ธง-เม่ง หว่า 6
6
ไม้ ตู๋ง เปว เมี่ยน เญย แฒะ
1เยีย เญย ตอน อ้า! สี ก๊อง เม่ย แล์ง หว่า เปว เม่ย เญย จวั่ง ล์าง เมี่ยน เญย แฒะ,
ไฟ แล์ง โหฒว ดาม-ต้าว เปว กั้น เต้า เมี่ยน#6:1 ฟาน หฒะ ก๊อง กั้น ฝีง เมี่ยน. เญย แฒะ,
2สี ก๊อง เม่ย ก๊อง เญย หว่า ฮลบ หฒุ เม่ย,
เม่ย เญย ฑุ่ย ก๊อง เญย หว่า โด้ เจี๊ยน เม่ย,
3เยีย เญย ตอน อ้า! เม่ย อ๋อย หฒุ ฮนั้ง น้าย นอ โหฒว เหฌียว เม่ย กั้น,
เหว่ย หฒุ เม่ย หฒุ เยียม เม่ย เญย จวั่ง ล์าง เมี่ยน เญย ปั์ว-เดี๊ย หมี่ อ๊ะ.
มี่ง อ๊ะ, มี่ง ล์อ เม่ย เญย จวั่ง ล์าง เมี่ยน แอ๋ง เหญี่ยม กั้น โหฒว ไฝ ชะ โท้.#6:3 ไฟ “ก๊าน มี่ง ล์อ เม่ย เญย ก๋อ-โย์ว ชะ โท้”.
4ไม้ ตู๋ง ปุน เม่ย เญย มฒีง ฌิบ เจี๊ยน มฌ่อม,
ไม้ ตู๋ง ปุน มฒีง-ด๊บ หญุย.
5อ๋อย หฒุ เหฌียว ดุ๊ด กั้น ฮนั้ง ไฌ่ เล่ย ดุ๊ด แฒง ฮลาง เมี่ยน เญย ปั์ว,
หย่า ฮนั้ง เหนาะ เปย๋า ดุ๊ด แฒง โขว เมี่ยน เญย ปั์ว-เดี๊ย.
ไม้ ตู๋ง เหลว่ย
6เมี่ยน เหลว่ย เมี่ยน อ้า! เม่ย อ๋อย หฒุ มี่ง ฒ่า หมั่ง เฑี้ยว,
ฮนั้ม เถา เฑี้ยว โหฒว เญย เจ๊า ฯฒฯ ตุ๊ ธง-เม่ง.
7เฑี้ยว ไม้ ม่าย เปย๊ย เฒ้ย,
ไม้ ม่าย เจียน, ไม้ ม่าย หาย เต้า กุ๊น,
8มป่า ฆาย กอง นิ่น หลิ่ว เล์ย หญั่น ฮบ,
ก๊าด แกง-หฒวัง เญย เฒี่ยง โห่ หย่า เซียว หญั่น เญย กะน้าย.
9เมี่ยน เหลว่ย เมี่ยน อ้า! เม่ย อ๋อย เปว๋ย เถา หาย หฒั่น?
เม่ย อ๋อย มฌ่อม เถา หาย หฒั่น หธีง เจี์ย ซิน ต้าย?
10แอ๋ง เปว๋ย ตั้ง, มฌ่อม ตั้ง,
ชบ เจี๊ยน ปั์ว มฌ่อม ตะฮงัด ตั้ง,#ธง-เม่ง หว่า 24:33-34
11จ่ม เญย เจ๊า ฯฒฯ ฮนั้ง จั๋น-หฒะ เลี่ยม เฒ่ย เถา.
ตั๋ง-ต๋น เญย เจ๊า ต้าย ฮนั้ง เมี่ยน ต้อ เจี๊ยน หวัวะ กิ่น ต้าย เถา.
เอ๊าะ เมี่ยน เญย เซ้ด เมว์ย
12ไม้ ลั่ม หล่ง เญย เอ๊าะ เมี่ยน
เจี๋ย น้าย เจี๋ย วั้ว ก๊อง-แปะ.
13นิ่น หญับ มฒีง,
เฝง เหฒา,
ปั์ว หย่า นุ เจี๊ยน,
14เฮญี้ยว เพียน ต๊า เอ๊าะ เญย หฒะเอ๋ย,
หฒั่นๆ โธะ-ฮู้.
15เหว่ย น้าย นิ่น อ๋อย เลี่ยม เฒ่ย หฒุ เหฒะ หน่าน,
ดุ ตั้ง ฮนั้ง หฒุ ป่าย หว่าย เหฑ่ง, ไม้ ไฮ่ หฒ่อ.
เฒี้ยว ฑอง เญย เสี่ย หญู่ง
16 เฒี้ยว ฑอง เญย ม่าย จุ๊ หญู่ง,
นิ่น กั้ม เฑี้ย เญย, โหยว เญย ม่าย เสี่ย#6:16 ฮิบลู หว่า ก๊อง เสี่ย หญู่ง มป่า เอ๋ย เล์ย เซ ไม้ ม่าย โสว โหม่ว. หญู่ง.
17ม่าย มฒีง-จ๋า ฮลัง,
ก๊อง-แปะ เญย ฑุ่ย,
ปั์ว ไต๋#6:17 ฮิบลู หว่า ก๊อง, ปุน ฑย้าม เหลี่ยว ธ้วด. ไม้ โหฒว ต่อง เญย เมี่ยน,
18เฮญี้ยว ต๊า เอ๊าะ เญย หฒะเอ๋ย,
เหฒา ถิว เซี้ยบ เญย มี่ง ล์อ เอ๊าะ เญย สี่,
19โหฒว จ๊า ฒอง-เหฒง เญย เมี่ยน เท้า เฉีย ขูง ธ้วด ก๊อง-แปะ เญย หว่า,
เหธา เมี่ยน เยียม นิ่น เญย ก๋อ-โย์ว บุด๋ง โธะ หลุ่น เมี่ยน.
