สีง ฑูง 111
111
สีง ฑูง 111#111 น้าย ติ้ว ฑูง หล่ง ฮิบลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เลี์ยว เหยียด เลี์ยว เญย หฑั่ง-กอน.
เธง เฒี้ยว เหว่ย นิ่น โก๋ว นิ่น เญย แปะ ฝีง
1อ๋อย หฒุ เธง เฒี้ยว. #111:1 ฮิบลู หว่า ก๊อง ฮาเลลูยา.
เยีย อ๋อย เยียม เฮญี้ยว หฒีง เญย เมี่ยน กั๊บ ฒุ้น เญย บุด๋ง
หล่ง เหฑ่ง เฮญี้ยว ตอ-เหฒี่ย เฒี้ยว.
2 เฒี้ยว โหฒว เญย สี่ หฒะเก้ง โฮล ไห่,
ตะฟ่าน อะเฮน้ย เญย เมี่ยน หล่ง เฮญี้ยว ฒ่า.#111:2 ไฟ เฟย-ฟั้ง.
3นิ่น โหฒว เญย สี่ ม่าย ฌัง-หล่าง, ม่าย ฮ่าง ต้าว ปวั๊ง เหฑ่ง.
นิ่น โหฒว หอบ เญย เจ๊า เหยียด ลิ์ว เยียม.
4นิ่น โหฒว บัวะ ฮ่อง เญย สี่ ปุน เมี่ยน จั๋ง,
เฒี้ยว เหธย เอน หย่า ค้อ-เลี่ยน เมี่ยน.
5นิ่น เหธย หญั่น ฮบ ปุน ท่าย นิ่น วั้ว เต๋ย.
นิ่น เหยียด ลิ์ว จั๋ง นิ่น แล์ง เญย แหง่ง หว่า.
6นิ่น ปุน นิ่น เญย แปะ ฝีง ปวัด นิ่น หล่ง ต้ม ชะ โหฒว เญย เจ๊า,
นิ่น เฒาะ เหฒีย ฝีง เญย กั๊วะ จิว ปุน นิ่น บัว เป๋น นิ่น บัว หฑิบ เญย ป่วน.
7นิ่น เญย ปั์ว โหฒว เญย กง เซ เหฒียบ ฒัวะ แป้ง ฟิม เญย,
นิ่น หัด เญย เหยียด ฒู้ง หว่า เขา ตุ๊ ว้วน เญย.
8น้าย เต๋ย หัด เญย หว่า เหลียบ ต้าย ว้วน เถา เหยียด ลิ์ว,
หย่า เหฒียบ ฒัวะ, เฮญี้ยว หฒีง เญย โหฒว.
9นิ่น หฒัวะ นิ่น เญย แปะ ฝีง
หย่า เหลียบ#111:9 ฮิบลู หว่า ก๊อง หัด. นิ่น เญย แหง่ง หว่า เถา เหยียด ลิ์ว.
นิ่น เญย เม่ง เซ ธีง-เหฑ่ง, ปุน เมี่ยน กั้ม เหฑีย เญย.
10ท่าย เฒี้ยว โหฒว กอน ปุน เมี่ยน ม่าย ธง-เม่ง.
ตะฟ่าน เอย เจี๊ยน นิ่น เญย หลี่ง วั้ว เต๋ย ไฮ่ เม่ง แปะ หลง.
อ๋อย หฒุ เหยียด ลิ์ว เธง นิ่น.#โย้บ 28:28; ธง-เม่ง หว่า 1:7; 9:10
Currently Selected:
สีง ฑูง 111: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
