ธง-เม่ง หว่า 21
21
1ฮู่ง เตี๋ย เญย เฮญี้ยว เซ ฮนั้ง ติ้ว โด๊ะ เยียม เฒี้ยว เญย ปั์ว,
เซว่ย เฒี้ยว เญย เอ๋ย ปุน นิ่น ฮวิน มี่ง หาย ปูง.
2เมี่ยน โหฒว เญย สี่ หฒิว กั้น เญย มฒีง หมั่ง นิ่น โหฒว ตุ๊ หอบ,
มป่า เฒี้ยว ฒ่า#21:2 ฮิบลู หว่า ก๊อง เฑียง. เมี่ยน เญย เฮญี้ยว.
3 เฒี้ยว อะเฮน้ย เมี่ยน โหฒว ตุ๊ หอบ, แป้ง ฟิม เญย,
เก้า ธั้ม ต้อ กะน้าย ฝ่ง ห่อ เหฒี่ย.
4เอ๊าะ เมี่ยน มฒีง-จ๋า ฮลัง, เฮญี้ยว หย่า เหมา,
น้าย เซ เป๋น ฒุ์ย อ๊ะ.#21:4 ฟาน หฒะ ก๊อง “มฒีง ฮลัง, เฮญี้ยว เหมา, เอ๊าะ เมี่ยน เญย ตัง เป๋น ฒุ์ย”.
5เมี่ยน เจี้ยน เมี่ยน เญย หฒะเอ๋ย ด่ง หาย ฒู้ง ปุน นิ่น บัว ตุ๊ คู่ เยียม,
มป่า โหฒว สี่ เป๊ะ เญย เมี่ยน ขูง หฒุ จ่ม ฮนั้ง.
6ฑุ่ย ก๊อง-แปะ ดั๊ว ตุ๊ ต้าย เญย ฒิ่น ฒ่อย,
เซ ฮนั้ง ป่วน มี่ง เญย โหม่ว หย่า โหฒว โขว ฮลบ กั้น ไต่.
7เอ๊าะ เมี่ยน โหฒว โตะ เญย สี่ อ๋อย กว๊าด นิ่น บัว กั้น มี่ง,
หลาย นิ่น บัว ไม้ คั้ง โหฒว แป้ง ฟิม เญย เจ๊า.
8ต่อง ฒุ์ย เญย เมี่ยน เญย เจ๊า เซ เงา ฌ้วด,
มป่า ธีง-เหฑ่ง เมี่ยน โหฒว เญย สี่ เซ หอบ เญย.
9เยียม เปย๊า-ง่อ กู้ หงว่าย เญย เก๊าะ#21:9 นิ่น บัว เญย เปย๊า-ง่อ แป้ง เญย.
หธ่อ เก้า หลง เหธา หฒั่นๆ แฑง จ๋า เญย มเซียะ ตอน จวั่ง เปย๊า เยียม.
10เอ๊าะ เมี่ยน เญย เฮญี้ยว ขูง อ๋อย เอ๊าะ สี่ ฮนั้ง,
หฒิว นิ่น เญย มฒีง หมั่ง ตุ๊ เจี๋ย เหมว่ย, ไม้ ค้อ-เลี่ยน จวั่ง ล์าง เมี่ยน.
11ฮว้วด เมี่ยน เญย เมี่ยน หฒุ ตี่ง ฒุ์ย,
ไม้ ฮิ้ว หาย หญู่ง เญย เมี่ยน ตุ๊ ธง-เม่ง.
ธง-เม่ง เมี่ยน ตุ๊ เมี่ยน หฌาว,
นิ่น จา ตุ๊ ว่วน ฒาง.
12กง-ฟิม เญย ทิน-ฮู่ง#21:12 ม่าย เต๋ย โซว ก๊อง ทิน-ฮู่ง, ม่าย เต๋ย ก๊อง เมี่ยน. สัม หมั่ง เอ๊าะ เมี่ยน เญย เปย๊า,
เอ๊าะ เมี่ยน หฒุ ฒอย เหฌี่ย ปุน นิ่น หฒุ เหมียด.
13หาย เต้า ฒด เจี๊ยน มน่อม ไม้ หมวัง เมี่ยน จ่ม เมี่ยน เห่ว เจี๊ยน โท้ เญย เฉีย,
นิ่น กั้น เห่ว เจี๊ยน โท้ เญย เฒี่ยง โห่ หย่า ไม้ ม่าย หาย เต้า เตา.
14ปี๋ง เจี๊ยน ฝูง ฒี่ง เหญ่ย ไฮ่ ต๊น เจี๊ยน เฉีย เจี์ย เญย เจ๊า,
เป่ย เดี๊ย ฑุ์ย ญ่าน หฮมวัง#21:14 ฟาน หฒะ ก๊อง “ตั๊บ ลุย-เกม ฑุ์ย ญ่าน หฮมวัง”. ไฮ่ เถง เธี้ยว เญย กะเฉีย ฟิว.
