สีง ฑูง 44
44
สีง ฑูง 44
จั๋ง หฒุ ฒิ่น ด่าง ทิน-ฮู่ง เถง, เหธา อี้ หฒั่น ปวั้ง เญย สี่
จิว ปุน ต้อ ฑูง เญย เมี่ยน. โคลา เญย เฒ้ย-ฟุน เญย มัดคิน ฑูง
1ทิน-ฮู่ง อ้า! เยีย บัว กั้น เญย มน่อม ตุ๊ ไฮ์ เจี๋ย,
เยีย บัว เญย อง-ถาย บั๋ว เจี๋ย เยีย บัว,
โล์-ฮนอย เยียม นิ่น บัว เญย เสย เฒ้ย เม่ย โหฒว เจี๋ย โฮล ไห่ เญย สี่.
2เม่ย หล่ง เม่ย กั้น เญย ปั์ว หฒุ่น ธ้วด เยียม วั้ว เญย นอมๆ กั๊วะ เญย เมี่ยน,
หย่า เหลียบ เยีย บัว เญย อง-ถาย เยียม วั้ว.
เม่ย ปุน วั้ว เต๋ย กั้น ฝีง หฒุ โค้ว,
มป่า ปุน เยีย บัว เญย อง-ถาย โหฒว ปู๋ง ฆอย เญย เมี่ยน.
3เหว่ย หฒุ นิ่น บัว ไม้ เฒ์ย เหว่ย กั้น เญย หฑุ ด๊าว ตุ๊ วั้ว นอม เต่ย-ปูง,
หย่า ไม้ เฒ์ย นิ่น บัว กั้น เญย ปั์ว เถง นิ่น บัว ตุ๊ ฮี่ง,
มป่า เซ เหว่ย เม่ย เญย บย่าว เจี๊ยะ ปั์ว เหธา เม่ย เญย เฮมียน เญย ฌัง-หล่าง,
เหว่ย หฒุ เม่ย อะเฮน้ย นิ่น บัว.
4เม่ย โหฒว เยีย เญย ฮู่ง เหธา เยีย เญย ทิน-ฮู่ง.
โท้ พ้าย ปุน ยาโค้บ ตุ๊ ฮี่ง.
5เยีย บัว เขา เม่ย ฟ้ง เยีย บัว เญย วิน-วั้ง เหฌี่ย.
เยีย บัว เขา เม่ย เญย เม่ง ธ้าย เจี๊ยน เหธา เยีย บัว เบ๊าะ จ๋า วั้ว เต๋ย.
6เยีย ไม้ เขา เยีย เญย จวัง-หฒิน,
เยีย เญย หฑุ ด๊าว หย่า ไม้ ไฮ่ เหฌียว เยีย,
7มป่า เม่ย เหฌียว เยีย บัว เล่ย ดุ๊ด เยีย บัว เญย วิน-วั้ง,
ปุน ฑอง เยีย บัว วั้ว เต๋ย หฒุ ไญ้.
8เยีย บัว เฒี่ยง ฮนอย เหว่ย ทิน-ฮู่ง ปู๋ง หว่า-เหมา.
เยีย บัว หย่า อ๋อย เหยียด ลิ์ว ตอ-เหฒี่ย เม่ย เญย บั๋ว. เซลา
9มป่า อี้ หฒั่น เม่ย กวั่ง เยีย บัว, ปุน เยีย บัว หฒุ เซวย.
เม่ย ไม้ เหธา เยีย บัว เญย หฒวัง จุน-แปง ธ้วด.
10เม่ย ปุน เยีย บัว ถุย หฑวน เปย๋า วิน-วั้ง.
ฑอง เยีย บัว วั้ว เต๋ย วิน-จา ธ้าง เยีย บัว เญย กะน้าย.
11เม่ย ปุน เยีย บัว ฮนั้ง หฒุ ไต๋ หญั่น เญย ปะกี ยู่ง,
หย่า ปุน เยีย บัว หฑาน มี่ง เยียม หม่าน ฝีง บุด๋ง.
