สีง ฑูง 69
69
สีง ฑูง 69
หฒุ เฑ่า เญย ส ี่ เห่ว เจี๊ยน โท้ ทิน-ฮู่ง
จิว ปุน ต้อ ฑูง เญย เมี่ยน. หล่ง “แปะ เหาะ เปี้ยง” เญย โพว. ดาวิด โหฒ่ เญย สีง ฑูง.
1ทิน-ฮู่ง อ้า! โท้ เม่ย เหฌียว เยีย.
ววม โฮล เจี๊ยน ฝาว, เหยียม เถา เยีย เญย จาง-เดี๊ย.
2เยีย เฒ่ม เหฌี่ย โด ไห่ เญย ววม-ปั่ม กะญั์ว,
ไม้ ม่าย ต๋อง ปุน เหฒา โซ้ว ตุ๊ ว้วน.
เยีย เปียะ ววม โด เญย ต๋อง,
ววม หย่า เหยียม เจี๊ยน เยีย.
3เยีย เห่ว เจี๊ยน โท้ เกา โค้ว เหฑ่ง,
จาง-โฮ่ ฆาย หมี่ อ๊ะ.
เยีย ฒั้ว เจี๊ยน ทิน-ฮู่ง เถง.
หมั่ง เกา, มฒีง ฒู้ง ไม้ ฌัง อ๊ะ.
4ฑอง เยีย หย่า ไม้ ม่าย กอน-แป๋ง วั้ว เต๋ย เมี่ยน
เก้า ธั้ม เยีย เญย มฆ้อง เญย บะเปยย.
ไม้ ม่าย กอน-แป๋ง มป่า อ๋อย ห่อย เยีย เญย แหม่ง
วั้ว เต๋ย วิน-วั้ง เฮ้น ไห่,
ไม้ เฒ์ย เยีย หนิ่ม เญย กะน้าย
อี้ หฒั่น เยีย อ๋อย หฒุ ฝูง หฑวน ไฟ?#สีง ฑูง 35:19; โยฮัน 15:25
5โอ ทิน-ฮู่ง อ้า! เม่ย ฮิ้ว ตุ๊ เยีย ด่ง หาย หฮงง.
เยีย โหฒว ต่อง เญย สี่ หย่า ปี๋ง ไม้ เบว์ย เม่ย.
6โอ เฒี้ยว, เน่น เจี๋ย เญย ทิน-ฮู่ง อ้า!
โท้ ไม้ ตู๋ง ปุน เขา เม่ย#69:6 ไฟ “เขา เม่ย ม่าย ลั่ม ฮนั้ม ต๋อง”. วั้ว เต๋ย หลาย เยีย หฒุ ไญ้.
โอ อิสะลาเอน เญย ทิน-ฮู่ง อ้า!
โท้ ไม้ ตู๋ง ปุน ล์อ เม่ย วั้ว เต๋ย
หลาย เยีย หฒุ ป่าย เฮมียน.
7เซ เหว่ย เม่ย เยีย หธีง หฒุ เมี่ยน ก๊อง โตะ,
อ๋อย หฒุ ปวัง เฮมียน เตี๊ย ไญ้.
8เยีย เญย ก๋อ-โย์ว ปวัด เยีย เป๋น นิ่น บัว ไม้ ฮิ้ว เญย เมี่ยน.
เหธา เยีย จวั่ง มา เญย มั์ว-ต่อย หย่า ฝุน เยีย เป๋น กั้น ฝีง เมี่ยน.
9เยีย เหว่ย เม่ย เญย เปย๊า จอม เฮญี้ยว ฮนั้ง โต์ว เหฒียะ เจี๊ยน เยีย นอ.#โยฮัน 2:17
เมี่ยน ก๊อง โตะ เม่ย มป่า นิ่น บัว เญย หว่า ก๊อง หฒุ เยีย.#โลมา 15:3
10เยีย เฒย ไม้ หญั่น หาย หญู่ง เหว่ย ฒัด กั้น โหฒว ไฝ,#69:10 ฒัด กั้น โหฒว ไฝ ม่าย เต๋ย โล์-ฮนอย โซว ก๊อง เญี้ยม.
เยีย หฒุ เมี่ยน จั๊ด เยีย.
11เยีย ฒุ ล่าม่า เดีย-โธว ต๋อง ลุย,
นิ่น บัว ต้อ เยีย โหฒว โก๊ว ก๊อง.
