สีง ฑูง 36
36
สีง ฑูง 36
เอ๊าะ เมี่ยน โหฒว เอ๊าะ สี่
จิว ปุน ต้อ ฑูง เญย เมี่ยน. เฒี้ยว เญย โปว, ดาวิด, โหฒ่ เญย สีง ฑูง.
1ฒุ์ย เยียม เอ๊าะ เมี่ยน เญย เฮญี้ยว โด เญย ต๋อง เหธา เอ๊าะ เมี่ยน ก๊อง.
หฒิว นิ่น เญย มฒีง หมั่ง, นิ่น ไม้ หฒุ กั้ม เหฑีย ทิน-ฮู่ง.#โลมา 3:18
2นิ่น เธง นิ่น กั้น เญย ฮ่า ป้า ปวัง,
หล่าย ไม้ ม่าย หาย เต้า ไฮ่ ฮิ้ว ไฟ ฑอง นิ่น เญย ฒุ์ย.#36:2 ไฟ “นิ่น ฯฒฯ เฒียะ ไม้ ตุ๊ กั้น เญย ฒุ์ย หย่า ไม้ โหยว”.
3นิ่น เญย ฑุ่ย ก๊อง เอ๊าะ เญย หว่า, ก๊อง-แปะ ดั๊ว เมี่ยน.
ธง-เม่ง เญย เจ๊า เหธา คู้ สี่ นิ่น ตี้ง, ไม้ โหฒว อ๊ะ.
4นิ่น เปว๋ย เจี๊ยน โหธว ฮนั้ม ธ้วด โหฒว หว่าย เญย สี่.
นิ่น ตี่ง เฮญี้ยว โหฒว ไม้ เป๋น เญย เจ๊า,
นิ่น หย่า ไม้ เฆ่ม โหฒว เอ๊าะ เญย สี่.
5โอ เฒี้ยว อ่า, เม่ย เหฒียบ ฒัวะ ฮนั้ม เมี่ยน เญย เฮญี้ยว เซ แบ่ง ลู่ง ฮลัง.
เม่ย เหฒียบ ฒัวะ เญย เฮญี้ยว แบ่ง ด๊าม-ลู่ง.#36:5 ฟาน หฒะ ก๊อง แบ่ง บ๋วน.
6เม่ย เซ แป้ง ฟิม ฮนั้ง ทิน-ฮู่ง เญย หฒวัง บง.
เม่ย ตุ๋น สี่ เซ ฮนั้ง โด ไห่ เญย ค้อย.
โอ เฒี้ยว อ่า, เมี่ยน ม่าน เหธา แซง-คู้ เม่ย หย่า เหฌียว.
7โอ ทิน-ฮู่ง อ่า, เม่ย เหฒียบ ฒัวะ เญย ฮนั้ม เมี่ยน เซ หฒะเก้ง จ๋าย ไห่.
ป้าม เมี่ยน โฮลๆ ไฝๆ
เยียม เม่ย เญย ด๊าด-เดี๊ย เญย ต้ง ลิ่น.
8นิ่น บัว หญั่น เยียม เม่ย เญย เปย๊า ปู๋ง-หฒัวะ เญย กะน้าย เป๊ว,
เม่ย หย่า ปุน นิ่น บัว ฮบ เม่ย เญย ออน-เหลาะ ด้าย เญย ววม.
9เหว่ย หฒุ เยียม วั้ว ม่าย เฒี่ยง แหม่ง เญย ววม-ฒี้ง.
เยียม เม่ย เญย ฌัง เยีย บัว ตุ๊ ปวัด ฌัง.
10โท้ เม่ย เหฒียบ ฒัวะ เญย ฮนั้ม เจี๊ยน มี่ง ต้ง ฮิ้ว ตุ๊ เม่ย วั้ว เต๋ย,
หย่า แป้ง ฟิม เญย โหฒว ปุน เฮญี้ยว หฒีง เญย เมี่ยน.
11โท้ ไม้ ตู๋ง ปุน โหฒว เหมา เญย เมี่ยน เญย เหฒา ธ้าย เยีย,
หย่า ไม้ ตู๋ง ปุน เมี่ยน หว่าย เมี่ยน เญย ปั์ว หฒุ่น เยีย เปย๋า.
12หมั่ง ม่าะ! โหฒว เอ๊าะ เญย เมี่ยน คีง เหฌี่ย เปว๋ย เจี๊ยน วั้ว.
นิ่น บัว หฒุ ฟ้ง ดอบ มี่ง, ไม้ ไฮ่ แอ๋ง เจี์ย ซิน ต้าย.
Currently Selected:
สีง ฑูง 36: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