15หาย หฒั่น โหฒว แป้ง ฟิม เญย เจ๊า, คู้ เมี่ยน ม่าย ออน-เหลาะ,
มป่า เอ๊าะ เมี่ยน หฒุ เหมียด.
16หาย เต้า เล่ย ฆอย เปียะ เฮญี้ยว เญย เจ๊า,
ฯฒฯ เหธา ไต่ มี่ง เญย เมี่ยน กั๊บ ฒุ้น เยียม.
17หาย เต้า ขูง ฮนั้ม เฌียน-โย่ว เญย เจ๊า, ฒู้ง อ๋อย หฒุ จ่ม.
หาย เต้า อ๋อย ไห่ อะหงุ่น ติ๊ว เหธา กะลั้น โย่ว ไม้ ไฮ่ ปุ๊ด ฒ่อย.
18เอ๊าะ เมี่ยน หฒุ โค้ว ตี๊#21:18 ฟาน หฒะ ก๊อง เหว่ย หฒัวะ. คู้ เมี่ยน,
ไม้ เหฒียบ ฒัวะ เญย เมี่ยน หย่า หฒุ โค้ว ตี๊ เฮญี้ยว หฒีง เญย เมี่ยน.
19เยียม เต่ย-ปูง-ฮวาง ฒู้ง เก้า หลง
เหธา แฑง จ๋า หละงบ เญย มเซียะ ตอน เยียม.
20ธง-เม่ง เมี่ยน เญย เปย๊า ม่าย จ๋าย เญย กะน้าย เหธา กะลั้น โย่ว,
มป่า เมี่ยน หฮงง เมี่ยน นะ เหฑ่ง นิ่น ม่าย เญย เหยียด ฒู้ง.
21ฒิ่ม ล์อ โหฒว หอบ โหฒว หลง เญย เจ๊า เญย เมี่ยน
ตุ๊ แหม่ง เฒี่ยง หย่า ตุ๊ เมี่ยน ท่าย.
22ธง-เม่ง เมี่ยน ญอง ฝาว เมี่ยน เฮ้น เมี่ยน เญย ฒี่ง หลาด,
หย่า ป่าย หว่าย เมี่ยน เขา ว้วน เญย ต๋อง.
23หาย เต้า โก๋ว กั้น เญย ฑุ่ย เหธา เบียด,
เปว ตุ๊ กั้น ไม้ หฒุ สี่.
24โหฒว เหมา, เธง-โฮล เญย เมี่ยน ตุ๊ บั๋ว เห่ว, “กะน้าย-ฮว้วด.”
นิ่น ขูง โหฒว เหมา, เธง-โฮล ฮนั้ง.
25เมี่ยน เหลว่ย เมี่ยน เญย เฮญี้ยว อ๋อย เญย เซ ฮนั้ง ไต๋ นิ่น กั้น,
เหว่ย หฒุ นิ่น เญย ปั์ว ไม้ คั้ง โหฒว กง.
26นิ่น เฒี่ยง ฮนอย เม้า อ๋อย ตุ๊ กะน้าย,
มป่า คู้ เมี่ยน ปุน หย่า ไม้ ค้อ-ฟิ.
27เอ๊าะ เมี่ยน เหฒี่ย เญย กะน้าย เซ กั้ม เฑี้ย เญย,
นิ่น หล่ง เอ๊าะ เญย หฒะเอ๋ย ต้อ ต้าย ฒู้ง เก้า ฟัด โค้ว.
28โหฒว จ๊า ฒอง-เหฒง เญย เมี่ยน อ๋อย หฒุ เหมียด,
มป่า หมวัง เฒียน ฒอง-เหฒง เญย หว่า วั้ว เต้า, นิ่น เญย หว่า เหยียด ลิ์ว เยียม.
29เอ๊าะ เมี่ยน โหฒว เฮมียน โฮ์, ไม้ ฮิ้ว ตุ๊ ไญ้,
มป่า เฮญี้ยว หฒีง เญย เมี่ยน หลงๆ เญย ฮนั้ม เถา กั้น เญย เจ๊า.
30ไม้ ม่าย หาย หญู่ง ธง-เม่ง ไฟ ว่วน ฒาง ไฟ ธ่าง ล่าง เญย หว่า
ไฮ่ ฮี่ง เจี๋ย เฒี้ยว.
31ม์า หลิ่ว เล์ย เหฒียง เหว่ย เบ๊าะ จ๋า เญย ฮนอย,
มป่า เซ เฒี้ยว ปุน ตุ๊ ฮี่ง.
Currently Selected:
ธง-เม่ง หว่า 21: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