12เฒว์ย เจี๊ยน ฒี่ง แก้ง ด่าง เญย เมี่ยน ควั้น เยีย,
ติ๊ว ฆวิน เญย เมี่ยน หย่า ต้อ เยีย โหฒว ฑูง ป๋าว.
13มป่า เฒี้ยว อ้า! เยีย เต๋า เก๋า โท้ เม่ย.
โอ ทิน-ฮู่ง อ้า! เหว่ย หฒุ เม่ย เหฒียบ ฒัวะ เญย ฮนั้ม เมี่ยน,
โท้ เม่ย เตา เยีย หฒิว เม่ย ปวัด หอบ เญย เฒี่ยง โห่,
เหว่ย หฒุ เม่ย เหฒียบ ฒัวะ เญย เถง เมี่ยน.
14โท้ เหฌียว เยีย ไม้ หฒุ เฒ่ม เหฌี่ย ววม-ปั่ม กะญั์ว.
โท้ เถง เยีย เปย๋า ดุ๊ด เยีย เญย วิน-วั้ง เหธา โด เญย ววม.
15โท้ ไม้ ตู๋ง ปุน ววม เหยียม เยีย,
ไฟ ปุน ววม-โด นะ เยีย,
ไฟ ปุน เยีย หฒุ เยียม เยี่ยม เกน.#69:15 ฮิบลู หว่า ก๊อง “หฒุ เยียม วั้ว นอม ค้วด กะญั์ว, ค้วด-ฑุ่ย ดิบ หมี่ อ๊ะ”.
16โอ เฒี้ยว อ้า! โท้ เตา เยีย,
เหว่ย หฒุ เม่ย เหฒียบ ฒัวะ เญย ฮนั้ม เมี่ยน เซ หลง ไห่.
หฒิว เม่ย ค้อ-เลี่ยน ไห่ เมี่ยน
โท้ ฮวิน หฑวน ต้าย หมั่ง เยีย.
17ไม้ ตู๋ง ปี๋ง เม่ย เญย เฮมียน, ไม้ หมั่ง เม่ย เญย โปว.
เยีย หฒุ โค้ว, โท้ เซี้ยบๆ เญย เตา เยีย.
18โท้ ต้าย นิด ฟัด เยีย, หฒัวะ เยีย,
เหฌียว เยีย เปย๋า ดุ๊ด เยีย เญย วิน-วั้ง.
19เม่ย ฮิ้ว ตุ๊ เยีย หฒุ เมี่ยน ฮว้วด, หฒุ ไญ้, หฒุ ป่าย เฮมียน.
เม่ย หย่า ฮิ้ว ตุ๊ เยีย เญย เหยียด ฒู้ง วิน-วั้ง.
20เยีย หฒุ เมี่ยน ฮว้วด, เยีย เญย เฮญี้ยว หฒะเก้ง มุน ไห่,
เยีย ฯฒฯ ไฮ์ เซวย อ๊ะ.
เยีย ล์อ เมี่ยน ค้อ-เลี่ยน เยีย, หย่า ไม้ ม่าย เหยียด เต้า.
ล์อ เมี่ยน ออน เฮญี้ยว, หย่า ล์อ ไม้ ตุ๊ หาย เต้า.
21นิ่น บัว เฒาะ ต๊าม#69:21 ต๊าม ไฟ เดีย-โตะ. ต๋อง หญั่น ฮบ ปุน เยีย.
เยีย จาง ฆ้าด นิ่น บัว ปุน อะหงุ่น ติ๊ว-ซุย เยีย ฮบ.#มัดทาย 27:48; มาโค 15:36; ลูกา 23:36; โยฮัน 19:28-29
22โท้ ปุน นิ่น บัว เญย ยิ่น หวุ่ย เป๋น โขว ฮลบ นิ่น บัว,
ปุน นิ่น บัว แป้ง ออน เยียม เญย เฒี่ยง โห่#69:22 ไฟ “หย่า ปุน นิ่น บัว เหฒี่ย เหว่ย จิว ทง เบ่น หญั่น เญย เฒี่ยง โห่”. โหฒว ฮลาง ฮลบ นิ่น บัว.#โลมา 11:9-10
23โท้ ปุน นิ่น บัว เญย มฒีง บั๊ว, หมั่ง ไม้ ปวัด,
หย่า ปุน นิ่น บัว เญย จ๊าย เหยียด ลิ์ว จุ๊ด มี่ง.#69:23 ฟาน หฒะ ก๊อง “หฒั่นๆ หฒิน เจี๊ยน เยียม”.
