สีง ฑูง 68
68
สีง ฑูง 68
ซีนาย บง เญย ทิน-ฮู่ง เหธา สีง ติ่น เญย ทิน-ฮู่ง
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง. เป๋น เหยียด ติ้ว ฑูง.
1โท้ ทิน-ฮู่ง เจี์ย ต้าย, ปุน นิ่น เญย วิน-วั้ง หฑาน เหฑ่ง.
โท้ ปุน ฑอง นิ่น วั้ว เต๋ย เยียม นิ่น เญย วั้ว ด่าง แหมง ถิว เปย๋า.
2โท้ หฒุ่น นิ่น บัว เปย๋า,
ฮนั้ง โต์ว-เสียว หฒุ หฑยาว ป่วน หฑาน มี่ง นอ.
โท้ ปุน เอ๊าะ เมี่ยน เยียม ทิน-ฮู่ง เญย หฑะเฮมียน หฒุ เหมียด
ฮนั้ง เมว์ย-ฑีง หฒุ โต์ว ปั๊ว หยุ นอ.
3มป่า โท้ ปุน คู้ เมี่ยน อะเฮน้ย,
ปุน นิ่น บัว เยียม ทิน-ฮู่ง เญย หฑะเฮมียน,
หฒะเก้ง เฌียน-โย่ว ออน-เหลาะ ไห่.
4ป๋าว ฑูง เธง ทิน-ฮู่ง, ป๋าว เธง นิ่น เญย เม่ง.
เธง เก้ เจี๊ยน บ๋วน วั้ว เต้า,#68:4 ไฟ “โหฒว ติ้ว เจ๊า ปุน เก้ เธีย เจี๋ย เต่ย-ปูง-ฮวาง วั้ว เต้า”.
นิ่น เญย บั๋ว เห่ว เฒี้ยว,
อ๋อย หฒุ เยียม นิ่น เญย หฑะเฮมียน เฌียน-โย่ว.
5ทิน-ฮู่ง เยียม นิ่น เญย ธีง-เหฑ่ง ต๋อง
โหฒว กู้ ฮั่น ฝุเจว๊ย เญย เตีย
หย่า เปว เจี๊ยน เอ๊า-กว๊า.
6ทิน-ฮู่ง ปุน โคว-โดะ เมี่ยน ม่าย เปย๊า เยียม,
ปุน หฒุ หววน เญย เมี่ยน ธ้วด ต้าย ตุ๊ หลง.
มป่า แหง่ง นิ่น เญย เมี่ยน
อ๋อย หฒุ เยียม เต่ย-ปูง-ฮ์าน,
เดา ฆาย เหฑ่ง เญย ต๋อง.
7โอ ทิน-ฮู่ง อ้า! เม่ย เยียม เม่ย เญย แปะ ฝีง เญย วั้ว ด่าง แหมง ธ้วด มี่ง
ยั่ง เจี๋ย เต่ย-ปูง-ฮวาง วั้ว หฒั่น, เซลา
8เดา ตอง เจี๊ยน ทิน-ฮู่ง ต์ง,
ลู่ง หย่า ตุ้ย บยู่ง เหฌี่ย.
ซีนาย บง#68:8 ซีนาย บง อิสะลาเอน เมี่ยน เยียม อียิบ มี่ง คานาอัน วั้ว หฒั่น, ทิน-ฮู่ง เยียม ซีนาย บง หิ่น ธ้วด ต้าย. เยียม ทิน-ฮู่ง เญย หฑะเฮมียน,
เซ อิสะลาเอน เญย ทิน-ฮู่ง เญย หฑะเฮมียน, ต์ง.#ธ้วด อียิบ 19:18
9โอ ทิน-ฮู่ง อ้า! เม่ย ปุน ลู่ง
ตุ้ย ต้ม บยู่ง เหฌี่ย.
เม่ย หฑิบ เญย ป่วน เดา ฆาย,
เม่ย ปุน เญี์ยม ต้าย.
10เม่ย เญย แปะ ฝีง เหลียบ งว์า-กอน เยียม วั้ว.
โอ ทิน-ฮู่ง อ้า! เหว่ย หฒุ เม่ย หลง ไห่,
เม่ย หลิ่ว เล์ย เหฒียง ปุน เมี่ยน จ่ม เมี่ยน.
