สีง ฑูง 101
101
สีง ฑูง 101
แล์ง กัน หอบ เญย โต์-เล์ย
ดาวิด โหฒ่ เญย สีง ฑูง.
1เยีย อ๋อย ป๋าว ฑูง ก๊อง เหฒียบ ฒัวะ เญย เหธา แป้ง ฟิม เญย เจ๊า.
โอ เฒี้ยว อ่า, เยีย อ๋อย ป๋าว ฑูง ปุน เม่ย.
2เยีย อ๋อย หล่ง เฮญี้ยว ยั่ง ไม้ ม่าย ต๋อง เฆ่ม เญย เจ๊า.
เม่ย เถา หาย หฒั่น หธีง ต้าย เยีย น้าย?
เยีย อ๋อย เฮญี้ยว หฒีง เญย
เยียม เยีย เญย เปย๊า.
3เอ๊าะ ไห่ เญย กะน้าย เยีย ฒู้ง
ไม้ ปุน ต๋อย เฮมียน ต๋อย หมิ่น.
เยีย ฑอง เล่ย ทิน-ฮู่ง เญย เมี่ยน โหฒว เญย สี่,
เยีย ฒู้ง ไม้ ปุน กั๊วะ หฒุ เยีย.
4เยีย หย่า ไม้ เหญี่ยม เฮญี้ยว ฌ้วด เญย เมี่ยน,
ไม้ ปุน หาย หญู่ง เอ๊าะ สี่ เกวน หฒุ เยีย.
5หาย เต้า เป่ย เดี๊ย ก๊อง โตะ นิ่น จวั่ง ล์าง เญย ก๋อ-โย์ว
เยีย อ๋อย เหมียด เหฑ่ง.
โหฒว เหมา, เธง-โฮล เญย เมี่ยน
เยีย เตี๊ย ไม้ ตุ๊.
6เยีย เญย มฒีง อ๋อย หมั่ง เจี๊ยน เยียม เต่ย-ปูง เหฒียบ ฒัวะ เญย เมี่ยน,
เหว่ย ปุน นิ่น บัว ตุ๊ เหธา เยีย เยียม.
หาย เต้า ยั่ง ไม้ ม่าย ต๋อง เฆ่ม เญย เจ๊า,
ฯฒฯ ตุ๊ ฟู-สู เยีย.
7หาย เต้า โหฒว ดั๊ว เมี่ยน เญย เมี่ยน
ไม้ ตุ๊ เยียม เยีย เญย เปย๊า.
หาย เต้า ก๊อง-แปะ,
ไม้ ตุ๊ เยียม เยีย เญย หฑะเฮมียน.
8ดอมๆ เยีย อ๋อย เหมียด
เยียม เต่ย-ปูง เญย เหยียด ฒู้ง เอ๊าะ เมี่ยน.
เยีย อ๋อย เฒาะ เต้าๆ โหฒว หว่าย สี่ เญย เมี่ยน ไพ กวั่ง,
ไม้ ปุน เยียม เฒี้ยว เญย ฒี่ง.
Currently Selected:
สีง ฑูง 101: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