24เม่ย ปุน เมี่ยน เญย กะเฉีย แป๊ด ธ้วด ปุน นิ่น บัว.
โท้ ปุน เม่ย เฉีย เจี์ย, โน์ว เญย สี่ หฒุ่น หฒ่าย นิ่น บัว.
25โท้ ปุน นิ่น บัว เยียม เญย เธี้ยง เป๋น เดา-ฮวาง,
ปุน นิ่น บัว เญย ด๊บ-ลิ่ว ไม้ ม่าย เมี่ยน เยียม.#กง-โฒ่ 1:20
26เหว่ย หฒุ นิ่น บัว ห่อย เม่ย เบ๊าะ เญย เมี่ยน,
หย่า ก๊อง เม่ย ปุน หฒุ มุน วั้ว เต๋ย เมี่ยน เญย โค้ว หน่าน.
27โท้ เม่ย ตี่ง นิ่น บัว เญย ฒุ์ย แอ๋ง จา ตี่ง,
หย่า ไม้ ตู๋ง กวั่ง นิ่น บัว เญย ฒุ์ย.
28โท้ ซ้อด นิ่น บัว เญย บั๋ว ธ้วด เฒี่ยง แหม่ง ตาน,
หย่า ไม้ ตู๋ง ฝาว นิ่น บัว เญย บั๋ว เยียม คู้ เมี่ยน เญย ตาน.#ธ้วด อียิบ 32:32; หล่าว ย่าง 3:5; 13:8; 17:8
29มป่า เยีย หฒุ โค้ว หน่าน หย่า หฒุ มุน.
โอ ทิน-ฮู่ง อ้า! โท้ ปุน เม่ย เญย เหฌียว เอน โป้ว เยีย ฝาว ฮลัง.
30เยีย อ๋อย ป๋าว ฑูง เธง ทิน-ฮู่ง เญย เม่ง,
เยีย อ๋อย ตอ-เหฒี่ย, เธง นิ่น เว่ย โฮล.
31ฮนั้ง หน่าย ฯฒฯ ปุน เฒี้ยว เก้า หอบ เฮญี้ยว ฝ่ง ห่อ ง่ง โก๊ว,
ไฟ ฝ่ง ห่อ ม่าย จอง, ม่าย เต้ย เญย ง่ง โก๊ว.#69:31 เซ ต้ม ง่ง โก๊ว.
32หฒุ เหฒย เญย เมี่ยน ปวัด ลิ์ว ฯฒฯ อะเฮน้ย.
ล์อ ทิน-ฮู่ง เญย เมี่ยน อ้า! โท้ ปุน เม่ย เญย เฮญี้ยว ฟี้ง เจี์ย ต้าย ม่าะ!
33เหว่ย หฒุ เฒี้ยว หมวัง ตั๋ง-ต๋น เญย เมี่ยน,
นิ่น ไม้ หมั่ง เผีย นิ่น เญย แปะ ฝีง, เซ หฒุ หววน โล่ วั้ว เต๋ย.
34โท้ ลู่ง เหธา เดา เหธา ค้อย
เหธา เยียม น้าย เต๋ย เหยียด ฒู้ง กะญั์ว
ไฮ่ ต์ง เญย กะน้าย เธง นิ่น.
35เหว่ย หฒุ ทิน-ฮู่ง อ๋อย เหฌียว สิโอน,
แอ๋ง เหลียบ ยูดา เญย ฒี่ง เจี์ย ต้าย.
นิ่น เญย แปะ ฝีง#69:35 แปะ ฝีง ฮิบลู หว่า ขูง ก๊อง นิ่น บัว. อ๋อย เยียม หน่าย เว่ย เป๋น นิ่น บัว เญย ป่วน.
36นิ่น เญย โปว เญย เฒ้ย-ฟุน
อ๋อย ตุ๊ หฑิบ วั้ว นอม เต่ย-ปูง.
ฮนั้ม นิ่น เญย เม่ง เญย เมี่ยน
หย่า อ๋อย ตุ๊ เยียม วั้ว.
Currently Selected:
สีง ฑูง 69: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
