ธง-เม่ง หว่า 31
31
เลมูเอน ก๊อง เญย หว่า
1น้าย เซ เลมูเอน ฮู่ง โต่ว เญย หว่า,#31:1 เป๊ย หมั่ง ธง-เม่ง หว่า 30:1. เซ นิ่น เญย มา หฌาว นิ่น วั้ว เต๋ย หว่า.
2“โอ เยีย เญย ตอน อ้า! โอ เยีย ยู์ง เญย ตอน อ้า!
เยีย แล์ง แหง่ง หว่า ตุ๊ ต้าย เญย ตอน อ้า!
เยีย อ๋อย หฒุ หฌาว หาย หญู่ง เม่ย?
3ไม้ ตู๋ง เฒาะ เม่ย เญย ชะ ปุน เหฑ่ง มเซียะ ตอน,
ไม้ ตู๋ง ปุน น้าย หญู่ง เจ๊า ห่อย ฮู่ง เตี๋ย หฒุ ป่าย.
4“โอ เลมูเอน อ้า! ฮู่ง เตี๋ย ไม้ หอบ หฒุ,
ฮู่ง เตี๋ย ไม้ หอบ หฒุ ฮบ อะหงุ่น ติ๊ว.
โหฒว โฮล กุ๊น วั้ว เต้า ไม้ หอบ หฒุ ม่าย เฮญี้ยว อ๋อย ฮบ ติ๊ว-คู้.
5เหฑีย ฮบ ลิ์ว ฯฒฯ หละคุ เล์ย-หลัด,
หย่า ปุน หฒุ โค้ว เญย เหยียด ฒู้ง เมี่ยน หอบ หฒุ ตุ๊ เญย เล์ย เพียน มี่ง.
6ปุน ติ๊ว-คู้ อ๊า ลั่ม ไต่ เญย เมี่ยน ฮบ,
ปุน อะหงุ่น ติ๊ว เฮญี้ยว เฑ่า โค้ว เญย เมี่ยน.
7ปุน นิ่น บัว ฮบ ฯฒฯ หละคุ จ่ม เญย เจ๊า,
ไม้ แอ๋ง จั๋ง นิ่น บัว เญย โค้ว หน่าน.
8“อ๋อย หฒุ เถง หฮงง, ไม้ ไฮ่ ก๊อง หว่า เญย เมี่ยน ก๊อง,
หย่า เปว เจี๊ยน เหยียด ฒู้ง โต้ หน่าน เญย เมี่ยน หอบ หฒุ ตุ๊ เญย เล์ย.
9อ๋อย หฒุ เถง ก๊อง หย่า แป้ง ฟิม เญย ตุ๋น สี่.
อ๋อย หฒุ เปว เจี๊ยน จ่ม เญย เมี่ยน เหธา ตั๋ง-ต๋น เมี่ยน หอบ หฒุ ตุ๊ เญย เล์ย.”
เธง เฒี่ยง ฮ่อง เญย เอ๊า
10หาย เต้า ไฮ่ ล์อ ตุ๊ เฒี่ยง ฮ่อง เญย เอ๊า?
เฒี่ยง ฮ่อง เญย เอ๊า เก้า จ๋าย เจี๋ย หละเปย๊ย-จ๋าย.#31:10 ธง-เม่ง หว่า 31:10-31 หล่ง ฮิบลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เหยี่ยม เหยียด เหยี่ยม เญย หฑั่ง-กอน.
11นิ่น เญย โหฆ เขา ตุ๊ หฒุ นิ่น,
หย่า ไม้ ด๊อด ป๊วน อ๊ะ.
12นิ่น เหยียด เสย โหฒว หลง ปุน นิ่น เญย โหฆ,
เหยียด ลิ์ว ไม้ โหฒว หาย หญู่ง ห่อย.
13นิ่น ล์อ ปะกี ยู่ง เปยย เหธา ล่าม่า,
อะเฮน้ย หล่ง ปั์ว โหฒว กง.
14นิ่น ฮนั้ง โหฒว แซง-เอ๋ย เญย ฑั้ง นอ,
หว่วน นิ่น เญย หญั่น ฮบ เยียม โก เญย ต้าย.
15ลู่ง ไม้ แก้ง ฌัง นิ่น เจี์ย ซิน ต้าย
เบ่น หญั่น ฮบ ปุน ฮมวั้ง ต่อย,
หย่า พ้าย กง ปุน นิ่น เญย มเซียะ โปว.