11เฒี้ยว หัด หว่า,
ม่าย ต้ม กวั้น มเซียะ ตอน
ต้อ น้าย เต๋ย คู้ เฝียน มี่ง ฒุ่น ก๊อง,
12“กุ๊น จุน-แปง เญย ฮู่ง ถิว เปย๋า เหฑ่ง. เปย๋า เหฑ่ง อ๊ะโล่ะ!”
เยียม เปย๊า วั้ว เต๋ย มเซียะ ตอน ปุน ฆอย ธ้าง ต้าย เญย กะน้าย.
13ไม้ กุ๊น นิ่น บัว หธ่อ เปว๋ย ปะกี ยู่ง ล่าน บุด๋ง,
แปะ ก๊บ เญย ด๊าด ปวัง เจี๊ยน ญ่าน,
ด๊าด เญย เปยย ฑ้าด เจี๊ยน เฒียน เจียม โหย่วๆ วั้ว.
14เน่น เจี๋ย วั้ว เต้า#68:14 ฮิบลู หว่า ก๊อง ซัดได. ปุน เยียม เต่ย-ปูง วั้ว เต๋ย ฮู่ง เตี๋ย หฑาน มี่ง เญย เฒี่ยง โห่,
นิ่น ปุน ซอง ตุ้ย เหฌี่ย สันโมน บง.
15บาซาน บง เป๋น โฮล ฮลัง เญย ต้ม บง.
บาซาน บง ม่าย เหฒีย นอม บง-นี้ง.
16นี้ง ธั้ม เญย บง อ้า!
เม่ย เหว่ย หาย ติ่ว หมั่ง ปวัด ค้อ-ฟิ
ทิน-ฮู่ง อ๋อย หล่ง เป๋น นิ่น เยียม เญย ต๋อง,
เซ ต้ง เฒี้ยว อ๋อย เหยียด ลิ์ว เยียม เญย บง?
17เฒี้ยว เยียม ซีนาย บง ต้อ เจี๊ยน ธินๆ หว่านๆ นอม เบ๊าะ จ๋า เธีย
เปียะ ธีง-เหฑ่ง เญย ต๋อง.
18เม่ย ฝาว ฮลัง เญย ต๋อง วั้ว หฒั่น
เม่ย ต้อ หฒุ ธ้าง เญย เมี่ยน กัน เจี๊ยน มี่ง,
หย่า เยียม เมี่ยน บุด๋ง ฒิบ ฒี่ง เหญ่ย,#เอเฟโซ 4:8
เลี่ยม เยียม เฮญี้ยว แหง่ง เญย เมี่ยน ฒิบ ต้าย,
ปุน เฒี้ยว ทิน-ฮู่ง เยียม วั้ว นอม ต๋อง.
19เธง เฒี้ยว, ต้ง ฮนอยๆ ดาม บัว เญย โค้ว หน่าน วั้ว เต้า.
เซ ต้ง ทิน-ฮู่ง เหฌียว เยีย บัว. เซลา
20เยีย บัว เญย ทิน-ฮู่ง เซ เหฌียว เยีย บัว เญย ทิน-ฮู่ง.
เซ เฒี้ยว ทิน-ฮู่ง, เหฌียว เยีย บัว เปย๋า ดุ๊ด ไม้ หฒุ ไต่.
21มป่า ทิน-ฮู่ง อ๋อย เบ๊าะ ฮู้ นิ่น เญย วิน-วั้ง เญย มฆ้อง,
เซ ต้ง ม่าย บะเปยย เญย มฆ้อง-แป้ง,
หฒั่นๆ ป์าม เจี๊ยน ฒุ์ย เญย เมี่ยน.
22เฒี้ยว ก๊อง, “เยีย อ๋อย ต้อ นิ่น บัว เยียม บาซาน หฑวน ต้าย,
หย่า ปุน นิ่น บัว เยียม โด ไห่ เญย ค้อย หฑวน,
23เหว่ย ปุน เม่ย บัว หธม เจี๊ยน เม่ย บัว เญย วิน-วั้ง เญย ฑย้าม กะญั์ว,
เม่ย บัว เญย จู๊ หย่า ตุ๊ เบี่ย นิ่น บัว เญย ฑย้าม.”
24โอ ทิน-ฮู่ง อ่า, เมี่ยน ปวัด เม่ย เญย เมี่ยน ไบ้ เจี๊ยน ยั่ง เจ๊า.
เยีย เญย ทิน-ฮู่ง, เยีย เญย ฮู่ง เตี๋ย เญย เมี่ยน มี่ง เปียะ สีง ติ่น.