12เม่ย ล่าน หฒ่าน หม่าย เม่ย เญย แปะ ฝีง
ฮนั้ง ไม้ ม่าย จ๋า-ฒิ่น เญย กะน้าย.
หฒิว หม่าย เญย จ๋า-ฒิ่น
ฒู้ง ไม้ ตุ๊ เหยียด เต๋ย เหล่ย.
13เม่ย ปุน เยีย บัว หฒุ ล์าง หฒั่ง เมี่ยน คี,
หฒุ เว่ย ก๋อม เญย เมี่ยน จั๊ด หย่า หมั่ง เผีย.
14เม่ย ปุน เยีย บัว เยียม หม่าน ฝีง บุด๋ง โหฒว โก๊ว ก๊อง,
เยียม ฝีงๆ บุด๋ง หฒุ นิ่น บัว หฮวัง มฆ้อง จั๊ด เยีย บัว.
15เยีย เฒี่ยง ฮนอย หฒุ เตี๊ย ไญ้,
หย่า หฒุ ป่าย เฮมียน,
16หลาย เมี่ยน ก๊อง โตะ ก๊อง คี,
หย่า หลาย ปวัด วิน-วั้ง เหธา จ๊าว วิน เญย เมี่ยน.
17เยีย บัว หฒุ น้าย เต๋ย เหยียด ฒู้ง สี่
ไม้ กุ๊น เยีย บัว ไม้ หละคุ เม่ย
ไฟ แหง่ง เม่ย เหธา เยีย บัว แล์ง เญย แหง่ง หว่า.
18เยีย บัว เญย เฮญี้ยว ไม้ ต๋าว ฆาง.
เยีย บัว เญย เหฒา หย่า ไม้ ธ้าย พยัด เม่ย เญย เจ๊า.
19มป่า เม่ย หฒา เจี๊ยน เยีย บัว,
ปุน เยีย บัว เป๋น เฮยี่ย จู๊ เยียม เญย ต๋อง,
ปุน หฒุ ไต่ เญย ต้ง ลิ่น#44:19 ไฟ มับ แม่ง มับ หฮมวัง. ก๊ม เจี๊ยน เยีย บัว.
20สี ก๊อง เยีย บัว หละคุ เยีย บัว เญย ทิน-ฮู่ง เญย บั๋ว,
ไฟ ซูง เยีย บัว เญย ปั์ว ธ้วด หฒั่ง เหญี่ย เญย เฒี่ยน,
21ทิน-ฮู่ง ไม้ เฒ์ย ไฮ่ ฒ่า ธ้วด น้าย เต๋ย สี่ ไฟ?
เหว่ย หฒุ นิ่น ฮิ้ว ตุ๊ เมี่ยน เญย เฮญี้ยว เกม เจี๊ยน เญย สี่.
22เหว่ย เม่ย เยีย บัว เฒี่ยง ฮนอย หฒุ เมี่ยน ไต๋ เจี๊ยน เยียม.
เมี่ยน ฝุน เยีย บัว ฮนั้ง เป๋น อ๋อย หฒุ ไต๋ เญย ปะกี ยู่ง นอ.#โลมา 8:36
23โอ เฒี้ยว อ้า! เญีย ต้าย ม่าะ! เม่ย เหว่ย หาย ติ่ว มฌ่อม?
เจี์ย ซิน อ๊ะ, ไม้ ตู๋ง เหยียด ลิ์ว กวั่ง เยีย บัว.
24เม่ย เหว่ย หาย ติ่ว ปวัง เม่ย เญย เฮมียน ไม้ หมั่ง เยีย?
เม่ย เหว่ย หาย ติ่ว หละคุ เยีย บัว หฒุ โค้ว หน่าน, หฒุ เสย เญย สี่.
25เยีย บัว หฒุ บ๊าบ เหฌี่ย เถา เนีย-บูง,
เฒี่ยง ซิน แน้ด เจี๊ยน เดา-เป้ย.
26โท้ เม่ย ต้าย เถง เยีย บัว.
เหว่ย หฒุ เม่ย เหฒียบ ฒัวะ เญย ฮนั้ม เมี่ยน, โท้ เหฌียว เยีย บัว.
Currently Selected:
สีง ฑูง 44: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