ขวิน ซิ้ม ฆอย ปวั้ง เลี่ยว เญย เจ๊า
20เยีย เญย ตอน อ้า! อ๋อย หฒุ กัน หลง เม่ย เญย เตีย หัด เญย หว่า,
หย่า ไม้ ตู๋ง กวั่ง เม่ย เญย มา หฌาว เญย เจ๊า-โหล่ว.
21อ๋อย หฒุ หฒั่นๆ ฒ่าง เจี๊ยน เม่ย เญย เฮญี้ยว,
หย่า ขวัง#6:21 ฮิบลู หว่า ก๊อง โด้. เจี๊ยน เม่ย เญย จาง.
22เม่ย ยั่ง เจ๊า, นิ่น บัว ฯฒฯ ต้อ เม่ย,
เม่ย เปว๋ย เญย เฒี่ยง โห่, นิ่น บัว อ๋อย เปว เจี๊ยน เม่ย.
เม่ย เญีย ต้าย, นิ่น บัว หย่า เหธา เม่ย ก๊อง.
23เหว่ย หฒุ น้าย เต๋ย หัด เญย หว่า โหฒว นอม ตัง,
หฌาว เญย หว่า โหฒว ฌัง.
ก๊อง-หฌาว, เบ๊าะ หฌาว เซ
เป๋น เจ๊า ปุน เมี่ยน ตุ๊ แหม่ง เฒี่ยง,
24เหว่ย เปว เจี๊ยน เม่ย, เถง เม่ย ซิ้ม ฆอย เอ๊าะ เญย มเซียะ ตอน,
เล่ย ฆอย ปวั้ง เลี่ยว เญย เอ๊า ก๊อง หยัวะ เมี่ยน เญย ฑุ่ย บย่าง.
25ไม้ ตู๋ง เยียม เฮญี้ยว หั่น นิ่น เหฑว่ย เญย เจ๊า,
หย่า ไม้ ตู๋ง ปุน นิ่น เญย มฒีง#6:25 ม่าย เต๋ย โซว ก๊อง มฒีง-เฑี้ยบ เปยย. ฮิบลู หว่า ก๊อง มฒีง-ด๊บ. แปง หฒุ เม่ย.
26เหว่ย หฒุ เมี่ยน ไฮ่ หล่ง เหยียด นอม ฌั้ว เญย จ๋า-ฒิ่น ธี้ง หม่าย ซิน เญย มเซียะ ตอน,#6:26 น้าย กัน กีก หว่า ฟาน. ฮิบลู หว่า ก๊อง “หลาย หม่าย ซิน เญย มเซียะ ตอน, เมี่ยน ขูง เหฒ่ง ดุ นอม ฌั้ว”.
มป่า เหฮยียน โหฆ เญย เอ๊า ฒู้ง เฒาะ เมี่ยน จ๋าย เมี่ยน เญย แหม่ง.
27เมี่ยน ไฮ่ ชัม เจี๊ยน โต์ว
หย่า ไม้ ปุน นิ่น เญย ลุย หฒุ โต์ว ปั๊ว ตุ๊ เญย ไฟ?
28เมี่ยน ไฮ่ ยั่ง เหฒียะ เจี๊ยน โต์ว เญย โต์ว-ถาน กู้ หงว่าย มี่ง,
หย่า ไม้ หฒุ โต์ว ปั๊ว เหฒา ไฟ?
29หาย เต้า มี่ง เหธา กั้น เต้า เมี่ยน เญย เอ๊า หย่า ฟี่ ฮนั้ง เญย.
ไม้ ม่าย หาย เต้า ฮลัว ลิ์ว นิ่น หย่า ไม้ หฒุ ตี่ง ฒุ์ย.
30สี ก๊อง เมี่ยน เฮญี้ยว เซีย ฯฒฯ หนิ่ม กะน้าย เถง นิ่น เป๊ว,
เมี่ยน หมั่ง เผีย นิ่น ไม้ เฒ์ย?#6:30 ไฟ “เมี่ยน ไม้ หมั่ง เผีย นิ่น”.
31สี ก๊อง นิ่น หฒุ เฒาะ นิ่น อ๋อย หฒุ ปุ้ย เสี่ย โก๊ว,
ฒู้ง ปุน เหฑ่ง นิ่น เญย เปย๊า ฒง ม่าย เญย กะน้าย.
32มป่า เมี่ยน เหฮยียน เอ๊า นิ่น ฮนั้ม ตุ๊ หฮงง ไห่.
หาย เต้า ฮนั้ง น้าย โหฒว ฒู้ง ปุน นิ่น กั้น หฒุ เหมียด.
33นิ่น หฒุ มุน, หฒุ ไญ้,
นิ่น หฒุ ป่าย เฮมียน, เหยียด ลิ์ว ไม้ ไฮ่ ซ้อด กวั่ง.
34เหว่ย หฒุ มจั่ง ตอน#6:34 ไฟ โหฆ. หั่น, นิ่น มต้าย เฉีย เจี์ย,
เถา จ๊าว วิน เญย เฒี่ยง โห่ นิ่น ไม้ หญ่าง ฒี่ง อ๊ะ.
35นิ่น ไม้ หล่ง หาย หญู่ง ปุ้ย ปุน นิ่น.
ปุน ฒี่ง เหญ่ย ด่ง หาย ธั้ม นิ่น เฮญี้ยว ไม้ ฆาย.
Currently Selected:
ธง-เม่ง หว่า 6: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
