สีง ฑูง 112
112
สีง ฑูง 112#112 น้าย ติ้ว ฑูง หล่ง ฮิบลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เลี์ยว เหยียด เลี์ยว เญย หฑั่ง-กอน.
ท่าย เฒี้ยว เญย เมี่ยน ตุ๊ ออน-เหลาะ
1อ๋อย หฒุ เธง เฒี้ยว. #112:1 ฮิบลู หว่า ก๊อง ฮาเลลูยา.
ท่าย เฒี้ยว เญย เมี่ยน,
เซ หฒะเก้ง อะเฮน้ย หมวัง นิ่น เญย หลี่ง วั้ว เต๋ย,
ม่าย ออน-เหลาะ.
2นิ่น เญย โฮ์ ต่อย เยียม เต่ย-ปูง ฒู้ง อ๋อย เฮ้น,
เฮญี้ยว หฒีง เมี่ยน เญย โฮ์ ต่อย อ๋อย ตุ๊ ฟุ.
3นิ่น เญย เปย๊า ฒง ปุ๊ด ฒ่อย, เป๋น ไห่,
นิ่น โหฒว หอบ เญย เจ๊า เหยียด ลิ์ว เยียม.
4คู้ เมี่ยน เยียม หฮมวัง กะญั์ว ม่าย ฌัง ธ้วด ต้าย.
เฒี้ยว #112:4 ฮิบลู หว่า ไม้ ม่าย เฒี้ยว วั้ว โจ๋ว หว่า. เหธย เอน, ม่าย เฮญี้ยว ค้อ-เลี่ยน เมี่ยน, หย่า ม่าย กง-ฟิม.
5โหฒว เฮญี้ยว จั๊ง ก๊า กะน้าย ปุน เมี่ยน วั้ว เต้า ตุ๊ หลง,
นิ่น โหฒว เญย เจ๊า เหยียด ฒู้ง แป้ง ฟิม เญย.
6เหว่ย หฒุ คู้ เมี่ยน เหยียด ลิ์ว ไม้ หฒุ ดั่น ต์ง,
เมี่ยน เหยียด ลิ์ว อ๋อย จั๋ง นิ่น.
7นิ่น ไม้ กั้ม เหฑีย เธี้ยว เญย เฝียน,
นิ่น ปู๋ง ตี่ง เฮญี้ยว ว้วน เญย เขา เฒี้ยว.
8นิ่น ฒุ้น ตี่ง เฮญี้ยว, ไม้ กั้ม เหฑีย.
ฒั้ว เถา ปวัด นิ่น เญย วิน-วั้ง หฒุ เซวย เหฑ่ง.
9นิ่น โหฒว เฮญี้ยว จั๊ง เถง เมี่ยน จ่ม เมี่ยน.
นิ่น โหฒว หอบ เญย เจ๊า เหยียด ลิ์ว เยียม,
นิ่น ฯฒฯ เฮ้น หย่า ตุ๊ เมี่ยน ท่าย.#112:9 ฟาน หฒะ ก๊อง “โป้ว นิ่น เญย, จอง ฮลัง เหว่ย ท่าย นิ่น.” จอง เป๊ย เถา ชะ.#2 โคลินโท 9:9
10เอ๊าะ เมี่ยน ปวัด ฮนั้ง หน่าย ฯฒฯ เฉีย เจี์ย,
หงาด เจี๊ยน ญ่า หย่า ป่าย เจี๊ยน เหฌี่ย.
เอ๊าะ เมี่ยน ฮนั้ม อ๋อย ตุ๊ เญย, เฒียง หน่าย ป่า หมี่ อ๊ะ.
Currently Selected:
สีง ฑูง 112: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
