สีง ฑูง 39
39
สีง ฑูง 39
เฒี่ยง เสย หฒั่ง ไฮ์ ไม้ ลั่ม หล่ง, เขา เฒี้ยว ม่าย ลั่ม หล่ง
จิว ปุน ต้อ ฑูง เญย เมี่ยน. ปุน เยดูทูน.#39 เยดูทูน เป๊ย หมั่ง 1 ฒุ่น ต่อย โต้ว 16:41. ดาวิด โหฒ่ เญย สีง ฑูง.
1เยีย ก๊อง, “เยีย อ๋อย บู้ง เยีย เญย เจ๊า,
เหว่ย ปุน เยีย เญย ฑุ่ย#39:1 ฮิบลู หว่า ก๊อง เบียด. ไม้ ป์าม ฒุ์ย.
ตะฟ่าน เอ๊าะ เมี่ยน เยียม เยีย เญย หฑะเฮมียน
เยีย อ๋อย หฆับ เจี๊ยน เยีย เญย ฑุ่ย, ไม้ โค โล.#39:1 ฟาน หฒะ ก๊อง “เยีย อ๋อย หล่ง ฮั่น โค้ว ฟับ เยีย เญย ฑุ่ย”.
2เยีย เซ้ก เหฑียะ เญย, ไม้ โค โล.
เยีย ไม้ ก๊อง หว่า มป่า ไม้ เถง หาย หญู่ง เยีย.
เยีย เญย เฮญี้ยว เฑ่า โค้ว เจี๊ยน ฝาว.
3เยีย เญย เฮญี้ยว กะญั์ว หฒะเก้ง เฑ่า ตุ๊ โค้ว ไห่.#39:3 ฮิบลู หว่า ก๊อง เฮญี้ยว กะญั์ว จอม.
เยีย ฮนั้ม เญย เฒี่ยง โห่ ฮนั้ง โต์ว เหฒียะ เจี๊ยน เยีย เญย เฮญี้ยว นอ,
เยีย ฯฒฯ ก๊อง ธ้วด หว่า.
4โอ เฒี้ยว อ้า! โท้ ปุน เยีย ฮิ้ว ตุ๊ เยีย เซ้ด เมว์ย เญย ฮนอย-เหญียะ.
เยีย ไฮ่ เฒี่ยง ตุ๊ ด่ง หาย เล่า?
โท้ ปุน เยีย ฮิ้ว ตุ๊ เยีย เญย แหม่ง อ๋อย เจี๋ย ด่ง หาย เซี้ยบ.
5เม่ย ปุน เยีย เฒี่ยง เญย ฮนอย-เหญียะ ด่ง อี เหฒีย ปั์ว-ฒ้าง จั๊ง.#39:5 เอ๋ย เล์ย เซ แหม่ง เฒี่ยง ไม้ ด๊าว.
หฒิว เม่ย หมั่ง เยีย เหยียด เสย เญย แหม่ง เซ ฮนั้ง ไม้ ม่าย หาย หญู่ง อ๊ะ.
เก๊าะ-เมี่ยน เญย แหม่ง ขูง ฮนั้ง เท้า หฑุ่น เฉีย นอ. เซลา
6ป้าม เมี่ยน มี่งๆ ต้ายๆ ฮนั้ง ต้ง ลิ่น นอ,
นิ่น บัว หลุ่น เจี๊ยน เยียม หย่า ไม้ ลั่ม หล่ง.
ป้าม เมี่ยน หฒ่อน ต้าย เญย กะน้าย ดุย เจี๊ยน
มป่า ไม้ ฮิ้ว ตุ๊ หาย เต้า ตุ๊ เซียว.
7“เฒี้ยว อ้า! เยีย อี้ หฒั่น ฒั้ว หาย หญู่ง?
เยีย เขา เม่ย ม่าย ลั่ม ฮนั้ม ต๋อง.
8โท้ เหฌียว เยีย เล่ย ดุ๊ด เยีย เญย เหยียด ฒู้ง ฒุ์ย,
ไม้ ตู๋ง ปุน เมี่ยน หฮงง เมี่ยน จั๊ด เยีย.
9เยีย เซ้ก เหฑียะ เญย, ไม้ ก๊อง หว่า,
เหว่ย หฒุ เซ เม่ย กั้น ปุน เยีย ฮนั้ง น้าย เสี่ยว โค้ว.
10โท้ เม่ย เฒาะ ฆอย เม่ย ปุน เยีย หฒุ เญย เหฒะ หน่าน.
เยีย หฒุ เม่ย เญย ปั์ว เบ๊าะ เถา อ๊า ลั่ม ไต่ อ๊ะ.
11หลาย เมี่ยน โหฒว ฒุ์ย เม่ย ก๊อง-เหม เหว่ย เบ๊าะ หฌาว.
เม่ย เหมียด เมี่ยน ฮนั้ม เญย กะน้าย ฮนั้ง แกง#39:11 แกง ฟาน หฒะ นอ, เป๋น แปะ เหยียะ. หงาด หว่าย เหฑ่ง นอ.
เต้าๆ ป้าม เมี่ยน เญย แหม่ง เซ ฮนั้ง เท้า เหยียด หฑุ่น เฉีย ฮนั้ง. เซลา
12“โอ เฒี้ยว อ้า! โท้ หมวัง เยีย เต๋า เก๋า เญย หว่า.
โท้ หมวัง เยีย เห่ว เจี๊ยน โจ้ว เญย หว่า.
เยีย เญย ววม-เหมว่ย เหลี่ยว เจี๊ยน โท้ ไม้ ตู๋ง โหฒว ฮนั้ง ไม้ ไฮ์ นอ.
เหว่ย หฒุ เยีย โหฒว ฮนั้ง เม่ย เญย เจี๋ย เจ๊า เญย แคะ เมี่ยน,
ตี้ง เฒ้บ ตั้ง ป๊า ฮนั้ง เยีย เญย หฒวัง อง-ถาย นอ.
13โท้ ฮวิน กั้น ปูง ไม้ หมั่ง เยีย เหว่ย ปุน เยีย แอ๋ง ตุ๊ เต๋ย ออน-เหลาะ.
เยีย หธีง ต้าย เล่ย ฆอย, ไม้ เยียม อ๊ะ.”
Currently Selected:
สีง ฑูง 39: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
