สีง ฑูง 118
118
สีง ฑูง 118
ตอ-เหฒี่ย เหว่ย หฒุ เฒี้ยว เหฌียว นิ่น เญย แปะ ฝีง
1อ๋อย หฒุ ตอ-เหฒี่ย เฒี้ยว เหว่ย หฒุ นิ่น หลง ไห่.
นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.#1 ฒุ่น ต่อย โต้ว 16:34; 2 ฒุ่น ต่อย โต้ว 5:13; 7:3; เอสะลา 3:11; สีง ฑูง 100:5; 106:1; 107:1; 136:1; เยเลมี 33:11
2ปุน อิสะลาเอน เมี่ยน ก๊อง,
“นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.”
3ปุน อาโลน เญย เฒ้ย-ฟุน ก๊อง,
“นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.”
4ปุน เหยียด ฒู้ง ท่าย เฒี้ยว เญย เมี่ยน ก๊อง,
“นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.”
5หฒุ โค้ว หน่าน วั้ว หฒั่น เยีย เห่ว เฒี้ยว.
เฒี้ยว เตา เยีย หย่า ปู๋ง ฆอย เยีย.
6ม่าย เฒี้ยว เถง เยีย, เยีย ฯฒฯ ไม้ กั้ม เหฑีย.
ป้าม เมี่ยน ไฮ่ โหฒว หาย หญู่ง ปุน เยีย?#ฮิบลู 13:6
7 เฒี้ยว เหธา เยีย เยียม หย่า เถง เยีย,
เยีย ฯฒฯ หมั่ง ปวัด ฑอง เยีย วั้ว เต๋ย วิน-วั้ง หฒุ เซวย.
8ด้าว เขา เฒี้ยว เซ เก้า หลง
เขา ป้าม เมี่ยน.
9ด้าว เขา เฒี้ยว เซ เก้า หลง
เขา โหฒว โฮล เญย เมี่ยน.
10หม่าน กั๊วะ เญย เมี่ยน เว่ย ก๋อม เยีย.
เยีย เต๊ง เฒี้ยว เญย บั๋ว เหมียด นิ่น บัว.
11นิ่น บัว เว่ย ก๋อม เยีย, เฝย ปูง เว่ย ก๋อม เยีย.
เยีย เต๊ง เฒี้ยว เญย บั๋ว เหมียด นิ่น บัว.
12นิ่น บัว ฮนั้ง เมว์ย นอ, เว่ย ก๋อม เยีย.
นิ่น บัว ฮนั้ง ปั๊ว ฌิ้ม-หล่ม เญย โต์ว ไต่ เซี้ยบ.
เยีย เต๊ง เฒี้ยว เญย บั๋ว เหมียด นิ่น บัว.
13เยีย หฒุ นิ่น บัว ฟ้ง เสย เญย, ปุน เยีย ค้า เต๋ย ดอบ,
มป่า เฒี้ยว เถง เยีย.
14 เฒี้ยว เซ เยีย เญย ชะ เหธา เยีย เญย ฑูง,
นิ่น เป๋น เยีย เญย เหฌียว เอน.#ธ้วด อียิบ 15:2; อิสะยา 12:2
15หมวัง ม่าะ! เยียม คู้ เมี่ยน เญย ด๊บ-ลิ่ว
ม่าย เฌียน-โย่ว เหธา ฮี่ง เจี๋ย เญย เฉีย แอ๊ง ธ้วด ก๊อง,
“เฒี้ยว เญย บย่าว เจี๊ยะ ปั์ว เถง ฮี่ง เจี๋ย.
16 เฒี้ยว ซูง นิ่น เญย บย่าว เจี๊ยะ ปั์ว ฝาว ฮลัง.
เฒี้ยว ซูง นิ่น เญย บย่าว เจี๊ยะ ปั์ว เถง ฮี่ง เจี๋ย.”
17เยีย ฯฒฯ ไม้ ไต่ มป่า ตุ๊ เฒี่ยง เจี๊ยน
หย่า ฒุ่น เฒี้ยว โหฒว เญย สี่.
