สีง ฑูง 30
30
สีง ฑูง 30
เต๋า เก๋า ตอ-เหฒี่ย เฒี้ยว หฒ่อ แป่ง หลง
ดาวิด โหฒ่ เญย สีง ฑูง. เฒาะ หฒั่ง เฒี้ยว เญย เปย๊า#30 ไฟ ฮู่ง ติ่น. ฝูง ปุน เฒี้ยว เญย เฒี่ยง โห่ ป๋าว เญย สีง ฑูง.
1 เฒี้ยว อ่า, เยีย เธง เม่ย
เหว่ย หฒุ เม่ย เฒาะ เยีย เยียม โด เญย ต๋อง ธ้วด ต้าย,
ไม้ ปุน เยีย เญย วิน-วั้ง จั๊ด เยีย.
2โอ เฒี้ยว, เยีย เญย ทิน-ฮู่ง อ้า!
เยีย เห่ว เจี๊ยน เม่ย เถง,
เม่ย หย่า หฒ่อ เยีย หลง.
3โอ เฒี้ยว อ่า, เม่ย เหฌียว เยีย เยียม เยี่ยม เกน ธ้วด ต้าย,
ปุน เยีย ตุ๊ แหม่ง เฒี่ยง, ไม้ หฒุ เหฌี่ย เยี่ยม เกน.
4โอ เฒี้ยว เญย ธีง-เหฑ่ง แปะ ฝีง อ้า!
อ๋อย หฒุ ป๋าว ฑูง เธง นิ่น.
อ๋อย หฒุ ตอ-เหฒี่ย นิ่น เญย ธีง-เหฑ่ง บั๋ว.
5นิ่น โน์ว เมี่ยน เซ เหว่ย ดุ ตั้ง ฮนั้ง,
มป่า นิ่น เญย เอน-ฒี่ง เซ เหว่ย เหยียด เสย.
ไม้ กุ๊น เฒี่ยง ม์วน เญี้ยม,
มป่า เถา ลู่ง ดอม เฌียน-โย่ว อ๊ะ.
6เยีย กั้น แอ๊ะ, เยียม หม่าน สี่ ปู๋ง-หฒัวะ เญย เฒี่ยง โห่ เยีย ก๊อง,
“เยีย เหยียด ลิ์ว ไม้ หฒุ กีง-ต์ง.”
7โอ เฒี้ยว อ่า, เม่ย เญย เอน-ฒี่ง
เหลียบ เยีย ฮนั้ง นอม ว้วน เญย บง นอ.
มป่า เม่ย ปวัง เม่ย เญย เฮมียน ไม้ หมั่ง เยีย,
เยีย ฯฒฯ กั้ม เหฑีย ไห่.
8โอ เฒี้ยว อ้า! เยีย เห่ว เจี๊ยน เม่ย.
เยีย ตอง เจี๊ยน เฒี้ยว โท้ เม่ย เถง.
9“สี ก๊อง เยีย ไต่
แอ๋ง หฒุ มี่ง เยียม เยี่ยม เกน,
ม่าย หาย หญู่ง ม่าย ลั่ม หล่ง?
เนีย-บูง ไฮ่ เธง เม่ย เญย ไฟ?
ไฮ่ ก๊อง เม่ย เหฒียบ ฒัวะ เญย เจ๊า ไฟ?
10โอ เฒี้ยว อ้า! โท้ เม่ย หมวัง เยีย หย่า ค้อ-เลี่ยน เยีย.
โอ เฒี้ยว อ้า! โท้ เม่ย เถง เยีย.
11เยีย เฑ่า เญี้ยม, เม่ย ปุน เยีย หธัง เหย,
เม่ย ไจ๊ ฆอย เยีย เญย ล่าม่า เดีย-โธว เญย ลุย,#30:11 เมี่ยน ฒุ ล่าม่า เดีย-โธว ปุน ธีง นิ่น บัว เฑ่า ไห่. ก๊อย เป๋น เฌียน-โย่ว,
12ปุน เยีย เญย เฮญี้ยว ไฮ่ เธง เม่ย, ฒู้ง ไม้ ไฮ่ เซ้ก.
โอ เฒี้ยว, เยีย เญย ทิน-ฮู่ง อ้า!
เยีย อ๋อย หฒ่ง ฒี่ง เม่ย เถา เหยียด ลิ์ว.
Currently Selected:
สีง ฑูง 30: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
