สีง ฑูง 102
102
สีง ฑูง 102
เมี่ยน หฒุ โค้ว เญย เฒี่ยง โห ่ เต๋า เก๋า
เหยียด ล่าน เมี่ยน ปวั้ง หฒุ โค้ว เญย เฒี่ยง โห่ เต๋า เก๋า ก๊อง นิ่น ปวั้ง เญย หน่าน ฒี่ง ปุน เฒี้ยว หมวัง.
1โอ เฒี้ยว อ่า, โท้ หมวัง เยีย เต๋า เก๋า เญย หว่า.
โท้ ปุน เยีย เห่ว เจี๊ยน โจ้ว เญย หว่า เถา เม่ย เญย มน่อม.
2เยีย หฒุ โค้ว หน่าน เญย เฒี่ยง โห่,
โท้ ไม้ ตู๋ง ปวัง เม่ย เญย เฮมียน ไม้ หมั่ง เยีย.
โท้ แปง มน่อม หมวัง เยีย.
เยีย หาย หฒั่น เห่ว โท้ เซี้ยบๆ เญย เตา เยีย.
3เหว่ย หฒุ เยีย เญย ฮนอย-เหญียะ ฮนั้ง โต์ว-เสียว หมิด เหฑ่ง.
เยีย เญย บู๊ง หย่า ฮนั้ง โต์ว ปั๊ว เจี๊ยน นอ.
4เยีย เญย เฮญี้ยว หฒุ เซียง ฮนั้ง เมี้ย นอ เหญา ฆาย,
เยีย ฒู้ง ไม้ จั๋ง หญั่น หฮนาง.
5หลาย เยีย ฌุ่น ตุ๊ บุย,
เยีย เญย ซิน ฯฒฯ ขูง ด๊บ ปวัง เจี๊ยน บู๊ง ฮนั้ง.
6เยีย ฮนั้ง เยียม เต่ย-ปูง-ฮวาง เญย ต้ม จ๊าง,
ฮนั้ง เยียม หล่ม-ฮวาง เญย เหนาะ กู๊ ลง นอ.
7เยีย เปว๋ย ไม้ ฌ่อม,
เยีย ฮนั้ง นอม เหนาะ โดะ เยียม เปย๊า-ง่อ กู้ หงว่าย.
8เยีย เญย วิน-วั้ง เฒี่ยง ฮนอย ฮว้วด เยีย.
คี เยีย วั้ว เต๋ย หล่ง เยีย เญย บั๋ว เหฒียว เมี่ยน.
9เยีย หญั่น ซ้าย ต๋อง หฮนาง,
เยีย ฮบ เญย กะน้าย หย่า หฒอบ เจี๊ยน ววม-เหมว่ย,
10เหว่ย หฒุ เม่ย เฉีย เจี์ย โน์ว เยีย,
เม่ย ฒู้ง เฒาะ เยีย ต้าย แอ๋ง ฒอย กวั่ง มี่ง.
11เยีย เญย ฮนอย-เหญียะ เซ ฮนั้ง เหฑียม-ย่าง เญย ต้ง ลิ่น.
เยีย ฮนั้ง เมี้ย นอ เหญา ฆาย.
12มป่า เฒี้ยว อ่า, เม่ย เหยียด ลิ์ว เฒว์ย เหว่ย.#102:12 ไฟ เม่ย เหยียด ลิ์ว เยียม.
ต่อย เจี๋ย ต่อย อ๋อย จั๋ง เม่ย เญย เม่ง.
13เม่ย อ๋อย เจี์ย ต้าย ค้อ-เลี่ยน สิโอน
เหว่ย หฒุ ค้อ-เลี่ยน นิ่น เญย เฒี่ยง โห่ เถา อ๊ะ.
ตี่ง ต้าย เญย เฒี่ยง โห่ ฒู้ง เถา อ๊ะ.
14เม่ย เญย โปว ฮนั้ม สิโอน ฒี่ง เญย หละเปย๊ย,
ค้อ-เลี่ยน นิ่น หฒุ ป่าย เหฌี่ย เญย เนีย-บูง.
