สีง ฑูง 45
45
สีง ฑูง 45
โห่ว ฮู่ง เตี๋ย โหฒว ธีง-จา เญย ฑูง
จิว ปุน ต้อ ฑูง เญย เมี่ยน. โคลา เญย เฒ้ย-ฟุน เญย เหยียด ติ้ว มัดคิน ฑูง. หล่ง “แปะ เหาะ เปี้ยง” เญย โพว. ฮนั้ม จ๋า เญย ฑูง.
1เยีย เญย เฮญี้ยว ม่าย หลง ไห่ เญย เจ๊า เมี์ยน ธ้วด.
เยีย เหว่ย ฮู่ง เตี๋ย โตะ น้าย ติ้ว ฑูง.
เยีย เญย เบียด ฮนั้ง เฟี้ย หฑั่ง เหลี่ยว เญย เมี่ยน เญย ปั๊ด นอ.
2เป๊ย ลู่ง เดี๊ย เมี่ยน, เม่ย เก้า เหฑว่ย เจี๋ย.
เม่ย ก๊อง หว่า บย่าง, คู่ หมวัง.
เหว่ย น้าย ทิน-ฮู่ง เหยียด ลิ์ว เหธย ฟุ ปุน เม่ย.
3เฮ้น ไห่ เญย ฮู่ง เตี๋ย อ้า!
เฒาะ เม่ย เญย หฑุ ด๊าว ทับ ไพ้ ไซ เจี๊ยน จ๊าย.
เม่ย โหฒว โฮล หย่า ม่าย ฌัง-หล่าง.
4เหว่ย เฒียน เล์ย เหธา ส่วน เญย เจ๊า เหธา แป้ง ฟิม เญย สี่
เม่ย โหฒว โฮล เก้ เจี๊ยน ม์า ธ้วด มี่ง ฮี่ง เจี๋ย.
โท้ ปุน เม่ย เญย บย่าว เจี๊ยะ ปั์ว โหฒว ธ้วด บัวะ ฮ่อง#45:4 ไฟ กั้ม เหฑีย. เญย สี่.
5เม่ย เญย ฟอง ไหล่, หย่า เยียม
เม่ย เญย ฮู่ง เตี๋ย เญย วิน-วั้ง เญย บะฑิว.
ฝีงๆ เมี่ยน คีง เหฌี่ย เม่ย เญย เหฒา-เดี๊ย.
6โอ ทิน-ฮู่ง อ้า! เม่ย เญย เหว่ย
อ๋อย เหยียด ลิ์ว เยียม เถา หม่าน โก๊ว หม่าน ต่อย.
เม่ย อ๋อย แป้ง ฟิม เญย กุ๊น
เม่ย เญย แปะ ฝีง.#45:6 ฟาน หฒะ ฮิบลู หว่า ก๊อง “เม่ย เญย ฮู่ง ปย๊า เซ แป้ง ฟิม เญย ปย๊า”.#ฮิบลู 1:8-9
7โหฒว คู้ สี่ เญย เม่ย ฮนั้ม,
โหฒว เอ๊าะ เญย เม่ย ฑอง.
เหว่ย น้าย, ทิน-ฮู่ง,
ต้ง เม่ย เญย ทิน-ฮู่ง,
กิ๊น เม่ย ต้าย เหธย ออน-เหลาะ#45:7 ฮิบลู หว่า ก๊อง “เฮยี้ยด เจี๊ยน ออน-เหลาะ เญย โย่ว”. ปุน เม่ย
เก้า ธั้ม เจี๋ย เม่ย เญย เหยียด ฒู้ง ต่อย.
8เม่ย เญย ลุย ดาง ไห่,
ม่าย มูหย่อ เหธา อาโล เดีย-ดาง เหธา กานบุน#45:8 เป๋น หญู่ง ดาง เญย กะน้าย. เญย เฉีย ดาง.
เยียม ฒ์าง-ญ่า ฒอง เญย ฮู่ง ติ่น เมี่ยน พัด ต้าน ป้า ปุน เม่ย อะเฮน้ย.
9ม่าย เต๋ย ฮู่ง เตี๋ย เญย เซียะ
เยียม เม่ย ท่าย เญย มเซียะ ตอน บุด๋ง.
ฮู่ง หม่า ฒอง เจี๊ยน เยียม โอฟี ต้าย เญย เจียม
โซ้ว เจี๊ยน ฮู่ง เตี๋ย เญย บย่าว แหมง.
10โอ เซียะ อ้า! เม่ย อ๋อย หฒุ ฮนั้ม หลง หย่า แปง มน่อม หมวัง.
ไม้ ตู๋ง จั๋ง เม่ย กั้น เญย เมี่ยน ไฟ เม่ย เญย เตีย เญย เปย๊า.
11เหว่ย หฒุ เม่ย เหฑว่ย ไห่ ฮู่ง เตี๋ย อ๋อย เม่ย อ๊ะ.
นิ่น เซ เม่ย เญย เฒี้ยว, เม่ย ฯฒฯ อ๋อย หฒุ บัวะ นิ่น กุ๊น.
12ไทละ เมี่ยน#45:12 ฮิบลู หว่า ก๊อง ไทละ เญย เซียะ. อ๋อย ต้าย ฝูง ฒี่ง เหญ่ย โท้ เม่ย เถง.
แปะ ฝีง กะญั์ว เก้า ปุ๊ด ฒ่อย เจี๋ย เญย เมี่ยน
อ๋อย หล่ง หญู่งๆ จ๋าย เญย กะน้าย ปุน เม่ย อะเฮน้ย.
13ฮู่ง เซียะ เยียม กะญั์ว ฒอง เจี๊ยน ฌัง-หล่าง ไห่.
นิ่น เญย ฒอง-ฒุ หล่ง เจียม-ฝิน หฒอบ เจี๊ยน ดั๊ด ต้าย.
14นิ่น ฒุ เจี๊ยน หล่ง เหฒีย หญู่ง เซ้ด หธง ต้าย เญย ลุย-ด๊าว,
เมี่ยน ฯฒฯ ต้อ นิ่น มี่ง เถา ฮู่ง เตี๋ย วั้ว.
เบี์ยน ต่อย วั้ว เต๋ย ไม้ เปว๋ย เจี๋ย ตอน เญย เซียะ-ตอน ต่อย
หย่า กัน เจี๊ยน นิ่น มี่ง ฮู่ง เตี๋ย เญย หฑะเฮมียน.
15เมี่ยน ต้อ นิ่น บัว เฌียน-โย่ว ออน-เหลาะ เญย เปียะ ฮู่ง เตี๋ย เญย ติ่น.
16เม่ย อ๋อย ตุ๊ ตอน ธั้ม หฑิบ เจี๊ยน เม่ย เญย อง-ถาย เญย เหว่ย,
เม่ย อ๋อย เหลียบ นิ่น บัว กุ๊น ก๋อม เต่ย-ปูง.
17เยีย เญย ฑูง อ๋อย ปุน ต่อย เจี๋ย ต่อย เธง เม่ย เญย เม่ง.
หฒวัง เมี่ยน ฯฒฯ เหยียด ลิ์ว เธง เม่ย เถา หม่าน โก๊ว หม่าน ต่อย.
Currently Selected:
สีง ฑูง 45: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
