สีง ฑูง 41
41
สีง ฑูง 41
ปุ๊ด-แป่ง เมี่ยน เต๋า เก๋า เญย หว่า
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง.
1ม่าย เฮญี้ยว จั๋ง เมี่ยน จ่ม เมี่ยน, วั้ว เต้า ม่าย เฌียน-โย่ว อ๊ะ.
หฒุ โค้ว เญย ฮนอย-เหญียะ เฒี้ยว อ๋อย เหฌียว นิ่น.
2 เฒี้ยว เปว เจี๊ยน นิ่น, ปุน นิ่น ม่าย แหม่ง เฒี่ยง.
เยียม วั้ว นอม เต่ย-ปูง เมี่ยน อ๋อย เห่ว นิ่น โหฒว “ตุ๊ ฟุ เญย เมี่ยน.”
โท้ ไม้ ตู๋ง เฒาะ นิ่น จิว ปุน วิน-วั้ง เซว่ย กั้น เญย เฮญี้ยว หั่น โหฒว.
3นิ่น ปุ๊ด แป่ง เปว๋ย เจี๊ยน โหธว เญย เฒี่ยง โห่ เฒี้ยว อ๋อย โก๋ว นิ่น.
ม่าย แป่ง วั้ว หฒั่น เม่ย ฒู้ง อ๋อย หฒ่อ นิ่น หลง ต้าย.#41:3 ไฟ “หฒ่อ นิ่น เญย เหยียด ฒู้ง แป่ง หลง.” ฮิบลู หว่า ก๊อง “นิ่น เญย เหยียด ฒู้ง โหธว”.
4เยีย ก๊อง, “โอ เฒี้ยว อ้า! โท้ ค้อ-เลี่ยน เยีย, โท้ หฒ่อ เยีย หลง,
เหว่ย หฒุ เยีย ป์าม ฒุ์ย ต่อง เม่ย.
5เยีย เญย วิน-วั้ง ก๊อง โตะ เยีย.
นิ่น บัว ก๊อง, “นิ่น เถา หาย หฒั่น หธีง ไต่ นี?
นิ่น เญย บั๋ว เถา หาย หฒั่น หธีง หฒุ เหมียด?”
6หาย เต้า ต้าย หมั่ง เยีย,
ขูง ก๊อง จ๊า หว่า#41:6 ไฟ ขูง-หว่า. ฮนั้ง.
นิ่น เญย เฮญี้ยว เฑ์า ไม้ เป๋น เญย เจ๊า.
ธ้วด มี่ง เถา หาย, นิ่น ฒุ่น เจี๊ยน มี่ง.
7ฑอง เยีย วั้ว เต๋ย เหยียด ฒู้ง หล่ง หว่า-ซับ ก๊อง เถา เยีย,
นิ่น บัว หล่าย เยีย ตุ๊ ปวั้ง เก้า เธี้ยว เจี๋ย เญย สี่.
8นิ่น บัว ก๊อง, “นิ่น หฒุ เธี้ยว ไห่ เญย แป่ง ห่อย นิ่น อ๊ะ.
นิ่น เปว๋ย เจี๊ยน โหธว เหยียด ลิ์ว ไม้ ตุ๊ แอ๋ง เจี์ย ซิน.”
9เลี่ยม เยีย เก้า หฒัวะ เจี๋ย เญย โล์-แกง ต่อย,
เซ เยีย ปู๋ง เฮญี้ยว วั้ว เต้า,
ต้ง เหธา เยีย จวั่ง หฮนาง หญั่น เญย เมี่ยน,
หย่า เบี๊ยน เฮญี้ยว#41:9 เฮญี้ยว ฮิบลู หว่า ก๊อง เหฒา-โฆ. ปุน เยีย.#มัดทาย 26:23; มาโค 14:18; ลูกา 22:21; โยฮัน 13:18
10โอ เฒี้ยว อ้า! โท้ เม่ย ค้อ-เลี่ยน เยีย, ปุน เยีย หลง,
เถง เยีย เจี์ย ซิน ต้าย, ไฮ่ จ๊าว วิน ปุน นิ่น บัว.
11เยีย ฯฒฯ ฮิ้ว ตุ๊ เม่ย อะเฮน้ย เยีย,
เหว่ย หฒุ เยีย เญย วิน-วั้ง ไม้ ไฮ่ ฮี่ง เจี๋ย เยีย.
12เม่ย ป๊า เจี๊ยน เยีย เหว่ย หฒุ เยีย เฮญี้ยว หฒีง,
เม่ย หย่า ปุน เยีย เหยียด ลิ์ว เยียม เม่ย เญย หฑะเฮมียน.
13เธง เฒี้ยว, อิสะลาเอน เญย ทิน-ฮู่ง.
อ๋อย หฒุ เธง เยียม โล์-ฮนอย เถา หม่าน โก๊ว หม่าน ต่อย.
อาเมน เหธา อาเมน.#สีง ฑูง 106:48
Currently Selected:
สีง ฑูง 41: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