18 เฒี้ยว ตี่ง เยีย เญย ฒุ์ย เฮนี้ย เญย
มป่า ไม้ ปุน เยีย หฒุ ไต่.
19เถง เยีย คอย ฆอย หฒั่ง ทิน-ฮู่ง เญย แก้ง#118:19 ฟาน หฒะ เซ “คู้ เมี่ยน เปียะ เญย แก้ง.” เอ๋ย เล์ย เซ “หฒั่ง ทิน-ฮู่ง เญย แก้ง”.
เหว่ย ปุน เยีย ไฮ่ เปียะ มี่ง ตอ-เหฒี่ย เฒี้ยว.
20น้าย เซ เฒี้ยว เญย แก้ง.
คู้ เมี่ยน ตุ๊ ยั่ง น้าย เปียะ.
21เยีย ตอ-เหฒี่ย เม่ย เหว่ย หฒุ เม่ย เตา เยีย.
หย่า เป๋น เยีย เญย เหฌียว เอน.
22ก๊ม เปย๊า หฒั่ง เฆ่ม ธ้วด วั้ว นอม หละเปย๊ย,
ฒู้ง เป๋น อัน เปย๊า-เก๊าะ เก้า หล่ง เจี๊ยน เจี๋ย วั้ว นอม.#มัดทาย 21:42; มาโค 12:10-11; ลูกา 20:17; กง-โฒ่ 4:11; 1 ปีเต 2:7
23น้าย เซ เฒี้ยว โหฒว เญย สี่.
หฒิว เยีย บัว เญย มฒีง หมั่ง, เยีย บัว ปวัด บัวะ ฮ่อง ไห่.
24น้าย เซ เฒี้ยว เหลียบ ต้าย เญย ฮนอย.
เยีย บัว อ๋อย หฒุ เยียม น้าย นอม ฮนอย เฌียน-โย่ว, อะเฮน้ย.
25โอ เฒี้ยว อ้า! เหฌียว เยีย บัว ม่าะ!#มัดทาย 21:9; มาโค 11:9; โยฮัน 12:13
โอ เฒี้ยว อ้า! โท้ เถง เยีย บัว ไฮ่ โหฒว ตุ๊ เหฒียง เญย.
26โท้ เหธย ฟุ ปุน เต๊ง เฒี้ยว เญย บั๋ว เปียะ ต้าย เญย เมี่ยน.#มัดทาย 21:9; 23:39; มาโค 11:9; ลูกา 13:35; 19:38; โยฮัน 12:13
เยีย บัว เยียม เฒี้ยว เญย เปย๊า โท้ เฒี้ยว เหธย ฟุ ปุน เม่ย บัว.
27 เฒี้ยว เซ ต้ง ทิน-ฮู่ง.
นิ่น หย่า เหธย ฌัง ปุน เยีย บัว.
หล่ง ฮลาง โด้ เจี๊ยน ฝ่ง ห่อ เหฒี่ย เหว่ย เจี๋ย ฒิบ เญย แซง-คู้ หย่า ต้อ มี่ง เถา เหฒี่ย-ต้อง เญย จอง.#118:27 น้าย เหยี่ยม เญย ฮิบลู หว่า อะ ตุ๊ เม่ง แปะ. ม่าย เต๋ย ก๊อง “อ๋อย หฒุ นั้น เจี๊ยน เดี๋ยง-ฆว่า เจี์ย กอน เจี๋ย ฒิบ, มี่ง เถา เหฒี่ย-ต้อง เญย จอง”.
28เม่ย โหฒว เยีย เญย ทิน-ฮู่ง. เยีย อ๋อย ตอ-เหฒี่ย เม่ย.
เม่ย โหฒว เยีย เญย ทิน-ฮู่ง. เยีย อ๋อย ท่าย เม่ย เว่ย โฮล.
29อ๋อย หฒุ ตอ-เหฒี่ย เฒี้ยว เหว่ย หฒุ นิ่น หลง ไห่.
นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.
Currently Selected:
สีง ฑูง 118: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
