สีง ฑูง 42
42
ตะเหญ่ย ป๊วน
(สีง ฑูง 42—72)
สีง ฑูง 42#42 ม่าย เต๋ย โล์-ฮนอย ฮิบลู หว่า เญย โซว เฒาะ 42 เหธา 43 วั้ว เต๋ย อี ติ้ว ฑูง กั๊บ ต้าย เป๋น เหยียด ติ้ว.
หฒุ เล่ย หฒั่ง ทิน-ฮู่ง เญย เปย๊า, ไฮ์ หง่อ ทิน-ฮู่ง
จิว ปุน ต้อ ฑูง เญย เมี่ยน. โคลา เญย เฒ้ย-ฟุน เญย เหยียด ติ้ว มัดคิน ฑูง.
1โอ ทิน-ฮู่ง อ่า, เยีย เญย เฮญี้ยว หง่อ เม่ย
ฮนั้ง ไฌ่ หง่อ โด๊ะ เญย ววม-ต้าย นอ.
2เยีย เญย เฮญี้ยว หง่อ ทิน-ฮู่ง, เซ เฒี่ยง เจี๊ยน เญย ทิน-ฮู่ง.
เยีย เถา หาย หฒั่น หธีง ตุ๊ มี่ง ปวัด ทิน-ฮู่ง เญย เฮมียน?
3เยีย เฒี่ยง ฮนอย เฒี่ยง ม์วน
หญั่น ววม-เหมว่ย ต๋อง หฮนาง.
เมี่ยน หย่า ไม้ ตี้ง เลี่ยว เญย หน่าย เยีย,
“เม่ย เญย ทิน-ฮู่ง เยียม หาย?”
4เยีย จั๋ง หฒุ น้าย เต๋ย เหฒีย หญู่ง สี่
เยีย เฮญี้ยว มุน เจี๊ยน เยียม.
เยีย จั๋ง หฒุ ฒิ่น ด่าง เหธา เมี่ยน ธั้ม มี่ง.
เยีย ต้อ เจี๊ยน นิ่น บัว เปียะ หฒั่ง ทิน-ฮู่ง เญย เปย๊า.
หฒวัง เมี่ยน ล่ม ฑ่อย เจี๋ย ฒิบ,
เห่ว เจี๊ยน ป๋าว ฑูง แล์ง ฒี่ง.
5เยีย เหว่ย หาย ติ่ว ด่ง น้าย เฑ่า?
เยีย เญย เฮญี้ยว เหว่ย หาย ติ่ว พานๆ พัวะๆ เญย?
อ๋อย หฒุ เขา ทิน-ฮู่ง ม่าย ลั่ม ฮนั้ม ต๋อง
เหว่ย หฒุ เยีย แอ๋ง ตุ๊ เธง นิ่น,
ต้ง เหฌียว เยีย หย่า โหฒว เยีย เญย ทิน-ฮู่ง.#42:5 หฒิว ฮิบลู หว่า เยีย เญย ทิน-ฮู่ง วั้ว เต๋ย หว่า เยียม ตะหลัวะ วั้ว เหยี่ยม กอน.
6เยีย เญย เฮญี้ยว หฒะเก้ง มุน ไห่,
เยีย ฯฒฯ เยียม จอแดน เต่ย,
เหธา เฮโมน บง เหธา มิซา บง จั๋ง หฒุ เม่ย.
7ววม ด๊อด เม่ย เญย ต้ม แบ๋ง ฮนั้ง บะอง นอ, ฌุ่นๆ เญย บุย.
โด เญย ต๋อง แอ๊ง เปียะ โด เญย ต๋อง.
เม่ย เญย ต้ม ววม-หล่าง
ฆ์ม เจี๋ย เยีย กู้ หงว่าย.
8ลู่ง ฮนอย หฒั่น เฒี้ยว หล่าว ย่าง นิ่น เหฒียบ ฒัวะ ฮนั้ม เญย เจ๊า,
ลู่ง ม์วน หฒั่น ปุน เยีย ป๋าว นิ่น เญย ฑูง
เต๋า เก๋า ปุน เยีย เญย เฒี่ยง แหม่ง เญย ทิน-ฮู่ง.
9เยีย ก๊อง บั๋ว เยีย เญย หละเปย๊ย, เซ ทิน-ฮู่ง,
“เม่ย เหว่ย หาย ติ่ว หละคุ เยีย?”
เยีย เหว่ย หาย ติ่ว อ๋อย หฒุ หฒั่นๆ เฑ่า เญี้ยม,
หลาย วิน-วั้ง ห่อย เจี๊ยน เยีย?
10เยีย เญย วิน-วั้ง ฮว้วด เยีย
ฮนั้ง โหฒว ปุน เยีย เญย บู๊ง เน้า เหฑ่ง.
นิ่น บัว ไม้ ตี้ง เลี่ยว เญย หน่าย,
“เม่ย เญย ทิน-ฮู่ง เยียม หาย?”
11เยีย เญย เฮญี้ยว เหว่ย หาย ติ่ว ด่ง น้าย เฑ่า?
เยีย เญย เฮญี้ยว เหว่ย หาย ติ่ว
พานๆ พัวะๆ เญย?
อ๋อย หฒุ เขา ทิน-ฮู่ง ม่าย ลั่ม ฮนั้ม ต๋อง
เหว่ย หฒุ เยีย แอ๋ง ตุ๊ เธง นิ่น,
ต้ง เหฌียว เยีย หย่า โหฒว เยีย เญย ทิน-ฮู่ง.
Currently Selected:
สีง ฑูง 42: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
