สีง ฑูง 59
59
สีง ฑูง 59
เต๋า เก๋า โท้ เหฌียว เปย๋า ดุ๊ด วิน-วั้ง
จิว ปุน ต้อ ฑูง เญย เมี่ยน. หล่ง “ไม้ ตู๋ง เหมียด” เญย โพว. ดาวิด โหฒ่ เญย มี้กทาม ฑูง, เฟี้ย ต๋อย เซาโล พ้าย เมี่ยน มี่ง ฒั้ว ดาวิด เญย เปย๊า, อ๋อย เฒาะ นิ่น ไต๋.#59 เป๊ย หมั่ง 1 ซามูเอน 19:11.
1เยีย เญย ทิน-ฮู่ง อ้า! โท้ เหฌียว เยีย เปย๋า ดุ๊ด เยีย เญย วิน-วั้ง.
โท้ เปว เยีย เปย๋า ดุ๊ด อ๋อย เบ๊าะ เยีย วั้ว เต๋ย เมี่ยน.
2เหฌียว เยีย เปย๋า ดุ๊ด โหฒว เอ๊าะ สี่ วั้ว เต๋ย,
เซ เหฌียว เยีย เปย๋า ดุ๊ด ไต๋ เมี่ยน เญย เมี่ยน.
3หมั่ง ม่าะ! นิ่น บัว ปี๋ง เจี๊ยน ฒั้ว อ๋อย เฒาะ เยีย เญย แหม่ง.
เธี้ยว เญย เมี่ยน กั๊บ ฒุ้น อ๋อย เบ๊าะ เยีย.
โอ เฒี้ยว อ้า! ไม้ เฒ์ย เหว่ย เยีย โหฒว ต่อง ไฟ เยีย โหฒว เญย หาย หญู่ง ฒุ์ย,
4ไม้ กุ๊น เยีย ไม้ โหฒว หาย หญู่ง ต่อง,
นิ่น บัว ถิว ต้าย หลิ่ว เล์ย เบ๊าะ เยีย.
โท้ ก๊าน ต้าย เถง เยีย. โท้ ต้าย หมั่ง ม่าะ!
5 เฒี้ยว, เน่น เจี๋ย เญย ทิน-ฮู่ง,
โหฒว อิสะลาเอน เมี่ยน เญย ทิน-ฮู่ง.
โท้ เจี์ย ต้าย ตี่ง หม่าน ฝีง เญย ฒุ์ย.
ไม้ ตู๋ง ค้อ-เลี่ยน ต๊า เอ๊าะ หฒะเอ๋ย เญย เมี่ยน. เซลา
6นิ่น บัว ฮนอยๆ ลู่ง ม์าน-หฮมวัง หฑวน ต้าย, ฮนั้ง จู๊ นอ ฌุ่น,
หย่า ซาว ก๋อม ฒี่ง กะญั์ว.
7นิ่น บัว เญย ฑุ่ย ชะ ก๊อง ไม้ เป๋น เญย หว่า.
นิ่น บัว ฮนั้ง ม่าย หฑุ ด๊าว เยียม นิ่น บัว เญย ฑุ่ย เหมย,
เหว่ย หฒุ นิ่น บัว ฮนั้ม, “หาย เต้า ไฮ่ หมวัง ไฮ์ เยีย บัว?”
8มป่า เฒี้ยว อ้า! เม่ย จั๊ด นิ่น บัว.
เม่ย ฮว้วด หม่าน ฝีง.
9เม่ย โหฒว เยีย เญย ชะ. เยีย ฒั้ว เจี๊ยน เม่ย.
โอ ทิน-ฮู่ง อ้า! เม่ย โหฒว เยีย ว้วน ไห่ เญย ต๋อง.
10เยีย เญย ทิน-ฮู่ง เหฒียบ ฒัวะ เญย ฮนั้ม เยีย, อ๋อย ต้าย เถง#59:10 ไฟ ปวั้ง. เยีย.
เยีย เญย ทิน-ฮู่ง อ๋อย ปุน เยีย ตุ๊ ปวัด เยีย เญย วิน-วั้ง เซวย.
11โอ เฒี้ยว, เยีย บัว เญย ท้อง-ป้าย อ้า!
ไม้ ตู๋ง ไต๋ นิ่น บัว. เหฑีย เยีย เญย แปะ ฝีง ไฮ่ หละคุ.
โท้ หล่ง เม่ย เญย ชะ ปุน นิ่น บัว ฟ้าด หฑาน,
ปุน นิ่น บัว หฒุ ป่าย.
12หลาย นิ่น บัว เญย ฑุ่ย เญย ฒุ์ย,
เหธา นิ่น บัว เญย ฑุ่ย เหมย ก๊อง เญย หว่า,
โท้ ปุน นิ่น บัว โหฒว เหมา เญย สี่ เป๋น ฮลาง ฮลบ นิ่น บัว.
หลาย นิ่น บัว เหฒียว เหธา ก๊อง-แปะ,
13โท้ เม่ย เฉีย เจี์ย, ปุน นิ่น บัว หฒุ เหมียด,
เหมียด เถา นิ่น บัว หฒุด เหฑ่ง.
หฒวัง เมี่ยน ฯฒฯ ฮิ้ว ตุ๊ ทิน-ฮู่ง กุ๊น อิสะลาเอน เมี่ยน,#59:13 ไฟ ยาโค้บ.
ฒู้ง กุ๊น เถา จ่ม ลู่ง กอน.#59:13 ไฟ “เถา จ่ม ลู่ง กอน หฒวัง เมี่ยน ฯฒฯ ฮิ้ว ตุ๊, ทิน-ฮู่ง กุ๊น อิสะลาเอน เมี่ยน”. เซลา
14นิ่น บัว ฮนอยๆ ลู่ง ม์าน-หฮมวัง หฑวน ต้าย, ฮนั้ง จู๊ นอ ฌุ่น,
หย่า ซาว ก๋อม ฒี่ง กะญั์ว.
15นิ่น บัว ฮนั้ง จู๊ นอ,
ซาว เจี๊ยน มี่ง ล์อ หฮนาง หญั่น.
สี ก๊อง ไม้ ตุ๊ หญั่น เป๊ว
นิ่น เฒี่ยง ม์วน ฌุ่น.
16มป่า เยีย อ๋อย ป๋าว ฑูง เธง เม่ย เญย ชะ.
ลู่ง ดอม เยีย อ๋อย ป๋าว ฑูง บุย เญย เธง เม่ย เหฒียบ ฒัวะ เญย ฮนั้ม เมี่ยน.
เหว่ย หฒุ เม่ย โหฒว เยีย ว้วน ไห่ เญย ต๋อง,
เยีย หฒุ เหฒะ หน่าน เญย ฮนอย-เหญียะ เม่ย โหฒว เยีย เขา เญย ต๋อง.
17โอ เยีย เญย ชะ#59:17 เป๊ย หมั่ง สีง ฑูง 59:9. อ้า! เยีย อ๋อย ป๋าว ฑูง เธง เม่ย.
โอ ทิน-ฮู่ง อ้า! เม่ย โหฒว เยีย ว้วน เญย ล่าว,
ต้ง ปุน ธีง เม่ย เหฒียบ ฒัวะ เญย ฮนั้ม เยีย วั้ว เต้า ทิน-ฮู่ง.
Currently Selected:
สีง ฑูง 59: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
