สีง ฑูง 146
146
สีง ฑูง 146
เธง เฒี้ยว เหว่ย นิ่น โหฒว แป้ง ฟิม เญย สี่
1อ๋อย หฒุ เธง เฒี้ยว. #146:1 ฮิบลู หว่า ก๊อง ฮาเลลูยา. เยียม 146:10 ฟี่ ฮนั้ง เญย.
เยีย เญย เฮญี้ยว อ่า, อ๋อย หฒุ เธง เฒี้ยว.
2ตะฟ่าน เยีย เฒี่ยง เจี๊ยน เญย ฮนอย-เหญียะ เยีย อ๋อย เธง เฒี้ยว.
เยีย เหยียด เสย อ๋อย ป๋าว ฑูง เธง เยีย เญย ทิน-ฮู่ง.
3เม่ย บัว ไม้ ตู๋ง เขา โหฒว โฮล เญย เมี่ยน,
ไม้ ตู๋ง เขา ป้าม เมี่ยน,
เหว่ย หฒุ นิ่น บัว ไม้ ไฮ่ เถง ไม้ ตุ๊.
4นิ่น เยี้ยด ตั๋ง เฉีย ฯฒฯ หฑวน เป๋น เนีย.
ต้ง วั้ว ฮนอย นิ่น ต๊า เญย หฒะเอ๋ย หฒุ เหมียด เหฑ่ง หมี่ อ๊ะ.
5ม่าย ยาโค้บ เญย ทิน-ฮู่ง เถง วั้ว เต้า ม่าย ออน-เหลาะ,
เซ เขา เฒี้ยว, นิ่น เญย ทิน-ฮู่ง, ม่าย ลั่ม ฮนั้ม ต๋อง,
6ต้ง เหฒย ลู่ง เหฒย เดา เหฒย ค้อย,
เหธา เยียม น้าย เต๋ย กะญั์ว เญย หม่าน หมวด,
นิ่น เหยียด ลิ์ว เหฒียบ ฒัวะ เอย เจี๊ยน นิ่น เญย หว่า โหฒว.#กง-โฒ่ 4:24; 14:15; หล่าว ย่าง 14:7
7นิ่น แป้ง ฟิม เญย เซี้ยม เถง หฒุ เหฒย เญย เมี่ยน
หย่า เหธย หญั่น ฮบ ปุน เฮญี้ยว เซีย เญย เมี่ยน หญั่น.
เฒี้ยว ปุน หฒุ หววน เญย เมี่ยน ตุ๊ ปู๋ง ฆอย.
8 เฒี้ยว ปุน มฒีง แม่ง เญย เมี่ยน ไฮ่ หมั่ง ตุ๊ ปวัด.
หฒุ โค้ว#146:8 ฮิบลู หว่า ก๊อง โด๊ะ เหฌี่ย. เญย เมี่ยน, เฒี้ยว หย่า เหลียบ เจี์ย.
เฒี้ยว ฮนั้ม คู้ เมี่ยน.
9 เฒี้ยว โก๋ว เจี๊ยน เยียม เต่ย-ปูง เญย กั้น ฝีง เมี่ยน,
นิ่น เถง กู้ ฮั่น ฝุเจว๊ย เหธา เอ๊า-กว๊า,
มป่า นิ่น ปุน เอ๊าะ เมี่ยน เญย หฒะเอ๋ย ห่อย นิ่น บัว หฒุ ป่าย.
10 เฒี้ยว เหยียด ลิ์ว โหฒว ฮู่ง.
โอ สิโอน อ้า! เม่ย เญย ทิน-ฮู่ง ตุ๊ กุ๊น เถา หม่าน โก๊ว หม่าน ต่อย.
อ๋อย หฒุ เธง เฒี้ยว.
Currently Selected:
สีง ฑูง 146: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