16นิ่น สัม หมั่ง ลี่ง เต่ย หย่า ม์าย ต้าย.
นิ่น หล่ง กั้น เญย ปั์ว หฒ่อน ต้าย เญย ญ่าน โหฒว หฮวีง หฒวัง อะหงุ่น เปี๊ยว.
17นิ่น ธ้วด ชะ โหฒว กง เจี้ยน,
หย่า ปุน นิ่น เญย ปั์ว เฮ้น.
18นิ่น ฮิ้ว ตุ๊ นิ่น โหฒว ต้าย เญย หัว ม่าย จ๋า-ฒิ่น,
นิ่น ลู่ง ม์วน ปั๊ว ตัง โหฒว กง เล่า เญย.#31:18 ฟาน หฒะ ก๊อง “นิ่น เญย ตัง เฒี่ยง ม์วน ไม้ ไต่”.
19นิ่น เหว่ย กั้น แปง สุย
หย่า เหว่ย กั้น ดั๊ด เดีย.#31:19 ฟาน หฒะ ก๊อง “นิ่น นั้น เจี๊ยน แปง สุย เญย จา-สี่, ปั์ว-โด๊ะ หย่า นั้น เจี๊ยน ดั๊ด เดีย เญย กะน้าย”.
20นิ่น ธ้วด ฟิม เฑีย เมี่ยน จ่ม เมี่ยน,
หย่า ซูง ปั์ว เถง ตั๋ง-ต๋น เมี่ยน.
21ตุ้ย ซอง เญย เฒี่ยง โห่ นิ่น ไม้ เฑ่า นิ่น เญย เปย๊า ฒง เมี่ยน,
เหว่ย หฒุ นิ่น เญย เฒี่ยง เปย๊า เมี่ยน ม่าย ลุย-เซี้ยว#31:21 ฮิบลู หว่า ก๊อง ลุย-ซิ. ฒุ.
22นิ่น โหฒว ติ่ม โหธว เญย เดีย,
หย่า หล่ง ล่าม่า เดีย-หม่วน เหธา เซ้ด หลัวะ เญย เดีย โหฒว กั้น เญย ลุย-โหว.
23นิ่น เญย โหฆ เหธา ป๊วน-เต่ย เมี่ยน โก๋ เฒว์ย ฒี่ง แก้ง เญย เฒี่ยง โห่,
หฒวัง เมี่ยน ฮิ้ว ตุ๊ นิ่น เญย โหฆ.
24นิ่น หล่ง ล่าม่า เดีย-หม่วน โหฒว ลุย-โหว หม่าย,
หย่า ฝูง หละซิน หม่าย ปุน แซง-เอ๋ย เมี่ยน.
25นิ่น ม่าย ชะ หย่า ตุ๊ เมี่ยน ท่าย,#31:25 ฟาน หฒะ ก๊อง “ต้ม ชะ เหธา ฌัง-หล่าง เป๊ย นิ่น เญย ลุย-โหว”.
นิ่น หย่า จั๊ด โฮ์ ฆาง เญย ฮนอย-เหญียะ.
26นิ่น เญย ฑุ่ย ก๊อง ธง-เม่ง หว่า.
นิ่น หย่า หล่ง ส่วน เญย เฮญี้ยว หฌาว.
27นิ่น ฒ้าง หลง นิ่น เญย จา-ตี้ง,
ไม้ ชบ เจี๊ยน ปั์ว เยียม.
28นิ่น เญย ฝุเจว๊ย เจี์ย ต้าย ก๊อง นิ่น ม่าย ฟุ,
นิ่น เญย โหฆ หย่า เธง นิ่น ก๊อง,
29“ม่าย เฒี่ยง ฮ่อง เญย มเซียะ ตอน ธั้ม เญย,
มป่า เม่ย เก้า เฒี่ยง ฮ่อง เจี๋ย.”
30เมี่ยน ม่าย หยัวะ เฟย มป่า ไฮ่ จ๊า เญย.
เหฑว่ย เญย เจ๊า หย่า ไฮ่ เจี๋ย.
มป่า ท่าย เฒี้ยว เญย มเซียะ ตอน ผุย ตุ๊ เธง.
31โท้ ปุน นิ่น ตุ๊ ฒี่ง เหญ่ย หฒิว นิ่น เญย ปั์ว โหฒว เญย กง,
หย่า ปุน นิ่น โหฒว เญย กง เยียม วั้ว ฒี่ง แก้ง ตุ๊ เมี่ยน เธง.
Currently Selected:
ธง-เม่ง หว่า 31: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
