สีง ฑูง 60
60
สีง ฑูง 60
เต๋า เก๋า โท้ ทิน-ฮู่ง แหง่ง เจี๊ยน วิน-วั้ง
(เป๊ย หมั่ง สีง ฑูง 108:6-13)
จิว ปุน ต้อ ฑูง เญย เมี่ยน. หล่ง “ฒอง-เหฒง เญย แปะ เหาะ เปี้ยง” โพว. ดาวิด โหฒ่ เญย มี้กทาม ฑูง. หล่ง หฌาว เมี่ยน. ดาวิด โหฒ่ ฑูง ต๋อย มี่ง เบ๊าะ อาลัมนาหะลาอิม เหธา อาลัมโซบา, หย่า ต๋อย โยอาบ หฑวน เญย เฒี่ยง โห่ เยียม เฑ้า-ฮ์อง ไต๋ เหยียด หว่าน อี ธิน เต้า เอโดม เมี่ยน.#2 ซามูเอน 8:13; 1 ฒุ่น ต่อย โต้ว 18:12
1ทิน-ฮู่ง อ้า! เม่ย กวั่ง เยีย บัว, เบ๊าะ ป่าย เยีย บัว หมี่ อ๊ะ.
เม่ย เฉีย เจี์ย เยีย บัว, โท้ ปุน เยีย บัว หฑวน ต้าย ฮนั้ง โล์ วั้ว นอ.
2เม่ย ปุน เดา ต์ง, บ๋าย ฆอย หมี่ อ๊ะ.
โท้ หฒ่อ บ๋าย เญย ต๋อง เหว่ย หฒุ เดา ลู่งๆ ไล่ๆ เญย.
3เม่ย ปุน เม่ย เญย แปะ ฝีง หฒุ เตี๊ย โค้ว.
เม่ย ปุน เยีย บัว ฮบ ติ๊ว ฆวิน, ยั่ง เจ๊า ลี่งๆ คีงๆ เญย.
4เม่ย เธีย เจี๊ยน เก้ ปุน ท่าย เม่ย วั้ว เต๋ย เมี่ยน
ต้าย กั๊บ ฒุ้น เล่ย ป๊วน จวัง-หฒิน เญย เมี่ยน. เซลา
5โท้ เตา เยีย บัว, หล่ง เม่ย เญย บย่าว เจี๊ยะ ปั์ว เหฌียว เยีย บัว,
เถง เม่ย ฮนั้ม เญย เมี่ยน ตุ๊ เหฌียว.
6ทิน-ฮู่ง เยียม นิ่น เญย สีง ติ่น ก๊อง,
“เยีย อ๋อย อะเฮน้ย เญย เฒาะ เซเคม ปุน ฆอย,
หย่า เดาะ สุกโค้ด ฮ์อง พ้าย ปุน ฆอย.
7กิเลอาด เซ เยีย เญย, มะนัดเส หย่า เยีย เญย.
เอฟาอิม เซ เยีย เบ๊าะ จ๋า เญย หมั่ว.
ยูดา เซ เยีย เญย ฮู่ง ปย๊า.
8โมอับ เซ เยีย เญย หฑาว ปั์ว-เหฒา ปุ้น.
เยีย หย่า ฒอย เยีย เญย เฮ่ เหฌี่ย เอโดม.
เยีย เห่ว เจี๊ยน ก๊อง, ‘ฟีลิสะเตีย อ้า! เยีย ฮี่ง เจี๋ย เม่ย อ๊ะ.’”
9หาย เต้า อ๋อย ต้อ เยีย มี่ง เถา วั้ว นอม เว่ย ว้วน เญย ฒี่ง?
หาย เต้า อ๋อย ต้อ เยีย มี่ง เถา เอโดม เต่ย-ปูง?
10โอ ทิน-ฮู่ง อ้า! เม่ย ไม้ เฒ์ย กวั่ง เยีย บัว ไฟ?
โอ ทิน-ฮู่ง อ้า! เม่ย ไม้ เหธา เยีย บัว เญย จุน-แปง กวั้น ธ้วด มี่ง เบ๊าะ จ๋า ไฟ?
11โท้ เม่ย เถง เยีย บัว เบ๊าะ วิน-วั้ง,
เหว่ย หฒุ ป้าม เมี่ยน เถง เซ ไม้ ลั่ม หล่ง.
12เยีย บัว เขา ทิน-ฮู่ง เยีย บัว ฯฒฯ ตุ๊ ฮี่ง เจี๋ย.
เซ ต้ง นิ่น อ๋อย ธ้าย เยีย บัว เญย วิน-วั้ง เหฌี่ย.
Currently Selected:
สีง ฑูง 60: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