15หม่าน ฝีง อ๋อย กั้ม เหฑีย เฒี้ยว เญย เม่ง,
ลู่ง เดี๊ย เญย ฮู่ง อ๋อย กั้ม เหฑีย เม่ย เญย ฌัง-หล่าง.
16เหว่ย หฒุ เฒี้ยว อ๋อย เหธย สิโอน.
นิ่น อ๋อย เยียม นิ่น เญย ฌัง-หล่าง หิ่น ธ้วด ต้าย.
17นิ่น อ๋อย หมวัง จ่ม โค้ว เญย เมี่ยน เต๋า เก๋า.
นิ่น ไม้ หมั่ง เผีย นิ่น บัว โจ้ว เญย หว่า.
18อ๋อย หฒุ เฒาะ น้าย เต๋ย สี่ เฟี้ย เจี๊ยน เหว่ย โฮ์ ต่อย เฒ้ย-ฟุน,
ปุน ไม้ แก้ง ธ้วด เสย เญย เมี่ยน ฮิ้ว ตุ๊ เธง เฒี้ยว.
19“เฒี้ยว เยียม นิ่น ฮลัง เจี๋ย เญย ธีง-เหฑ่ง ต๋อง หมั่ง เหฌี่ย,
เยียม ลู่ง กู้ หงว่าย หมั่ง ลู่ง เดี๊ย,
20เหว่ย หมวัง หฒุ หววน เญย เมี่ยน ฌุ่น เญย เฉีย,
เหว่ย ปู๋ง ฆอย หฒุ ตี่ง ไต๋ ไต่ เญย เมี่ยน,”
21เหว่ย ปุน เมี่ยน เยียม สิโอน ฒุ่น เฒี้ยว เญย เม่ง,
เยียม เยลูซาเลม หย่า เธง นิ่น.
22วั้ว หฒั่น หม่าน ฝีง เหธา หม่าน กั๊วะ
ฯฒฯ กั๊บ ฒุ้น หฒั่ง เฒี้ยว.
23เยีย หธ่อ หลุน เญย เฒี่ยง โห่ นิ่น ปุน เยีย เมา,
นิ่น จั๊ม เยีย เญย เสี่ยว ญ่วน นั้ง.
24เยีย ก๊อง, “โอ เยีย เญย ทิน-ฮู่ง อ่า,
เยีย เฒี่ยง เถา ด๊าม-เสย ฮนั้ง,
โท้ ไม้ ตู๋ง แก้ง ต้อ เยีย มี่ง.
เม่ย กั้น เญย หฮญัง-ต้าว เหยียด ลิ์ว เยียม เถา หม่าน โก๊ว หม่าน ต่อย.
25ต้ง ธอ เม่ย เหลียบ เดา เญย กอน-โด๊ะ,
ลู่ง เม่ย กั้น เญย ปั์ว เหฒย ต้าย.#ฮิบลู 1:10-12
26ลู่ง เดา ฒู้ง อ๋อย หฒุ เหมียด, มป่า เม่ย หธ่อ เยียม เจี๊ยน.
ลู่ง เหธา เดา อ๋อย ฮนั้ง ลุย-โหว นอ, เพย เหฑ่ง.
เม่ย อ๋อย เหยี่ยน ลู่ง เดา ฮนั้ง เหยี่ยน ลุย-โหว,
ลู่ง เดา ฯฒฯ เจี๋ย เหฑ่ง อ๊ะ.
27มป่า เม่ย หฒั่นๆ ฮนั้ง โล์ นอ,
เม่ย เญย หฮญัง-ต้าว เหยียด ลิ์ว ไม้ ไฮ่ เหฑ่ง.
28เม่ย เญย โปว เญย ตอน-เจว๊ย อ๋อย ตุ๊ เยียม หลง.
นิ่น บัว เญย โฮ์ ต่อย อ๋อย เหลียบ ว้วน เยียม เม่ย เญย หฑะเฮมียน.
Currently Selected:
สีง ฑูง 102: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
