สีง ฑูง 147
147
สีง ฑูง 147
เธง เฒี้ยว เหว่ย หฒุ นิ่น เหธย เอน ปุน เยลูซาเลม
1อ๋อย หฒุ เธง เฒี้ยว. #147:1 ฮิบลู หว่า ก๊อง ฮาเลลูยา. เยียม 147:20 ฟี่ ฮนั้ง เญย.
ป๋าว ฑูง เธง เยีย บัว เญย ทิน-ฮู่ง เซ หฒะเก้ง หลง ไห่.
เธง นิ่น เซ หฒะเก้ง หอบ#147:1 ม่าย เต๋ย โซว ฟาน ต้าย ก๊อง นิ่น ค้อ-เลี่ยน เมี่ยน. หย่า ผุย ไห่.
2 เฒี้ยว เหธย เยลูซาเลม เจี์ย ต้าย.
นิ่น เซียว ฒุ้น หฒุ กว๊าด มี่ง หฑาน เหฑ่ง เญย อิสะลาเอน เมี่ยน.
3หฒุ เฮญี้ยว มุน โค้ว เญย เมี่ยน นิ่น หฒ่อ หลง
หย่า เปว เจี๊ยน นิ่น บัว หฒุ มุน เญย ต๋อง.
4นิ่น ตี่ง เหฒียง เหฮลย เญย โสว โหม่ว,
เถง นอมๆ เหฮลย ธ้วด บั๋ว.
5เยีย บัว เญย เฒี้ยว หฒะเก้ง โฮล ไห่, ม่าย ต้ม ชะ.
นิ่น เญย ธง-เม่ง เจี๋ย ด่าง ไฮ่ เดาะ ตุ๊ เถา.
6 เฒี้ยว โป้ว หฒุ เหฒย เญย เมี่ยน ฝาว,
เฒาะ เอ๊าะ เมี่ยน ฒอย เหฌี่ย เดา.
7อ๋อย หฒุ ตอ-เหฒี่ย, ป๋าว ฑูง เธง เฒี้ยว,
หล่ง ต้าน ป้า พัด ฑูง ปุน เยีย บัว เญย ทิน-ฮู่ง.
8นิ่น หล่ง บ๋วน อม เจี๊ยน ลู่ง,
นิ่น หลิ่ว เล์ย บยู่ง ตุ้ย เหฌี่ย เดา,
ปุน เมี้ย ธ้วด เยียม บง กู้ หงว่าย.
9นิ่น เหธย หญั่น ฮบ ปุน แซง-คู้,
เหธา เห่ว เจี๊ยน เญย เหนาะ อา ตอน.
10นิ่น อะเฮน้ย เญย เซ ไม้ เฒ์ย ม์า เญย ชะ,
หย่า ไม้ เฒ์ย อะเฮน้ย ป้าม เมี่ยน เญย เหฒา.#147:10 ไฟ “เบ๊าะ จ๋า เฮ้น เญย แปง”.
11 เฒี้ยว อะเฮน้ย เญย เซ ท่าย นิ่น เญย เมี่ยน,
ต้ง เขา นิ่น เหฒียบ ฒัวะ ฮนั้ม เมี่ยน เญย เฮญี้ยว วั้ว เต๋ย.
12โอ เยลูซาเลม อ้า! อ๋อย หฒุ เธง เฒี้ยว.
โอ สิโอน อ้า! อ๋อย หฒุ เธง เม่ย เญย ทิน-ฮู่ง.
13นิ่น ปุน เม่ย เญย ฒี่ง หลาด เญย แก้ง ซอน ว้วน,
เหธย ฟุ ปุน เยียม เม่ย กะญั์ว เญย น่าม โญ์ว.
14นิ่น ปุน เม่ย เญย กั๊บ-จ๋าย กะญั์ว ถาย-แป้ง,
ปุน เก้า หลง เจี๋ย เญย เบย้า เม่ย บัว ตุ๊ หญั่น เป๊ว.
15นิ่น ปุน นิ่น เญย หลี่ง ธ้วด มี่ง ก๋อม ลู่ง เดี๊ย,
นิ่น เญย หว่า มี่ง เซี้ยบ เญย.
16นิ่น ปุน ซอง ฮนั้ง ปะกี ยู่ง เปยย,
ปุน บยู่ง-ซุ้ย กิ๊ด ต้าย หฑาน มี่ง ฮนั้ง ซ้าย นอ.
17นิ่น ปุน ตุ้ย เปาะ เหฌี่ย ฮนั้ง หละเปย๊ย-หม่วน นอ.
นิ่น ปุน หฑยาว-หนัม ป่วน ต้าย, หาย เต้า ไฮ่ เตี๊ย ตุ๊!
18นิ่น เยี้ยด ก๊อง ธ้วด หว่า, น้าย เต๋ย หยุ เหฑ่ง.
นิ่น ปุน นิ่น เญย หฑยาว ป่วน ต้าย, ววม ฯฒฯ เหลี่ยว.
19นิ่น เฒาะ นิ่น เญย หว่า ปุน ยาโค้บ,
นิ่น เญย เล์ย-เหญ่ย เหธา เล์ย จิว ปุน อิสะลาเอน.
20นิ่น ไม้ ฮนั้ง น้าย โหฒว เหว่ย กั้น ฝีง เมี่ยน,
นิ่น บัว ไม้ ฮิ้ว ตุ๊ นิ่น เญย เล์ย.
อ๋อย หฒุ เธง เฒี้ยว.
Currently Selected:
สีง ฑูง 147: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
