เซ้กๆ เญย เยียม.
โอ ทิน-ฮู่ง อ่า, โท้ ไม้ ตู๋ง ขูง หฆับ เจี๊ยน ฑุ่ย, ไม้ โค โล.
2หมั่ง ม่าะ! เม่ย เญย วิน-วั้ง ฟ้าน.
ฑอง เม่ย วั้ว เต๋ย เธา เจี์ย มฆ้อง ต้าย อ๊ะ.
3นิ่น บัว ต๊า กู๊ ไกว๋ เญย หฒะเอ๋ย ห่อย เม่ย เญย แปะ ฝีง.
นิ่น บัว ล่ม ฑ่อย ธ่าง ล่าง โหฒว ปุน เม่ย เปว เจี๊ยน เญย เมี่ยน.
4นิ่น บัว ก๊อง, “ต้าย ม่าะ! บัว เฒาะ นิ่น บัว เหยียด กั๊วะ เมี่ยน เหมียด เหฑ่ง,
ฯฒฯ ไม้ ม่าย หาย เต้า ไฮ่ จั๋ง ตุ๊ อิสะลาเอน วั้ว นอม บั๋ว.”
5นิ่น บัว ต้ง เฮญี้ยว ต๊า หฒะเอ๋ย,
หย่า เหลียบ เจี์ย แหง่ง หว่า เหธา เม่ย ต๋อย-เตก.
6เซ ม่าย เอโดม เมี่ยน เหธา อิสะมาเอน เมี่ยน,
โมอับ เมี่ยน เหธา ฮากา เมี่ยน,
7ม่าย เกบาน เมี่ยน, อัมโมน เมี่ยน, เหธา อามาเล้ก เมี่ยน,
ม่าย ฟีลิสะเตีย เมี่ยน เหธา ไทละ เมี่ยน.
8อัดซีเลีย เมี่ยน หย่า เหธา นิ่น บัว กั๊บ เจี๊ยน ต่อย.
นิ่น บัว เถง ชะ โล้ด เญย เฒ้ย-ฟุน.
9โท้ โหฒว ปุน นิ่น บัว ฮนั้ง เม่ย โหฒว ปุน มีเดียน เมี่ยน,#ต้ม เจียน 7:1-23
หย่า ฮนั้ง เยียม คีโซน ด้าย โหฒว ปุน สิเสลา เหธา ยาบิน,#ต้ม เจียน 4:6-22
10ต้ง เยียม เอนโด หฒุ เหมียด,
เป๋น เดา เญย ป๋วน.#83:10 ฟาน หฒะ ก๊อง “เป๋น ไฆ้ อัน เดา”.
11โท้ ปุน นิ่น บัว โหฒว โฮล เญย เมี่ยน หฒุ ฮนั้ง โอเล้บ เหธา เสเอบ,#ต้ม เจียน 7:25
นิ่น บัว เญย หฒวัง ฮู่ง ตอน หย่า หฒุ ฮนั้ง เฒบา เหธา สานมุนนา.#ต้ม เจียน 8:12
12นิ่น บัว ก๊อง, “บัว อ๋อย หฒุ เฒาะ
ทิน-ฮู่ง เญย เมี้ย-เธี้ยง
เหว่ย เป๋น บัว กั้น เญย ป่วน.”
13โอ เยีย เญย ทิน-ฮู่ง อ่า, โท้ ปุน นิ่น บัว ฮนั้ง หฑยาว-หฒุ่น เญย เนีย-บูง,
หย่า ฮนั้ง ธุ-เหมา หฒุ หฑยาว ป่วน นอ.
14ฮนั้ง โต์ว ปั๊ว ชุย เก้ม,
หย่า ฮนั้ง โต์ว-เบียด เหฒียะ เจี๊ยน บง,
15โท้ ฮนั้ง หน่าย หล่ง เม่ย เญย ต้ม หฑยาว หฒุ่น นิ่น บัว,
หย่า หล่ง เม่ย เญย ต้ม บยู่ง-หฑยาว แฮะ นิ่น บัว กั้ม เหฑีย ไห่.
16โอ เฒี้ยว อ่า, โท้ ปุน นิ่น บัว หฒุ ป่าย เฮมียน ไญ้ เหฑ่ง
เหว่ย ปุน นิ่น บัว ต้าย ล์อ เม่ย.#83:16 ฟาน หฒะ เซ เม่ย เญย เม่ง.
17โท้ ปุน นิ่น บัว เหยียด ลิ์ว ไญ้ หย่า กั้ม เหฑีย,
ปุน นิ่น บัว ป่าย เฮมียน หย่า หฒุ เหมียด.
18โท้ ปุน นิ่น บัว ฮิ้ว ตุ๊ ขูง เม่ย กั้น ฮนั้ง,
ต้ง ม่าย บั๋ว เห่ว เฒี้ยว,
เซ เยียม ฮลัง เจี๋ย กุ๊น ลู่ง เดี๊ย วั้ว เต้า.
Currently Selected:
สีง ฑูง 83: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
