สีง ฑูง 38
38
สีง ฑูง 38
ด๊อด หน่าน เมี่ยน เต๋า เก๋า เญย หว่า
ดาวิด โหฒ่ เญย สีง ฑูง. หล่ง เหว่ย ฝ่ง ห่อ เหฒี่ย จั๋ง เญย ป่วน.#38 เป๊ย หมั่ง เลวี 2:2.
1โอ เฒี้ยว อ้า! ไม้ ตู๋ง เฉีย เจี์ย, เหม เยีย,
หย่า ไม้ ตู๋ง โน์ว เยีย, ตี่ง เยีย เญย ฒุ์ย.
2เหว่ย หฒุ เม่ย เญย ฟอง-ธัง ป๊วน เปียะ เยีย กะญั์ว,
เม่ย เญย ปั์ว เหฌี่ย ต้าย งัด เจี๊ยน เยีย.
3เหว่ย หฒุ เม่ย โน์ว เยีย, เยีย เญย ซิน หธีง ไม้ หวั่ง เสียง.
หลาย เยีย เญย ฒุ์ย เยีย#38:3 เยีย ฮิบลู หว่า ก๊อง เยีย เญย บู๊ง. เป๋น แป่ง หมี่ อ๊ะ.
4เยีย โหฒว ต่อง เญย ฒุ์ย เหยียม เก้า ฮลัง เจี๋ย เยีย เญย มฆ้อง,
หย่า ฮนั้ง กะน้าย เฮนี้ย เจี๋ย ด่าง เยีย เญย ชะ.
5หลาย เยีย โหฒว หฮงง เญย สี่
เยีย มุน เญย ต๋อง เหฒวย หย่า ฮู้.
6เยีย หฒุ โค้ว, โด๊ะ เหฌี่ย, ฒู้ง บ๊าบ เหฌี่ย เดา.
เฒี่ยง ฮนอย เฒี่ยง ม์วน เฑ่า เญี้ยม เจี๊ยน เยียม.
7เยีย เญย จ๊าย จอม ฮนั้ง โต์ว ปั๊ว เจี๊ยน นอ,
เยีย เญย ซิน ไม้ ม่าย เหยียด นอม ต๋อง หวั่ง เสียง.
8เยีย เซวย เหฑ่ง, โค้ว เถา เดี๊ย.
เยีย เญย เฮญี้ยว มุน, ฌุ่น เจี๊ยน เยียม.
9เฒี้ยว อ้า! เยีย เญย เฮญี้ยว อ๋อย หล่ง เญย เม่ย ฮิ้ว เหฑ่ง หมี่ อ๊ะ.
เยีย ฌุ่น เจี๊ยน เญย เฉีย ปี๋ง ไม้ เบว์ย เม่ย.
10เยีย เญย บะฑิว ต์ง เสย เญย, เยีย เญย ชะ หย่า เมา เจี๊ยน เหฌี่ย.
เลี่ยม เยีย เญย มฒีง ฒู้ง ไม้ ฌัง อ๊ะ.
11หลาย เยีย เญย เหฒะ หน่าน เยีย เญย ต่อย เหธา ก๋อ-โย์ว ซิ้ม เยีย โก,
เยีย เญย เธียน-เธะ หย่า ซิ้ม เยีย โก ไห่.
12อ๋อย เฒาะ เยีย เญย แหม่ง วั้ว เต๋ย แฒง นิ่น บัว เญย มู์ง.
อ๋อย ห่อย เยีย วั้ว เต๋ย ขูง ก๊อง ฮนั้ง หาย นอ ไฮ่ ปุน เยีย หฒุ ป่าย,
นิ่น บัว เฒี่ยง ฮนอย ต๊า หฒะเอ๋ย ดั๊ว เยีย.
13มป่า เยีย ฮนั้ง มน่อม ดูง เญย เมี่ยน หมวัง ไม้ ไฮ์.
หย่า ฮนั้ง กะน้าย-หฮงง, ไม้ ไฮ่ ก๊อง หว่า.
14เยีย ฮนั้ง เหยียด เต้า หมวัง ไม้ ไฮ์ เญย เมี่ยน,
ฑุ่ย ไม้ ไฮ่ เตา.
15โอ เฒี้ยว อ้า! เยีย ฒั้ว เจี๊ยน เม่ย.
โอ เฒี้ยว, เยีย เญย ทิน-ฮู่ง อ้า! เม่ย ฒู้ง อ๋อย เตา เยีย.
16เหว่ย หฒุ เยีย เต๋า เก๋า ก๊อง, “เยีย เญย เหฒา ธ้าย พยัด เญย เฒี่ยง โห่,
ไม้ ตู๋ง ปุน นิ่น บัว จั๊ด เยีย ไฟ เธง-โฮล.”
17เหว่ย หฒุ เยีย ฒู้ง อ๋อย ดอบ ไห่ อ๊ะ.
เยีย หย่า หฒั่นๆ มุน เจี๊ยน เยียม.
18เยีย เหญี่ยม เยีย เญย ฒุ์ย,
เยีย เหว่ย เยีย เญย ฒุ์ย เฑ่า.
19เยีย เญย วิน-วั้ง โหย่ว ธั้ม โหย่ว เฮ้น.
ฑอง เยีย มป่า ไม้ ม่าย กอน-แป๋ง เญย เมี่ยน หย่า ม่าย ธั้ม.
20หล่ง เอ๊าะ สี่ จ๊าว เยีย โหฒว เญย คู้ สี่ วั้ว เต๋ย เหธา เยีย ต๋อย-เตก,
เหว่ย หฒุ เยีย ขูง ล์อ โหฒว หอบ เญย เจ๊า ฮนั้ง.
21โอ เฒี้ยว อ้า! โท้ ไม้ ตู๋ง กวั่ง เยีย.
โอ เยีย เญย ทิน-ฮู่ง อ้า! ไม้ ตู๋ง เล่ย โก เยีย.
22เหฌียว เยีย วั้ว เต้า เฒี้ยว อ้า!
โท้ เซี้ยบๆ เญย ต้าย เถง เยีย.
Currently Selected:
สีง ฑูง 38: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