25ป๋าว ฑูง เญย เมี่ยน เยียม วั้ว ด่าง แหมง,
พัด ต้าน ป้า เญย เมี่ยน เยียม ฆะฮ้า,
เบ๊าะ โฑ์ เญย มเซียะ ตอน เยียม บุด๋ง.
26“โอ อิสะลาเอน เมี่ยน เญย เฒ้ย-ฟุน#68:26 ฟาน หฒะ ก๊อง “อิสะลาเอน เญย ววม-ฒี้ง”. อ้า!
อ๋อย หฒุ เยียม เมี่ยน ธั้ม กั๊บ ฒุ้น เญย หวุ่ย บุด๋ง เธง ทิน-ฮู่ง, เซ เธง เฒี้ยว. ”
27เก้า ไฝ เจี๋ย เญย เบนยามิน ฝีง มี่ง ด่าง.
กัน ฆะฮ้า ต้าย ม่าย ยูดา ฝีง เญย เปย๊ย เฒ้ย,
ม่าย เสบูลุน เญย เปย๊ย เฒ้ย เหธา นับทาลี เญย เปย๊ย เฒ้ย.
28โอ ทิน-ฮู่ง อ้า! โท้ ปุน เม่ย เญย ชะ ธ้วด.
โอ ทิน-ฮู่ง อ้า! โท้ หล่ง เม่ย เญย ชะ เถง เยีย บัว ฮนั้ง เม่ย เหว่ย เยีย บัว โหฒว เจี๋ย นอ.
29เหว่ย เม่ย เยียม เยลูซาเลม เญย เปย๊า
หฒวัง ฮู่ง เตี๋ย ต้อ ฒี่ง เหญ่ย ปุน เม่ย.
30โท้ เม่ย เหม อียิบ, ต้ง เยียม หลัวะ ติ หล่ม กะญั์ว เญย เฮยี่ย ฒ่อย.
เหม ง่ง โก๊ว เหธา ง่ง ตอน, เซ ฝีงๆ เมี่ยน.
ธ้าย เหฌี่ย เม้า อ๊าบ เมี่ยน ฝูง ญ่าน ปุน นิ่น บัว วั้ว เต๋ย,
ปุน อะเฮน้ย เบ๊าะ จ๋า เญย ฝีงๆ เมี่ยน หฑาน เหฑ่ง.#68:30 น้าย เหยี่ยม เญย ฮิบลู หว่า อะ ตุ๊ เม่ง แปะ.
31ม่าย กง-โฒ่#68:31 กง-โฒ่ น้าย โจ๋ว ฮิบลู หว่า ม่าย เต๋ย ฟาน ต้าย ก๊อง, “หล่ง ต้ง ซิ โหฒว ต้าย เญย กะน้าย”. อ๋อย เยียม อียิบ ต้าย.
เอทีโอเปีย เมี่ยน อ๋อย เซี้ยบๆ เญย ซูง ปั์ว โจ้ว ทิน-ฮู่ง.
32โอ ลู่ง เดี๊ย หม่าน กั๊วะ อ้า!
อ๋อย หฒุ ป๋าว ฑูง เธง ทิน-ฮู่ง,
อ๋อย หฒุ ป๋าว ฑูง เธง เฒี้ยว. เซลา
33เธง เก้ เจี๊ยน กู้ หงว่าย ลู่ง วั้ว เต้า,
เซ เก้ เจี๊ยน เยียม โล์-ฮนอย ต้าย เญย ลู่ง.
หมั่ง ม่าะ! นิ่น ปู๋ง นิ่น เญย เฉีย ธ้วด,
เซ โฮล ไห่ เญย เฉีย.
34ฒุ่น ก๊อง ทิน-ฮู่ง ม่าย ชะ,
โหฒว โฮล กุ๊น อิสะลาเอน เมี่ยน.
นิ่น เญย ชะ หย่า เยียม วั้ว ลู่ง.
35โอ ทิน-ฮู่ง อ่า, เม่ย เยียม เม่ย เญย สีง ติ่น หฒะเก้ง บัวะ ฮ่อง ไห่,
เซ อิสะลาเอน เญย ทิน-ฮู่ง,
นิ่น ปุน นิ่น เญย แปะ ฝีง ม่าย ชะ เฮ้น.
อ๋อย หฒุ เธง ทิน-ฮู่ง.
Currently Selected:
สีง ฑูง 68: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
